دیئے گئے لفظ پر شاعری

[محمد فہد]

بھائی جی لفظ ویسے "بوڑھا" تھا

تصبیح کرنے کا شکریہ

 

[خالد محمود چوہدری]

تصبیح

تصحیح لفظ ہے شاید

 

[شهزاد محبوب]

تمہاری بے رخی نے لاج رکھ لی بادہ خانے کی

تم آنکھوں سے پلا دیتے تو پیمانے کہاں جاتے
اگلا لفظ
بادہ

 

[فلسفی]

پلاتے ہیں خود اپنے ہاتھ سے ہم کو زبردستی
زباں سے پھر ہمیں وہ خود ہی بادہ خوار کہتے ہیں

زبردستی

 

[طاہر شیخ]

یوں ہے کہ زبردستی اٹھایا گیا مجھ کو
ایسے تو نہیں کوئے ستم گر سے اٹھا میں

عبدالرحمان واصف


ستم گر

 

[فلسفی]

جان لے گا ستم گر ترا دیکھنا
پھیر لے رخ اگر بات کرنی نہیں

جان

 

[محمد عدنان اکبری نقیبی]

کس زعم میں‌ تھے اپنے دشمن شاید یہ انہیں معلوم نہیں
یہ خاکِ وطن ہے جاں اپنی اور جان تو سب کو پیاری ہے

پیاری

 

[فلسفی]

جہاں میں ہے عزت ہماری اسی سے
ہمیں جاں سے پیاری ہے نسبت وطن کی

نسبت

 

[محمد عدنان اکبری نقیبی]

پیٹھ محراب کی قبلے کی طرف رہتی ہے
محوِ نسبت ہیں، تکلّف ہمیں منظور نہیں

منظور

 

[فلسفی]

اگر منظور ہوتی ان کی سُبکی آج محفل میں
تو اپنے نام سے اپنا تعارف ہم بھی کرواتے

سُبکی

 

[محمد عدنان اکبری نقیبی]

سبکی نہ ہو کہیں طرف یار دیکھ کر
آنکھیں اٹھائیے بھی تو دستار دیکھ کر

دستار

 

[فلسفی]

لگا ہو داغ جس پر بدگمانی کی سیاہی کا
کوئی دستار ایسی قابلِ تعظیم ہوتی ہے؟

تعظیم

 

[محمد عدنان اکبری نقیبی]

فرشتے سجدۂ تعظیم پر ہوئے مجبور
مرا نیاز مری بندگی کہاں تک ہے

بندگی

 

[فلسفی]

بندگی کا سلیقہ نہ آیا مجھے
وقتِ سجدہ ادا کر رہا ہوں قیام

قیام

 

[محمد عدنان اکبری نقیبی]

سفر قیام سے بہتر نہیں رہا اب کے
کہ جا بجا تھے مری راہ میں ٹھکانے بہت

ٹھکانے

 

[فلسفی]

ہمیں کیا خبر تھی ٹھکانے کی تیرے
سوا دل کے ہر اک جگہ تجھ کو ڈھونڈا

ڈھونڈا

 

[محمد عدنان اکبری نقیبی]

میں غم دہر کی چادر میں چھپا بیٹھا تھا
رات بھر آ کے تری یاد نے ڈھونڈا ہے مجھے

یاد

 

[فلسفی]

سامنے جب کبھی وہ آجائیں
مدعا یاد ہی نہیں رہتا

مدعا

 

[شهزاد محبوب]

دعا تو خیر دعا سے امید خیر بھی ہے

یہ مدعا ہے تو انجام مدعا معلوم نہیں

انجام

 

[فلسفی]

ہو کے دوچار عبرت کے انجام سے
دل بری ہو گیا ہر اک الزام سے

بری