خیرالدین باربروسا - ابوشامل

سید شہزاد ناصر نے 'تاریخ کا مطالعہ' کی ذیل میں اس موضوع کا آغاز کیا، ‏اپریل 23, 2013

  1. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    خیر الدین پاشا باربروسا (پیدائش: 1475ء، انتقال: 1546ء) ایک ترک قزاق تھا جو بعد ازاں سلطنت عثمانیہ کی بحری افواج کا سربراہ مقرر ہوا اور کئی دہائیوں تک بحیرہ روم میں اپنی طاقت کی دھاک بٹھائے رکھی۔ وہ یونان کے جزیرہ مڈیلی (موجودہ لیسبوس) میں پیدا ہوا۔ اس کا انتقال استنبول میں ہوا۔ اس کا اصل نام خضر یعقوب اوغلو (خضر ابن یعقوب) تھا۔ خیر الدین کا لقب اسے عظیم عثمانی فرمانروا سلطان سلیمان قانونی نے دیا تھا۔ باربروسا کا نام اس نے اپنے بڑے بھائی بابا عروج (عروج رئیس) سے حاصل کیا تھا جو الجزائر میں ہسپانویوں کے ہاتھوں شہید ہوا تھا۔
    بابا عروج کی زیر نگرانی ابتدائی زندگی

    خضر چار بھائیوں اسحٰق، عروج اور الیاس میں سے ایک تھا جو 1470ء کی دہائی میں یعقوب آغا اور ان کی عیسائی بیوی قطرینہ کے ہاں پیدا ہوا۔ چند مورخین یعقوب کو ایک سپاہی قرار دیتے ہیں جبکہ چند کا کہنا ہے کہ وہ سالونیکا کے قریب وردار کے شہر میں عثمانی فوج ینی چری کا حصہ تھا۔ ابتداء میں چاروں بھائیوں نے مشرقی بحیرہ روم میں تاجر اور جہازراں اور بعد ازاں قزاق کی حیثیت سے کام کیا جہاں ان کا ٹکراؤ اکثر و بیشتر جزیرہ رہوڈس پر موجود سینٹ جانز کے نائٹس سے ہوتا تھا۔ ان جھڑپوں میں الیاس قتل ہوا جبکہ عروج کو گرفتار کرلیا گیا اور رہوڈز میں قید میں رکھنے کے بعد بطور غلام فروخت کردیا گیا۔ وہ غلامی کی زندگی سے فرار حاصل کرنے میں کامیاب ہوا اور پہلے اٹلی اوربعد ازاں مصر پہنچا۔ جہاں وہ مملوک سلطان قانصوہ غوری سے ملاقات میں کامیاب ہوگیا جس نے عروج کو عیسائیوں کے زیر قبضہ بحیرہ روم کے جزائر پر حملے کے لئے ایک جہاز عطا کیا۔
    1505ء تک عروج نے تین مزید جہاز حاصل کرلئے اور جربا کے جزیرے پر چھاؤنی قائم کرنے میں کامیاب ہوگیا جس کی بدولت بحیرہ روم میں اس کی کارروائیوں کادائرہ مغرب کی جانب منتقل ہوگیا۔ 1504ء سے 1510ء کے دوران وہ اس وقت مشہور ہوا جب اس نے سقوط غرناطہ کے بعد عیسائیوں کے ہاتھوں اسپین سے نکالے گئے مسلمانوں کو شمالی افریقہ پہنچایا۔ ہسپانوی مسلمانوں سے اس کا سلوک اتنا اچھا تھا کہ وہ ان میں بابا عروج کے نام سے مشہور ہوگیا اور یہی بابا عروج اسپین، اٹلی اور فرانس میں بگڑ کر باربروسا بن گیا۔ الجزیرہ کے لئے اسپین سے بچاؤ کاواحد راستہ عثمانی سلطنت میں ضم ہوجانا تھا اس لئے باربروسا نے الجزیرہ کو عثمانی سلطان کے سامنے پیش کردیا۔ سلطان نے الجزیرہ کو عثمانی سنجق (صوبہ) کے طور پر منظور کرلیا اور عروج کو ”پاشائے الجزیرہ“ اور ”مغربی بحیرہ روم میں بحری گورنر“ متعین کردیا۔ 1516ء میں عروج الجزیرہ پر قبضہ کر کے بادشاہ بن بیٹھا۔ وہ دیگر شہروں پر بھی قبضہ کرنا چاہتا تھا لیکن 1518ء میں مقامی رہنما کی مدد کے لئے آنے والے ہسپانوی افواج کے خلاف جنگ کے دوران اپنے بھائی اسحاق سمیت ہلاک ہوگیا۔ اس کی عمر 55 سال تھی۔
    خیرالدین کے ابتدائی کارنامے

