دیئے گئے لفظ پر شاعری - دوسرا دور

[سیما علی]

ساقیا ایک جام پینے سے ، جنتیں لڑکھڑا کے ملتی ہیں
لالہ و گل کلام کرتے ہیں ، رحمتیں مسکرا کے ملتی ہیں

لالہ و گل

 

[شمشاد]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوں گی کہ پنہاں ہو گئیں
(مرزا غالب)

خاک

 

[مومن فرحین]

کھلا یہ راز بھی برسوں کی رازداری میں
کہ عشق خاک نہ کر دے تو عشق خاک ہوا

عشق

 

[سیما علی]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوں گی کہ پنہاں ہو گئیں
(مرزا غالب)

خاک

واہ بھیا یہ میری پسندیدہ غزل ہے

 

[سیما علی]

ستاروں سے آگے جہاں اور بھی ہیں
ابھی عشق کے امتحاں اور بھی ہیں

امتحان

 

[شمشاد]

وہ میری فہم کا لیتا ہے امتحاں شاید
کہ ہر سوال سے پہلے جواب مانگے ہے
(کرامت علی کرامت)

جواب

 

[لاريب اخلاص]

ہم کیا کریں سوال یہ سوچا نہیں ابھی
وہ کیا جواب دیں گے یہ دھڑکا ابھی سے ہے
جلیل مانک پوری

سوال

 

[شمشاد]

خدا سے حسن نے اک روز يہ سوال کيا
جہاں ميں کيوں نہ مجھے تو نے لازوال کيا
(علامہ اقبال)

حسن

 

[سیما علی]

حسن کے سمجھنے کو عمر چاہیئے جاناں
دو گھڑی کی چاہت میں لڑکیاں نہیں کھلتیں
پروین شاکر

چاہت

 

[سیما علی]

دل کو تری چاہت پہ بھروسہ بھی بہت ہے
اور تجھ سے بچھڑ جانے کا ڈر بھی نہیں جاتا

احمد فراز

ڈر

 

[سیما علی]

مجھے ان آتے جاتے موسموں سے ڈر نہیں لگتا
نئے اور پر اذیت منظروں سے ڈر نہیں لگتا

سلیم احمد

نئے

 

[سیما علی]

نئے منظر کے خوابوں سے بھی ڈر لگتا ہے ان کو
پرانے منظروں سے جن کی آنکھیں کٹ چکی ہیں

خوشبیر سنگھ شاد

آنکھیں

 

[شمشاد]

میری آنکھیں اور دیدار آپ کا
یا قیامت آ گئی یا خواب ہے
(آسی غازی پوری)

دیدار

 

[سیما علی]

اب وہی کرنے لگے دیدار سے آگے کی بات
جو کبھی کہتے تھے بس دیدار ہونا چاہئے

ظفر اقبال

بات

 

[سیما علی]

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ

باصر سلطان کاظمی

محبت

 

[شمشاد]

محبت بانٹنا سیکھو محبت ہے عطا رب کی
محبت بانٹنے والے طویل العمر ہوتے ہیں
(بشیر مہتاب)

 

[مومن فرحین]

میں نے عمر لے لیا

خدا کرے کہ تیری عمر میں گنے جائیں
وہ دن جو میں نے تیرے ہجر میں گزارے ہیں

دن

 

[ڈاکٹر عظیم سہارنپوری]

دن ہو کہ رات ہو
بس اس کی بات ہو



بات

 

[سیما علی]

اس معمورے میں آباد تھے یونانی بھی
اسی دنیا میں یہودی بھی تھے ، نصرانی بھی
پر ترے نام پہ تلوار اٹھائی کس نے؟
بات جوبگڑی ہوئی تھی، وہ بنائی کس نے؟

حضرت علامہ محمد اقبال رح


بنائی

 

[سیما علی]

ایک تصویر بنائی ہے خیالوں نے ابھی
اور تصویر سے اک شخص نکل آیا ہے
تری پراری


شخص