دل تھا پہلو میں تو کہتے تھے تمنا کیا ہے ::: توصیف تبسم

فرقان احمد

محفلین
دل تھا پہلو میں تو کہتے تھے تمنا کیا ہے ۔۔۔!
اب وہ آنکھوں میں تلاطم ہے کہ دریا کیا ہے!

شوق کہتا ہے کہ ہر جسم کو سجدہ کیجے ۔۔۔!
آنکھ کہتی ہے کہ تو نے ابھی دیکھا کیا ہے!

ٹوٹ کر شاخ سے اک برگِ خزاں آمادہ!
سوچتا ہے کہ گزرتا ہوا جھونکا کیا ہے ۔۔۔!

کیا یہ سچ ہے کہ خزاں میں بھی چمن کھِلتے ہیں
میرے دامن میں لہو ہے تو مہکتا کیا ہے!

دل پہ قابو ہو تو ہم بھی سرِ محفل دیکھیں
وہ خمِ زلُف ہے کیا، صُورتِ زیبا کیا ہے!

ٹھہرو اور ایک نظر وقت کی تحریر پڑھو۔۔۔!
ریگِ ساحل پہ رمِ موج نے لکھا کیا ہے!

کوئی رہبر ہے نہ رستہ ہے نہ منزل توصیفؔ!
ہم کہ گَردِ رہِ صَرصَر ہیں ۔۔۔ ہمارا کیا ہے!​
 
مدیر کی آخری تدوین:

طارق شاہ

محفلین
دل پہ قابُو ہو تو ہم بھی سرِ محفِل دیکھیں
وہ خمِ زُلف ہے کیا، صُورتِ زیبا کیا ہے
۔۔۔۔
کوئی رہبر ہے، نہ رستہ ہے، نہ منزل توصیفؔ !
ہم کہ ،گردِ رَہِ صرصر ہیں، ہمارا کیا ہے

کیا کہنے :) :)
 

فرقان احمد

محفلین
دل پہ قابُو ہو تو ہم بھی سرِ محفِل دیکھیں
وہ خمِ زُلف ہے کیا، صُورتِ زیبا کیا ہے
۔۔۔۔
کوئی رہبر ہے، نہ رستہ ہے، نہ منزل توصیفؔ !
ہم کہ ،گردِ رَہِ صرصر ہیں، ہمارا کیا ہے

کیا کہنے :) :)
پسندیدگی کے لیے شکریہ، شاہ صاحب! :)
 

سین خے

محفلین

ٹوٹ کر شاخ سے اک برگ خزاں آمادہ!
سوچتا ہے کہ گزرتا ہوا جھونکا کیا ہے ۔۔۔!

کیا یہ سچ ہے کہ خزاں میں بھی چمن کھلتے ہیں
میرے دامن میں لہو ہے تو مہکتا کیا ہے!

ٹھہرو اور ایک نظر وقت کی تحریر پڑھو۔۔۔!
ریگ ساحل پہ رم موج نے لکھا کیا ہے!

کوئی رہبر ہے نہ رستہ ہے نہ منزل توصیفؔ
ہم کہ گرد رہ صرصر ہیں ۔۔۔ ہمارا کیا ہے!​

واہ۔ اعلیٰ انتخاب :)
 

ظہیراحمدظہیر

لائبریرین
واہ ! خوبصورت اشعار !

فرحان بھائی ، یہ مصرع کے درمیان میں اتنے ختمے کیوں لگاتے ہیں ؟! کیا مصرعوں کی لمبائی برابر کرنے کے لئے ؟!
 
Top