    بھائی کے مارے جانے کے بعد خیر الدین نے اس کی پالیسی کو جاری رکھا اور اسپین سے مظلوم مسلمانوں کو شمالی افریقہ لاتا رہا جس کی بدولت اسے اسپین کے مخالف مسلمانوں کی بڑی تعداد کی حمایت حاصل ہوگئی۔ اس نے 1519ء میں الجزیرہ پر قبضے کی کوشش کرنے والی اسپین اور اٹلی کی مشترکہ فوج کو شکست دی۔ 1529ء میں اس نے ایک ساحلی جزیرے پر ہسپانوی قلعے پر بھی قبضہ کرلیا۔ 1530ء میں اینڈریا ڈوریا نے باربروسا کو شکست دینے کے لئے حملے کی کوشش کی لیکن باربروسا کے بحری بیڑے کی آمد سے قبل ہی ڈر کر فرار ہوگیا۔
    خیرالدین بطور ایڈمرل پاشا

    1532ء میں سلیمان اعظم نے عثمانی بحری بیڑے کی تشکیل کے لئے باربروسا کو استنبول طلب کیا۔ سلطان نے باربروسا کو بحیرہ روم کا ایڈمرل پاشا (ایڈمرل ان چیف) اور شمالی افریقہ کا بیلربے (کمانڈر ان چیف) مقرر کیا اور بحری بیڑے کی کمان اس کے سپرد کردی۔ باربروسا نے سب سے پہلے جنوبی اٹلی کے ساحلوں پر حملے کئے اور 1534ء میں تیونس پر قبضہ کرلیا اور حفصی سلطان مولائے حسن فرار ہوگیا۔ مولائے حسن نے اپنی سلطنت دوبارہ حاصل کرنے کے لئے چارلس پنجم سے مدد طلب کی اور اسپین اور فرانس کی ایک عظیم فوج نے 1535ء میں بونے اور مہدیہ سمیت تیونس باربروسا سے چھین لیا۔
    یورپ کے متحدہ بحری بیڑے کو عبرتناک شکست

    1537ء میں لطفی پاشا اور باربروسا نے جزائر آیونین اور جنوبی اٹلی کے خلاف ایک زبردست عثمانی فوج کی قیادت کی اور باربروسا نے سلطنت وینس سے کورفو چھین لیا جس پر فروری 1538ء میں پاپ پال سوئم نے عثمانیوں کے خلاف اتحاد تشکیل دیا جس میں پاپائے روم، اسپین، رومی سلطنت، وینس اور مالٹا کی افواج شامل تھیں لیکن ستمبر 1538ء میں باربروسا نے جنگ پریویزا میں اس مشترکہ عیسائی فوج کو زبردست شکست دی جس کی قیادت اینڈریا ڈوریا کے ہاتھوں میں تھی۔ اس فتح کی بدولت بحیرہ روم میں اگلے 33سال (1571ء میں جنگ لپانٹو تک) تک ترکوں کو مکمل برتری حاصل رہی۔
    مزید فتوحات اور امن معاہدہ

    اگلے سال باربروسا نے وینیٹیئنس سے کاسل نووو چھین لیا جسے انہوں نے جنگ پریویزا کے بعد ترکوں سے حاصل کرلیا تھا۔ اس نے بحیرہ آیونین اور ایجیئن میں عیسائیوں کے باقی ماندہ ٹھکانوں کا بھی خاتمہ کردیا۔ بالآخر وینس نے امن معاہدے کی درخواست کی جس کے بعد 1540ء میں سلطان سلیمان اور وینس کے درمیان امن معاہدے پر دستخط ہوئے۔ اکتوبر 1541ء میں چارلس پنجم نے الجزیرہ کا محاصرہ کرکے مغربی بحیرہ روم میں ہسپانوی اور عیسائی بحری بیڑے کو لاحق خطرات کا خاتمہ کرنے کی کوشش کی لیکن ایک زبردست سمندری طوفان کے باعث اسے ساحل پراترنے میں شدید مشکلات پیش آئیں تاہم زمین پر لڑی گئی غیر فیصلہ کن جنگ کے بعد چارلس نے ناامید ہوکر فوج واپس بلالی۔
    مغربی بحیرہ روم میں نئی مہمات

