دیئے گئے لفظ پر شاعری - دوسرا دور

[سیما علی]

ہو تڑپ تو دل میں غزل بنے ہو ملن تو گیت ہوں پیار کے
ہاں عجیب شخص تھا اندراؔ جو سکھا کے ایسے ہنر گیا


اندرا ورما


ہنر

 

[شمشاد]

اک بے ہنر ہوں اور ہنر چاہتی ہوں میں
اب دھوپ کے سفر میں شجر چاہتی ہوں میں
(ثبین سیف)

دھوپ

 

[شمشاد]

شدید دھوپ میں سارے درخت سوکھ گئے
بس اک دعا کا شجر تھا جو بے ثمر نہ ہوا
علینا عترت

دعا

 

[سیما علی]

دبا کے قبر میں سب چل دیئے دعا نہ سلام
ذرا سی دیر میں کیا ہوگیا زمانے کو!!!!!!!!!

اُستاد قمر جلالوی

زمانے

 

[شمشاد]

یہ ہجرتوں کا زمانا بھی کیا زمانا ہے
انہیں سے دور ہیں جن کے لیے کمانا ہے
سید سروش آصف

ہجرت

 

[لاريب اخلاص]

درد ہجرت کے ستائے ہوئے لوگوں کو کہیں
سایۂ در بھی نظر آئے تو گھر لگتا ہے
بخش لائلپوری

گھر

 

[شمشاد]

اب گھر بھی نہیں گھر کی تمنا بھی نہیں ہے
مدت ہوئی سوچا تھا کہ گھر جائیں گے اک دن
(ساقی فاروقی)

تمنا

 

[سیما علی]

آغاز محبت کا انجام بس اتنا ہے!!!!!!!!!!!!
جب دل میں تمنا تھی اب دل ہی تمنا ہے

جگر مراد آبادی

دل

 

[شمشاد]

نہ بات دل کی سنوں میں نہ دل سنے میری
یہ سرد جنگ ہے اپنے ہی اک مشیر کے ساتھ
(فہیم جوگاپوری)

جنگ

 

[سیما علی]

جنگ لڑنا پڑتی ہے اپنے زورِ بازو پر!!!!
زندگی کے میداں میں معجزے نہیں ہوتے

معجزے

 

[شمشاد]

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے
(قتیل شفائی)

زخم

 

[سیما علی]

نسخۂ مرہم اکسیر بتانے والے
تو مرا زخم تو پہلے مجھے واپس کر دے

خورشید رضوی

اکسیر

 

[شمشاد]

نسخۂ مرہم اکسیر بتانے والے
تو مرا زخم تو پہلے مجھے واپس کر دے

خورشید رضوی

اکسیر

بہت خوبصورت شعر ہے۔
---------------------------------------------------
ملے جو وقت تو اے رہرو رہ اکسیر
حقیر خاک سے بھی ساز باز کرتا جا
جوشؔ ملیح آبادی

خاک

 

[سیما علی]

ہم عشق میں یوں بے باک ہوئے، سو بار گریباں چاک ہوئے
اب راہِ طلب میں خاک ہوئے، اس خاک کو تو برباد نہ کر


شاعر یاد نہیں

برباد

 

[سیما علی]

اے حسن مجھے تھام کہ برباد نہ ہوں میں
اللہ نہ کرے عشق سے بھی شاد نہ ہوں میں

راحیل فاروق

شاد

 

[اکمل زیدی]

کچھ نہیں اس کے سوا جوشؔ حریفوں کا کلام
وصل نے شاد کیا ہجر نے ناشاد کیا

جوش

ہجر

 

[سیما علی]

بس حضرتِ عاطف کو یہی کچھ تھا میسر
سو، نانِ غمِ ہجر پہ پلتے ہوئے گزری

عاطف بٹ

غم

 

[شمشاد]

زمانے بھر کے غم یا اک ترا غم
یہ غم ہوگا تو کتنے غم نہ ہوں گے
حفیظ ہوشیارپوری

زمانہ

 

[مومن فرحین]

یہ پیام میرا کہنا تو صبا مودبانہ
کہ گزر گیا ہے پیارے تجھے دیکھے اک زمانہ

صبا

 

[سیما علی]

ہم جو دستک کبھی دیتے تھے صبا کی مانند
آپ دروازۂ دل کھول دیا کرتے تھے

شہزاد احمد

دروازہ