فرخ منظور
لائبریرین
دستور
کل رات کو محرابِ خرابات تھی روشن
اشعار کے حلقے میں تھی آیات کی آمد
اربابِ حکایت نے سجائی تھی ادب سے
افکار کے قالین پہ اقوال کی مسند
اخلاص کے رشتوں پہ چھلکتے تھے نئے جام
با وضع قدیمانۂ اخلاقِ اب و جد
رقصندہ و رخشندہ و تابندہ و پُرکار
جوّالہ و قتّالہ و سوزندہ و سرمد
ہر ذرّہ گراں مایہ و آفاق نشیمن
ہر قطرہ گُہر رشتہ و الماس و زبرجد
نغموں کا تلاطم تھا کہ تفسیرِ دو عالم
ہر گیت کا اِک گھیر تھا ہر بول کا اِک قد
ہر دھن سے ترشتے تھے تھرکتے ہوئے اصنام
ہر راگ میں اِک خال تھا، ہر تان میں اِک خَد
گھُلتا ہوا ساغر میں ہر اسلوبِ کم و بیش
مٹتا ہوا ہر تفرقۂ احمد و اسود
صہبا کی حرارت سے درکتی تھی صراحی
بیٹھے تھے تہی جام مگر حضرتِ امجدؔ
وابستگیِ شرع نظر بندیِ رنداں
پابندیِ آئین و گرفتاریِ مقصد
آخر حرم و دیر کے مینار پکارے
اے واقفِ اسرارِ دلِ ہوّض و ابجد
دستورِ قوانینِ ازل مٹ نہیں سکتے
ہر شرع کا اِک وقت ہے ہر بات کی اِک حد
اِس شہر اور اُس شہر پہ موقوف نہیں ہے
"ویراں شود آں شہر کہ مے خانہ نہ دارد"
(مصطفیٰ زیدی)
کل رات کو محرابِ خرابات تھی روشن
اشعار کے حلقے میں تھی آیات کی آمد
اربابِ حکایت نے سجائی تھی ادب سے
افکار کے قالین پہ اقوال کی مسند
اخلاص کے رشتوں پہ چھلکتے تھے نئے جام
با وضع قدیمانۂ اخلاقِ اب و جد
رقصندہ و رخشندہ و تابندہ و پُرکار
جوّالہ و قتّالہ و سوزندہ و سرمد
ہر ذرّہ گراں مایہ و آفاق نشیمن
ہر قطرہ گُہر رشتہ و الماس و زبرجد
نغموں کا تلاطم تھا کہ تفسیرِ دو عالم
ہر گیت کا اِک گھیر تھا ہر بول کا اِک قد
ہر دھن سے ترشتے تھے تھرکتے ہوئے اصنام
ہر راگ میں اِک خال تھا، ہر تان میں اِک خَد
گھُلتا ہوا ساغر میں ہر اسلوبِ کم و بیش
مٹتا ہوا ہر تفرقۂ احمد و اسود
صہبا کی حرارت سے درکتی تھی صراحی
بیٹھے تھے تہی جام مگر حضرتِ امجدؔ
وابستگیِ شرع نظر بندیِ رنداں
پابندیِ آئین و گرفتاریِ مقصد
آخر حرم و دیر کے مینار پکارے
اے واقفِ اسرارِ دلِ ہوّض و ابجد
دستورِ قوانینِ ازل مٹ نہیں سکتے
ہر شرع کا اِک وقت ہے ہر بات کی اِک حد
اِس شہر اور اُس شہر پہ موقوف نہیں ہے
"ویراں شود آں شہر کہ مے خانہ نہ دارد"
(مصطفیٰ زیدی)
آخری تدوین: