دیئے گئے لفظ پر شاعری - دوسرا دور

[شمشاد خان]

دل میں اک لہر سی اٹھی ہے ابھی
کوئی تازہ ہوا چلی ہے ابھی
(ناصر کاظمی)

لہر

 

[شمشاد خان]

السلام علیکم
سب سے معذرت کے ساتھ
آج اس فورم پر پہلی دفعہ پوسٹ کیا
لیکن موضوع بعد میں دیکھا
کیونکہ یہ پہلی پوسٹ ہے اس لئے ڈیلیٹ نہیں کروں گا لیکن آئندہ خیال رکھوں گا
ان شاءاللہ

و علیکم السلام عبدالرؤف سلفی صاحب۔
اردو محفل میں خوش آمدید۔
آپ ایسا کریں کہ تعارف کے زمرے میں جائیں اور اپنا تعارف دیں، تاکہ دوسرے اراکین اردو محفل آپ سے متعارف ہو سکیں۔

یہ رہا تعارف کا زمرہ، یہاں کلک کریں۔

 

[مومن فرحین]

یہ موج موج بنی کس کی شکل سی تابشؔ

یہ کون ڈوب کے بھی لہر لہر پھیل گیا

شکل

 

[شمشاد خان]

تری ہی شکل کے بت ہیں کئی تراشے ہوئے
نہ پوچھ کعبۂ دل میں بھی کیا تماشے ہوئے
(عامر امیر)

بُت

 

[مومن فرحین]

دل اس بت کا شیدا ہوا چاہتا ہے
کہ کعبہ کلیسا ہوا چاہتا ہے

کلیسا

 

[شمشاد خان]

ایماں مجھے روکے ہے جو کھینچے ہے مجھے کفر
کعبہ مرے پیچھے ہے کلیسا مرے آگے
(چچا)

کفر

 

[مومن فرحین]

لائے اس بت کو التجا کر کے
کفر ٹوٹا خدا خدا کر کے

پنڈت دیا شنکر
التجا

 

[خالد محمود چوہدری]

کہیں وہ آ کے مٹا دیں نہ انتظار کا لطف
کہیں قبول نہ ہو جائے التجا میری
حسرتؔ جے پوری
حسرت

 

[مریم افتخار]

کہہ دو ان حسرتوں سے کہیں اور جا بسیں
اتنی جگہ کہاں ہے دل داغدار میں
بہادر شاہ ظفر​

داغ

 

[خالد محمود چوہدری]

ہزاروں کام محبت میں ہیں مزے کے داغؔ
جو لوگ کچھ نہیں کرتے کمال کرتے ہیں
داغ دہلوی
کمال

 

[مومن فرحین]

کمال ضبط کو خود بھی تو آزماؤں گی
میں اپنے ہاتھ سے اس کی دلہن سجاؤں گی
پروین جی
دلہن

 

[شمشاد خان]

مجھے حادثوں نے سجا سجا کے بہت حسین بنا دیا
مرا دل بھی جیسے دلہن کا ہاتھ ہو مہندیوں سے رچا ہوا
(بشیر بدر)

مہندی

 

[مومن فرحین]

مہندی نے غضب دونوں طرف آگ لگا دی

تلووں میں ادھر اور ادھر دل میں لگی ہے


آگ

 

[شمشاد خان]

تری یاد آئے تو چپ رہوں ذرا چپ رہوں تو غزل کہوں
یہ عجیب آگ کی بیل تھی مرے تن بدن سے لپٹ گئی
(بشیر بدر)

بدن

 

[مومن فرحین]

تیرے بدن میں دھڑکنے لگا ہوں دل کی طرح
یہ اور بات کہ اب بھی تجھے سنائی نہ دوں

بات

 

[شمشاد خان]

بات بن آئی ہے پھر سے کہ مرے بارے میں
اس نے پوچھیں مرے غم خوار سے باتیں کیا کیا
(احمد فراز)

غم خوار

 

[مومن فرحین]

سبھی کہیں میرے غمخوار کے علاوہ بھی
کہ کوئی بات کروں یار کے علاوہ بھی

علاوہ

 

[شمشاد خان]

کل رات میں تھا میرے علاوہ کوئی نہ تھا
شیطان مر گیا تھا فرشتے بھی سوئے تھے
(بشیر بدر)

رات

 

[محمد عدنان اکبری نقیبی]

ہم تو رات کا مطلب سمجھیں خواب، ستارے، چاند، چراغ
آگے کا احوال وہ جانے جس نے رات گزاری ہو

عرفان صدیقی

احوال

 

[شمشاد خان]

سب کا احوال وہی ہے جو ہمارا ہے آج
یہ الگ بات کہ شکوہ کیا تنہا ہم نے
(شہر یار)

شکوہ