دیئے گئے لفظ پر شاعری - دوسرا دور

[زھرا]

یہ رہا بے نصیب کا شعر
او بےنصیب !دن کے تصور سے خوش نہ ہو
چولا بدل لیا ہے شبِ انتظار نے
(ٍحفیظ جالندھری)

شبِ انتظار

 

[شمشاد]

میں تو آسان سا لفظ دیا کرتا ہوں کہ کھیل چلتا رہے۔
---------------------------------------------

نہ حریفِ جاں نہ شریکِ غم شبِ انتظار کوئی تو ہو
کسے بزمِ شوق میں لائیں ہم دلِ بے قرار کوئی تو ہو
(احمد فراز)

حریف

 

[زھرا]

یہ جو اپنی جاں کے حریف ہم تیری بے رخی کا شکار تھے
جو گلہ کریں بھی تو کیا کریں ... تیرے اپنے رنج ہراز تھے

شاعر: نامعلوم
بے رخی

 

[عبد الرحمن]

ہوا حریف مہ آفتاب تو جس سے
رہی نہ تیرے ستاروں میں وہ درخشانی

(علامہ اقبال)

آفتاب

 

[ماہی احمد]

یہ جو اپنی جاں کے حریف ہم تیری بے رخی کا شکار تھے
جو گلہ کریں بھی تو کیا کریں ... تیرے اپنے رنج ہراز تھے

شاعر: نامعلوم
بے رخی

تیری بے رخی کے دیار میں، گهنی تیرگی کے حصار میں
جلے کس طرح سے چراغ جان کرے کس طرح سفر کوئی

تیرگی

 

[شمشاد]

تیرگی کو نور کا روئے حسیں محبوب ہے
نور کو ظلمات کی سنجیدگی مرغوب ہے
(احمد ندیم قاسمی)

محبوب

 

[زھرا]

وہ تو وہ ہے ... تمہیں ہو جائے گی الفت مجھ سے
اک نظر تم میرا محبوب ِ نظر تو دیکھو
فیض

الفت

 

[شمشاد]

نہیں‌چھپتی نہیں چھپتی نہیں چھپتی الفت
سب کہے دیتے ہیں‌آثار کہوں یا نہ کہوں
(داغ دہلوی)

چھپنا

 

[زھرا]

شرمِ رسوائی سے جا چھپنا نقابِ خاک میں
ختم ہے الفت کی تجھ پر پردہ داری ۔۔۔ ہائے ہائے
غالب

پردہ داری

 

[شمشاد]

شق ہو گیا ہے سینہ، خوشا لذّتِ فراغ
تکلیفِ پردہ داریِ زخمِ جگر گئی
(چچا)

زخم

 

[زھرا]

زخ۔م پر چ۔ھڑکیں ک۔ہاں ط۔فلانِ بے پ۔روا ن۔مک
ک۔یا م۔زہ ہوتا اگ۔ر .. پتّ۔ھر میں ب۔ھی ہوتا ن۔مک
غالب
بےپروا

 

[شمشاد]

زخم پر چھڑکیں کہاں طفلانِ بے پروا نمک
کیا مزہ ہوتا اگر .. پتّھر میں بھی ہوتا نمک
غالب
بےپروا

فضائے خندۂ گُل تنگ و ذوقِ عیش بے پروا
فراغت گاہِ آغوشِ وداعِ دل پسند آیا
(چچا)

تنگ

 

[زھرا]

تنگئ دل کا گلہ کیا؟ ... یہ وہ کافر دل ہے
کہ اگر تنگ نہ ہوتا تو پریشاں ہوتا
غالب

کافر

 

[شمشاد]

جوانی میں دل ایک کافر کو دے کر
وسیمآج تک ہم تو پچھتارہے ہیں
(وسیم خیر آبادی)

جوانی

 

[زھرا]

عہد جوانی رو رو کاٹا پیری میں لی آنکھیں موند
یعنی رات بہت تھے جاگے صبح ھوئی آرام کیا
میر

موند

 

[شمشاد]

یہ تو بڑا مشکل لفظ دے دیا۔ ڈھونڈنا پڑے گا۔

 

[زھرا]

آنکھیں موند کنارے بیٹھو ۔۔۔ من کے رکھو بند کواڑ
انشاء جی لو دھاگا لو اور لب سی لو ۔۔۔ خاموش رہو!
ابن انشاء

کواڑ

 

[شمشاد]

ہوا کا لمس جو اپنے کواڑ کھولتا ہے
تو دیر تک مرے گھر کا سکوت بولتا ہے
(محسن نقوی)

گھر

 

[اوشو]

میرے خدا مجھے اتنا تو معتبر کر دے
میں جس مکان میں رہتا ہوں اس کو گھر کر دے

معتبر

 

[ماہی احمد]

وہ میری نام کی نسبت سے معتبر ٹہرے,
گلی گلی میری رسوائیوں کا ساتھی ہو

نسبت