دیئے گئے لفظ پر شاعری - دوسرا دور

[عمر سیف]

یہ میری غزلیں یہ میری نظمیں تمام تیری حکایتیں ہیں
یہ تذکرے تیرے لطف کے ہیں یہ شعر تیری شکایتیں ہیں

نظم

 

[فرحت کیانی]

لطف وہ عشق میں پائے ہیں کہ جی جانتا ہے
رنج بھی ایسے اُٹھائے ہیں کہ جی جانتا ہے
(یہ داغ کا شعر ہے کیا؟)



جی

 

[شمشاد]

یہ میری غزلیں یہ میری نظمیں تمام تیری حکایتیں ہیں
یہ تذکرے تیرے لطف کے ہیں یہ شعر تیری شکایتیں ہیں

نظم

​

صرف اِک حسرتِ اظہار کے پر تو ہیں ندیم​

میری غزلیں ہوں کہ نظمیں کہ فسانے میرے​

)احمد ندیم قاسمی)​

 

[شمشاد]

لطف وہ عشق میں پائے ہیں کہ جی جانتا ہے
رنج بھی ایسے اُٹھائے ہیں کہ جی جانتا ہے
(یہ داغ کا شعر ہے کیا؟)

جی

​

اپنا یہ حال کہ جی ہار چکے لٹ بھی چکے​

اور محبت وہی انداز پرانے مانگے​

(فراز)​

​

​

ہار، ہارنا​

 

[عمر سیف]

گر پیادہ بھی کوئی جیت کے نکلا تو ترا
اور بازی میں کوئی شاہ بھی ہارا، میرا

بازی

 

[شمشاد]

لطف وہ عشق میں پائے ہیں کہ جی جانتا ہے
رنج بھی ایسے اُٹھائے ہیں کہ جی جانتا ہے
(یہ داغ کا شعر ہے کیا؟)

یہ داغ دہلوی کی ہی غزل کا شعر ہے۔

پوری غزل پسندیدہ کلام میں پوسٹ کر رہا ہوں۔

 

[غ۔ن۔غ]

گر پیادہ بھی کوئی جیت کے نکلا تو ترا
اور بازی میں کوئی شاہ بھی ہارا، میرا

بازی

​

یہ بازی عشق کی بازی ہے‘ جو چاہو لگا دو ڈر کیسا​

گر جیت گئے تو کیا کہنا‘ہارے بھی تو بازی مات نہیں​

​

مات​

 

[شمشاد]

بتاؤ دل کی بازی میں بھلا کیا بات گہری تھی؟​

کہا، یُوں تو سبھی کچھ ٹھیک تھا پر مات گہری تھی​

(فاخرہ بتول)​

​

دل​

 

[غ۔ن۔غ]

یہ کیا کہ سب سے بیاں دل کی حالتیں کرنی
فراز تجھ کو نہ آئیں محبتیں کرنی

بیاں

 

[مدثر اقبال]

اے راہ گزر پڑھ لے فاتحہ میر ے واسطے
کل تو بھی مجبور ہوگا اس دعا کے واسطے

 

[غ۔ن۔غ]

اے راہ گزر پڑھ لے فاتحہ میر ے واسطے
کل تو بھی مجبور ہوگا اس دعا کے واسطے

اس شعر میں لفظ " بیاں" کہاں ہے ؟

 

[فرخ منظور]

بیاں میں نکتۂ توحید آ تو سکتا ہے
ترے دماغ میں بت خانہ ہو تو کیا کہیے
(اقبال)

 

[غ۔ن۔غ]

آخر کوئی صورت بھی تو ہو خانہ دِل کی​

کعبہ نہیں بنتا ہے تو بت خانہ بنا دے​

خانہ دِل​

 

[فرخ منظور]

خانۂ دل سے زینہار نہ جا
کوئی ایسے مکاں سے اٹھتا ہے
(میر)

مکاں

 

[غ۔ن۔غ]

میں نس نس میں ٹکرائی ہوں خواہشوں سے
میں گرتا ہوا ایک خالی مکاں ہوں

کھڑی ہوں ابھی تک مقابل ہوا کے
بڑی مضمحل ہوں، بڑی سخت جاں ہوں
(فرزانہ نیناں)
مضمحل

 

[سارہ خان]

مضمحل دردِ غم ہے بے چارہ
پھر مُجھے زندگی نے للکارا

سلطنت ہے قناعتِ درویش
ہر نفس ہے سکندر و دارا
ساغرؔ صدیقی

نفس

 

[غ۔ن۔غ]

مضمحل دردِ غم ہے بے چارہ
پھر مُجھے زندگی نے للکارا

سلطنت ہے قناعتِ درویش
ہر نفس ہے سکندر و دارا
ساغرؔ صدیقی

نفس

ہر نفس درد کے سانچے میں ڈھلا ھو جیسے
زیست نا کردہ گناھوں کی سزا ھو جیسے

زیست

 

[فرخ منظور]

ہر لمحہ احساس کی صہبا رُوح میں ڈھلتی جاتی ہے
زیست کا نشّہ کچھ کم ہو تو ہو آئیں میخانے لوگ
(عبید اللہ علیم)

صہبا

 

[سارہ خان]

وقت كرتا ہے ہر سوال كو حل
زیست مكتب ہے امتحان نہیں

سوال

 

[غ۔ن۔غ]

پھر دیکھئے اندازِ گلفشانی گفتار
رکھ دے کوئی پیمانۂ صہبا مِرے آگے

گلفشانی