دیئے گئے لفظ پر شاعری - دوسرا دور

[شمشاد]

تم نے اگلا لفظ نہیں دیا تو میں نے خود ہی "انسان" چُن لیا۔
-----------------------------------------------------

محبت ایک خوشبو ہے ہمیشہ ساتھ چلتی ہے
کوئی انسان تنہائی میں بھی تنہا نہیں رہتا
(بشیر بدر)

خوشبو

 

[تبسم]

وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا
پھول

 

[شمشاد]

رکھنا ہو تو رکھ لیجیے پھولوں کو نگا ہوں میں
خوشبو تو مسافر ہے کھوجاتی ہےراہوں میں


نگاہ

 

[نوید رزاق بٹ]

دل و نگاہ پہ کس طور کے عذاب اُترے
وہ ماہتاب ہی اُترا، نہ اُس کے خواب اُترے
- پروین شاکر

ماہتاب

 

[شمشاد]

مرّیخ و ماہتاب نہیں چاہیئے مجھے
تم آسماں طلب ہو زمیں چاہیئے مجھے
(نصیر کوٹی)

آسمان

 

[نوید رزاق بٹ]

کُچھ زمینوں کے ستارے ساغرؔ
آسمانوں کی خبر رکھتے ہیں
(ساغر صدیقی)

خبر

 

[شمشاد]

دل لگی آگ ہے اے داغ خبر لو جلدی
جو لگائے سے لگی کب وہ بجھی آپ ہی آپ
(داغ دہلوی)

آگ

 

[نوید رزاق بٹ]

آگ ہو تو جلنے میں دیر کتنی لگتی ہے
برف کے پگھلنے میں‌ دیر کتنی لگتی ہے
- فرحت عباس شاہ

برف

 

[شمشاد]

حُسنِ اضداد سے بہلتا ہوں
برف کے منطقوں میں جلتا ہوں
(احمد ندیم قاسمی)

حُسن

 

[زھرا]

آ کہ وابستہ ہیں اس حُسن كی یادیں .....تُجھ سے
جِس نے اس دِل كو .... پری خانہ بنا رکھا تھا

وابستہ

 

[شمشاد]

ہاں وہی نام کہ جس نام سے وابستہ ہے
ہر محبت وہ نئی ہو کہ پرانی لوگو
(احمد فراز)

لوگ

 

[زھرا]

ہاں وہی نام کہ جس نام سے وابستہ ہے
ہر محبت وہ نئی ہو کہ پرانی لوگو
(احمد فراز)

لوگ

 

[زھرا]

یہ درد کی تنہائیاں ۔۔۔۔ یہ دشت کی ویرانیاں
ہم لوگ تو اکتا گئے اپنی سُنا ۔۔۔۔ آوارگی
(محسن نقوى)

دشت

 

[شمشاد]

جب دہر کے غم سے اماں نہ ملی، ہم لوگوں نے عشق ایجاد کیا
کبھی شہرِ بتاں میں خراب پھرے، کبھی دشتِ جنوں آباد کیا
(ابن انشاء)

غم

 

[زھرا]

غم و غصہ و رنج و اندوہ و حرماں
ہمارے بھی ہیں مہرباں ۔۔۔۔کیسے کیسے

(آتش)

 

[شمشاد]

آپ نے اگلا لفظ نہیں دیا۔ میں خود سے "غصہ" چُن لیا تھا۔
---------------------------------------------------

زیست سے تنگ ہیں نہ چھیڑ ہمیں
دیکھ غصہ حرام ہوتا ہے
(داغ دیلوی)

حرام

 

[زھرا]

آج تک شیخ کے اکرام میں جو شے تھی حرام
اب وہی دشمنِ دیں ... راحتِ جاں ٹھہری ہے
فیض

راحتِ جاں

 

[شمشاد]

اک عمر سے ہوں لذتِ گریہ سے بھی محروم
اے راحتِ جاں مجھ کو رلانے کے لئے آ
(احمد فراز)

لذت

 

[زھرا]

بلند بال تھا لیکن نہ جسور و غیور
حکیم ِ سر ِمحبت سے بے نصیب رہا
پھرا فضائوں میں گرگس اگرچہ شاہیں وار
شکار زندہ کی لذت سے ۔۔۔ بے نصیب رہا
(اقبال)

بے نصیب

 

[شمشاد]

بے نصیب تو نہیں ملا 'بد نصیب' پر شعر دے دیا ہے۔
----------------------------------------------

جس کو نہیں نصیب بڑا بد نصیب ہے
کھاتے ہیں ترے عشق کا غم کس خوشی سے ہم
(داغ دہلوی)

خوشی