دوبارہ سے موڈ بنائیں!

[نبیل]

السلام علیکم،
میں نے آپ کے موڈ بنانے کا دوبارہ انتظام کر دیا ہے۔ اس مرتبہ مُوڈ کی لسٹ میں ٹیکسٹ کی بجائے مُوڈ کی تصاویر نظر آئیں گی۔ لیکن اس سسٹم کو اپڈیٹ کرنے کے چکر میں آپ کے پرانے مُوڈ ڈیلیٹ ہو گئے ہیں، لہذا اب آپ کو دوبارہ سے مُوڈ بنانا پڑے گا۔

 

[arifkarim]

واہ بھئی واہ کمال کر دیا نبیل بھائی، اب ہر منٹ بعد بیویوں کی طرح موڈ بدل دوں گا

 

[محمد وارث]

شکریہ قبلہ، لیکن جو میرا موڈ ہے پچھلے آٹھ سالوں سے وہ تو نکال ہی دیا آپ نے

"بے کیف" زندگی کا جو بے کیف مُوڈ ہو
ہو گر کرم نبیل کا پھر اِنکِلُوڈ ہو

 

[الف عین]

یہ بے کیفی بھی کیا ہے جس کی سرشاری میں رہتے ہیں۔

ابھی کچھ اشعار پوسٹ کرنے والا ہوں تو یہ مصرع وارد ہو گیا!!

 

[نبیل]

وارث، آپ کونسے مُوڈ کی بات کر رہے ہیں؟
کیا کچھ گرافکس کم ہیں اس مرتبہ؟

 

[ابوشامل]

جی نبیل بھائی! کچھ کم ہیں اور کچھ زیادہ بھی لگ رہے ہیں۔ کم میں سے ایک کا ذکر تو وارث صاحب نے کر دیا "بے کیف" والا اور زیادہ وہ ہیں جن پر انگریزی میں لکھا ہے۔

 

[راجہ صاحب]

میں‌ نے تو اپنا موڈ تبدیل کر لیا ہے

وہ بھی بڑی مشکل سے

 

[شمشاد]

میں بھی کر کے دیکھتا ہوں لیکن کون سا موڈ بناؤں؟

 

[زونی]

میں بھی کر کے دیکھتا ہوں لیکن کون سا موڈ بناؤں؟

یہی والا ٹھیک ھے شمشاد بھائی

 

[ایچ اے خان]

کیا خاک موڈ بنائیں۔ قتل کی دھمکیاں چل گئیں، معاشقے غلط ملط ہوئے اور کہانی کا بھی پتہ نہیں۔ موڈ کا ستیاناس ہوگیا۔

 

[شمشاد]

پکوڑوں والی دکان سے پکوڑے خریدیں تو وہ ردی کاغذ میں پکوڑے ڈال کر دیتا ہے۔ اس کاغذ کو پڑھیں تو اس پر کوئی نہ کوئی نامکمل مضمون ہی ہوتا ہے۔ آپ بھی یہی سمجھیں کہ یہی ہوا ہے۔

 

[ایچ اے خان]

کچھ زیادہ ہی تڑامڑاکاغذ تھا۔
خیر مٹی پاو۔

 

[شمشاد]

یہ ہوئی نہ بات، بھول جائیں اس کو اور نئے سرے سے موڈ بنائیں۔

 

[نبیل]

شکریہ قبلہ، لیکن جو میرا موڈ ہے پچھلے آٹھ سالوں سے وہ تو نکال ہی دیا آپ نے

"بے کیف" زندگی کا جو بے کیف مُوڈ ہو
ہو گر کرم نبیل کا پھر اِنکِلُوڈ ہو

لیجیے جناب، اب آپ شوق سے بے کیف ہو سکتے ہیں۔ میں نے مُوڈ کی لسٹ کو اپڈیٹ کر دیا ہے۔ اس میں چند انگریزی اور انیمیٹڈ مُوڈ بھی شامل ہیں۔

 

[محمد وارث]

لیجیے جناب، اب آپ شوق سے بے کیف ہو سکتے ہیں۔ میں نے مُوڈ کی لسٹ کو اپڈیٹ کر دیا ہے۔ اس میں چند انگریزی اور انیمیٹڈ مُوڈ بھی شامل ہیں۔

ذرہ نوازی ہے بندہ پرور، نوازش آپ کی، عنایت آپ کی، مہربانی بھی آپ کی

ہوتا ہے کون شوق سے بے کیف یوں بھلا
پر جس کی رات دن غمِ جاناں ہی 'فُوڈ' ہو