    1543ء میں باربروسا نے ایک عظیم بحری بیڑے کے ساتھ مغربی بحیرہ روم میں نئی مہمات کا آغاز کیا اور اٹلی اور اسپین کے جزائر اور ساحلی علاقوں پر حملے کئی۔ اس نے فرانسیسی ساحلی شہر نیس پر قبضہ کرلیا۔ اس نے اپنے بیڑے کے ہمراہ موسم سرما ٹولون میں گزارا اور اگلے موسم بہار میں اسپین اور اٹلی کے اتحادی بیڑے کو ایک مرتبہ پھر زبردست شکست دی اور ریاست ناپولی کے قلب تک حملے کئی۔ اس نے اطالوی شہر جینووا پر حملے کرنے کی دھمکی دی لیکن تین ہزار دوکات اور اپنے لیفٹیننٹ اور دوست طرغت رئیس کو رہا کرنے کے عوض حملہ سے باز رہا۔ طرغت 1540ء میں گرفتار ہونے کے بعد جینووا میں قید تھا اور ایک جہاز پر غلام کے طور پر کام کررہا تھا۔ بعد ازاں اس نے جنوبی فرانس میں اسپین کے کئی حملوں کا بھرپور جواب دیا اور 1544ء میں چارلس پنجم اور سلیمان اعظم کے درمیان معاہدے کے بعد استنبول پہنچ گیا۔
    سبکدوشی اور سوانح حیات کی تحریر

    باربروسا 1544ء میں استنبول میں سبکدوش ہوگیا اور الجزیرہ میں اس کے صاحبزادے حسن پاشا کو جانشیں مقرر کیا گیا۔ اس نے اپنی سوانح حیات ”غزوات خیر الدین پاشا“ بھی تحریر کی جو ہاتھ سے لکھی گئی 5 جلدوں پر مشتمل ہے۔ اس سوانح حیات کی جلدیں آجکل توپ کاپی محل اور جامعہ استنبول کے کتب خانے میں موجود ہیں۔
    انتقال

    خیر الدین پاشا باربروسا کا انتقال 1546ء میں استنبول میں آبنائے باسفورس کے کنارے واقع اپنے محل میں ہوا۔ اس کا مزار استنبول میں ترک بحری عجائب خانے کے قریب موجود ہے ۔ ترک بحریہ کے متعدد جہازوں کے نام اسی پررکھے گئے ہیں۔ آج بھی ترک بحریہ کا کوئی جہاز آبنائے باسفورس سے گزرتا ہے تو اس کے مقبرے کی طرف سلامی دیتا ہے۔
    ربط
    http://wiki.abushamil.com/category/اسلام/page/33/
     
    • زبردست زبردست × 12
    • معلوماتی معلوماتی × 4
    • پسندیدہ پسندیدہ × 3
  2. شمشاد

    شمشاد لائبریرین

    مراسلے:
    200,088
    جھنڈا:
    Pakistan
    موڈ:
    Relaxed
    خوبصورت شراکت ہے شاہ جی۔

    خاص کر ہماری نوجوان نسل کے لیے ایسی بہت سے تحریروں کی ضرورت ہے۔
     
    • متفق متفق × 2
  3. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    میں جلال الدین خوارزم شاہ پر بھی کچھ شریک کروں گا
     
    • زبردست زبردست × 3
    • پسندیدہ پسندیدہ × 1
    • متفق متفق × 1
  4. فارقلیط رحمانی

    فارقلیط رحمانی لائبریرین

    مراسلے:
    1,932
    جھنڈا:
    India
    موڈ:
    Festive
    سید صاحب آداب! آپ تو جب بھی کچھ لاتے ہیں، دور کی کوڑی ہی لاتے ہیں۔ بہت بہت شکریہ
     
    • پسندیدہ پسندیدہ × 1
  5. روحانی بابا

    روحانی بابا محفلین

    مراسلے:
    2,535
    جھنڈا:
    Pakistan
    موڈ:
    Tolerant
    ضرور شاہ جی ہم منتظر ہیں
     
    • پسندیدہ پسندیدہ × 1
  6. سید زبیر

    سید زبیر محفلین

    مراسلے:
    4,362
    جھنڈا:
    Pakistan
    موڈ:
    Dunce
    بہت شکریہ سرکار !@سید شہزاد ناصر صاحب سدا خوش رہیں
     
    • دوستانہ دوستانہ × 1
  7. محسن وقار علی

    محسن وقار علی محفلین

    مراسلے:
    12,013
    جھنڈا:
    Pakistan
    موڈ:
    Buzzed
    ہمیشہ کی طرح ایک اور معلوماتی شئیرنگ:thumbsup:
    ویسے ان دونوں بھائیوں (باربروسا اور عروج) پر میں نے پہلے بھی کافی کچھ پڑھا ہوا ہے:nerd2:
     
