رہنے لگے ہیں میز پہ صفحات منتشر

[سید ذیشان]

رہنے لگے ہیں میز پہ صفحات منتشر
ہیں بعدِ عشق اپنے خیالات منتشر
ممکن اگر ہو ایسا، بیاں حالِ دل کروں
نہ ہونگے پھر یہ اپنے جوابات منتشر
مجھ کو جلا کے: "اب تو کہانی خَتَم ہوئی!"
دل کے ہَوا سے پھر ہوئے ذرات منتشر
یک سمت چل رہا تھا جب ہم آشنا نہ تھے
حرکت کی پھر ہوئی ہے مساوات منتشر
دیکھا دیارِ عشق تو حیران رہ گیا
تا از نگاہ ہر سو خرابات منتشر
سمجھا دیارِ عشق کو رضواں، عجب کیا!
دیکھے جو واں پہ ہر سو خرابات منتشر
خالق جو نہ ہو ایک تو وحدت نہ ان میں ہو
ہوں دنیا اپنی، ارض و سماوات منتشر
مرکوز تب ہی اپنے خیالات کی ہو رو
نہ ہو جو سب کی غایتِ غایات منتشر

 

[حسان خان]

بہت خوب ذیشان بھائی۔

رہنے لگے ہیں میز پہ صفحات منتشر
تا از نگاہ ہر سو خرابات منتشر

آپ شاید یہاں تا حدِ نگاہ کہنا چاہ رہے تھے۔
(یہ الگ بات ہے کہ یوں مصرع وزن میں نہیں رہتا۔)

 

[نایاب]

بہت خوب
بس ہے منتشر منتشر ۔۔۔۔۔۔۔۔۔۔

 

[سید ذیشان]

بہت خوب ذیشان بھائی۔



آپ شاید یہاں تا حدِ نگاہ کہنا چاہ رہے تھے۔
(یہ الگ بات ہے کہ یوں مصرع وزن میں نہیں رہتا۔)

ہاہاہا ہاں مقصد یہی تھا۔ لگتا ہے مجھے فارسی سے دور ہی رہنا چاہیے

 

[سید ذیشان]

بہت خوب
بس ہے منتشر منتشر ۔۔۔ ۔۔۔ ۔۔۔ ۔

بہت شکریہ نایاب بھائی

 

[مقدس]

زیش بھیاا آپ بھی شاعری کرتے ہیں اور وہ بھی اتنی مشکل

 

[سید ذیشان]

زیش بھیاا آپ بھی شاعری کرتے ہیں اور وہ بھی اتنی مشکل

شاعری تو نہیں البتہ تک بندی کہہ سکتے ہیں۔ اور اس میں مشکل کیا ہے

 

[مقدس]

شاعری تو نہیں البتہ تک بندی کہہ سکتے ہیں۔ اور اس میں مشکل کیا ہے

اس میں آسان کیا ہے بھیا
اتنا مشکل تو لکھتے ہیں ۔۔۔۔۔ توبہ توبہ ۔۔۔۔

 

[سید ذیشان]

اس میں آسان کیا ہے بھیا
اتنا مشکل تو لکھتے ہیں ۔۔۔ ۔۔ توبہ توبہ ۔۔۔ ۔

شائد منتشر کا لفظ مشکل ہے۔ اس کا مطلب ہے scattered باقی سب تو آسان ہے۔

 

[مقدس]

شائد منتشر کا لفظ مشکل ہے۔ اس کا مطلب ہے scattered باقی سب تو آسان ہے۔

ویسے بھیا مجھے سمجھ ذرا نہیں آیا اتنی بار پڑھنے کے باوجود
اس لیے اپنی سمجھ کو قصوروار نہ مانتے ہوئے الزام آپ کی شاعری پر رکھ رہی ہوں

 

[سید ذیشان]

دیکھا دیارِ عشق تو حیران رہ گیا​

تا از نگاہ ہر سو خرابات منتشر​

اس کو اسطرح کر دیا:​

دیکھا دیارِ عشق تو حیران رہ گیا
حدِ نگاہ تک ہیں خرابات منتشر

​

 

[سید ذیشان]

ویسے بھیا مجھے سمجھ ذرا نہیں آیا اتنی بار پڑھنے کے باوجود
اس لیے اپنی سمجھ کو قصوروار نہ مانتے ہوئے الزام آپ کی شاعری پر رکھ رہی ہوں

ہاہاہا
اچھا اب الزام قبول کرنے کے علاوہ اور چارہ بھی نہیں ہے۔

 

[مقدس]

ہاہاہا
اچھا اب الزام قبول کرنے کے علاوہ اور چارہ بھی نہیں ہے۔

ہی ہی ہی بھیا یہاں سے جاتی ہوں
نہیں تو سب لوگ میری اصلاح کرنے لگ جائیں گے

 

[سید ذیشان]

ہی ہی ہی بھیا یہاں سے جاتی ہوں
نہیں تو سب لوگ میری اصلاح کرنے لگ جائیں گے

شکر ہے الزام قبول کرنے پر آئس کریم کی ڈیمانڈ نہیں کر دی

 

[حسان خان]

اس کو اسطرح کر دیا:​

دیکھا دیارِ عشق تو حیران رہ گیا
حدِ نگاہ تک ہیں خرابات منتشر

اب بہتر ہے۔

 

[الف عین]

کاپی کر رہا ہوں، مع اصلاح شدہ مصرع کے۔

 

[سید ذیشان]

کاپی کر رہا ہوں، مع اصلاح شدہ مصرع کے۔

بہت شکریہ استادِ محترم

 

[مقدس]

شکر ہے الزام قبول کرنے پر آئس کریم کی ڈیمانڈ نہیں کر دی

میں نے تو بھول گئی تھی بھیا پر آپ ہی نے یاد کروا دیا۔۔ چلیں کھلائیں پھر آئسکریم۔ علی کے حصے کی بھی میں ہی کھا لیتی ہوں۔۔ وہ ابھی چھوٹا ہے ناں

 

[محمد اسامہ سَرسَری]

بے حد پسند آیا ہمیں ذیش کا کلام۔۔۔۔۔۔اصحابِ ذوق کی ہیں یہ برکات منتشر

 

[سید ذیشان]

بے حد پسند آیا ہمیں ذیش کا کلام۔۔۔ ۔۔۔ اصحابِ ذوق کی ہیں یہ برکات منتشر

بہت شکریہ پسند کرنے کا