درسِ خود داری - آغا حشر کاشمیری

[کاشفی]

درسِ خود داری ​

(از: آغا حشر کاشمیری)​

​

یقین اُن کی عنایت کا زینہار نہ کر​

بہشت بھی جو یہ بُت دیں تو اعتبار نہ کر​

​

ہر ایک اشک تماشائے صد گلستان ہے​

امیدِ عیش کو شرمندہء بہار نہ کر​

​

وہ مرگ عشق کی لذت سے آشنا ہی نہیں​

دعائے خضر پہ آمین بار بار نہ کر​

​

ترانہ جنگ کا شور شکست دل کو سمجھ​

کبھی اطاعتِ تقدیرِ روزگار نہ کر​

​

جہاں میں کشمکش جہد کا ہے نام حیات​

یقین مسئلہ جبرو اختیار نہ کر​

​

متاعِ عیش فتوحات سعی کا ہے صلہ​

سپاس سنجیء ایّام روزگار نہ کر​

 

[فرخ منظور]

بہت عمدہ! شکریہ کاشفی صاحب!

 

[کاشفی]

سخنور صاحب

فاتح صاحب

آپ دونوں کا بیحد شکریہ۔۔خوش رہیں۔