    • پسندیدہ پسندیدہ × 1
  8. سلیمان اشرف

    سلیمان اشرف محفلین

    مراسلے:
    704
    جھنڈا:
    Pakistan
    موڈ:
    Shh
    شاہ جی جہاں تک میں نے پڑھا ہے۔ وکی پیڈیا سے نہیں بلکہ تاریخی کتابوں سے۔ مجھے یاد پڑتا ہے کہ باربروسا ایک قزاق نہیں تھا۔عربی یا ترکی کی تاریخوں میں باربروسا ایک بحری پاشا تھا۔یورپ والوں نے اسے اپنی تاریخ میں قزاق لکھا ہے۔ اور اس پہ ایک فلم بھی فلمائی گئی ہے۔ پائیریٹس آف دی کیریبین۔ جو کہ ایک بحری قزاق کی کہانی ہے جو کبھی نہیں مرتا۔
     
    • معلوماتی معلوماتی × 2
    • متفق متفق × 1
  9. سید اسد محمود

    سید اسد محمود محفلین

    مراسلے:
    981
    جھنڈا:
    Pakistan
    موڈ:
    Tolerant
    شہزاد بھائی، میں نے پڑھا تھا کہ باربروسہ کا لقب خیر الدین کو اسکے سرخ بالوں کی وجہ سے دیا گیا تھا۔۔۔ نیز باربروسا کے ساتھیوں میں ایک مذہبی اور نسلاً یہودی بھی شامل تھا جسکا نام درگوت تھا اور خیر الدین کی فتوحات میں اسکا قابل زکر حصہ رہا ہے۔۔۔
     
    • متفق متفق × 3
  10. انیس الرحمن

    انیس الرحمن محفلین

    مراسلے:
    8,095
    جھنڈا:
    Pakistan
    موڈ:
    Buzzed
    میں نے تو باربروسا کو دیکھا ہوا ہے۔
    "Pirates of the Caribbean" میں۔۔۔:grin:
    بہت عمدہ شراکت سید شہزاد ناصر صاحب
     
    • پر مزاح پر مزاح × 2
  11. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    پسند کرنے کا شکریہ :)
    شاد و آباد رہیں
     
  12. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    حوصلہ افزائی کے لئے ممنون ہوں
    شاد و آباد رہیں
     
  13. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    دعاؤں کے لئے ممنون ہوں
    شاد و آباد رہیں
     
  14. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    واہ کاکا :)
    آپ کی معلومات بہت اچھی ہے
    خوشی ہوئی سن کر
    شاد و آباد رہیں
     
    • دوستانہ دوستانہ × 1
  15. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    اس بارے میں کافی متضاد باتیں ہیں
    اللہ ہی بہتر جانتا ہے کیا حقیقت ہے
     
  16. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    پسند کرنے کا شکریہ
    باقی رہ گئی فلم کی بات اس میں حقیقت کم افسانہ زیادہ ہے
     
    • پسندیدہ پسندیدہ × 1
  17. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    آپ نے درست سنا ہے :)
     
  18. باباجی

    باباجی محفلین

    مراسلے:
    3,835
    جھنڈا:
    Pakistan
    موڈ:
    Curmudgeon
    بہت شکریہ شاہ جی
    ایسی تحاریر کی شیئرنگ کی بہت ضرورت محسوس ہورہی تھی
    آپ نے بہت اچھا کیا اور کرتے رہئے گا :)
     
    • پسندیدہ پسندیدہ × 1
  19. سید شہزاد ناصر

    سید شہزاد ناصر محفلین

    مراسلے:
    8,884
    جھنڈا:
    Pakistan
    موڈ:
    Relaxed
    پسند کرنے کا شکریہ :)
    انشاءاللہ یہ سلسلہ آئیندہ بھی جاری رہے گا
     
  20. ارشد حسین شاہ

    ارشد حسین شاہ محفلین

    مراسلے:
    88
    جھنڈا:
    Pakistan
    موڈ:
    Persnickety
    محترمی
    جہاں تک باربوسہ بوجہکا تعلق ہے تو اایک عیسای بادشاہ کو بھی کا خطاب دیا گیا سرخباربروسہبوجہاوں کے۔اس لیے فلم کی بات چھوڑ دیں۔ جہاں تک اندھیروں کے ساربان نامی ناول کا سلسلہ ہے تو یہ بھی تاریخ اور تخیل کا مجموعہ ہی ہے۔
     
    • معلوماتی معلوماتی × 1

اس صفحے کی تشہیر