دیئے گئے لفظ پر شاعری - دوسرا دور

[شمشاد خان]

اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی
(پروین شاکر)

ہنسی

 

[مومن فرحین]

نظر کی تیزی میں ہلکی ہنسی کی آمیزش
ذرا سی دھوپ میں کچھ چاندنی کی آمیزش
پروین شاکر

آمیزش

 

[شمشاد خان]

آمیزش بے جا ہے تجھے جن سے ہمیشہ
وے لوگ ہی آخر تجھے بدنام کریں گے
(میر تقی میر)

بدنام

 

[مومن فرحین]

ہر چند تجھے صبر نہیں درد ولیکن
اتنا بھی نہ ملیو کہ وہ بدنام بہت ہو


خواجہ میر درد

صبر

 

[شمشاد خان]

عاشقی صبر طلب اور تمنا بیتاب
دل کا کیا رنگ کروں خون جگر ہوتے تک
(چچا)

تمنا

 

[مریم افتخار]

جانِ نگاہ و روحِ تمنّا چلی گئی
اے نجدِ آرزو! مری لیلیٰ چلی گئی
جون ایلیا

روح

 

[مومن فرحین]

عاشقی صبر طلب اور تمنا بیتاب
دل کا کیا رنگ کروں خون جگر ہوتے تک
(چچا)

تمنا

جو تمنا بر نہ آئے عمر بھر
عمر بھر اس کی تمنا کیجئیے

عمر

 

[شمشاد خان]

اک وہ کہ آرزوؤں پہ جیتے ہیں عمر بھر
اک ہم کہ ہیں ابھی سے پشیمان آرزو
(اختر شیرانی)

آرزو

 

[شمشاد خان]

جانِ نگاہ و روحِ تمنّا چلی گئی
اے نجدِ آرزو! مری لیلیٰ چلی گئی
جون ایلیا

روح

ہر ایک جسم روح کے عذاب سے نڈھال ہے
ہر ایک آنکھ شبنمی ہر ایک دل فگار ہے
(شہر یار)

اگلا لفظ "آرزو" اوپر والے مراسلے میں دے چکا ہوں۔

 

[مومن فرحین]

آرزو کر نہ سکی ترک تعلّق کو قبول
تجھ سے بچھڑے تو تیری یاد کے ہو بیٹھے ہیں

تعلّق

 

[شمشاد خان]

رنج کیا وصل عدو کا جو تعلق ہی نہیں
مجھ کو واللہ ہنساتا ہے رلانا تیرا
(داغ دہلوی)

وصل

 

[مومن فرحین]

وصل میں رنگ اڑ گیا میرا

کیا جدائی کو منہ دکھاؤں گا

میر تقی میر

منہ

 

[شمشاد خان]

کہتا تھا ناصحوں سے مرے منہ نہ آئیو
پھر کیا تھا ایک ہو کا بہانہ بہت ہوا
(احمد فراز)

بہانہ

 

[مومن فرحین]

ارے یہ صرف بہانہ ہے بات کرنے کا
میری مجال میں جھگڑا کروں جناب کے ساتھ

مجال

 

[شمشاد خان]

شوق وصال ہے یہاں لب پہ سوال ہے یہاں
کس کی مجال ہے یہاں ہم سے نظر ملا سکے
(حفیظ جالندھری)

وصال

 

[مومن فرحین]

وصال میں بھی وہی ہے فراق کا عالم
کہ اس کو نیند مجھے رتجگے کی عادت ہے

احمد فراز

رتجگے ۔

 

[شمشاد خان]

کوئی تو نیم وا دریچوں سے
دیکھے اس رتجگے کے منظر کو
(فارغ بخاری)

دریچہ

 

[مومن فرحین]

ہوائے تازہ میں پھر جسم و جاں بسانے کا

دریچہ کھولیں کہ ہے وقت اس کے آنے کا

تازہ

 

[عبدالرؤف سلفی]

کتنا تلخ ہے شام کا منظر


تم ہو اورمرا رقیب بھی ہے


از قلم
08/05/2020

 

[عبدالرؤف سلفی]

السلام علیکم
سب سے معذرت کے ساتھ
آج اس فورم پر پہلی دفعہ پوسٹ کیا
لیکن موضوع بعد میں دیکھا
کیونکہ یہ پہلی پوسٹ ہے اس لئے ڈیلیٹ نہیں کروں گا لیکن آئندہ خیال رکھوں گا
ان شاءاللہ