خوش تھے کچھ ایسے تیری رفاقت کے شوق میں

[ظفری]

خوش تھے کچھ ایسے تیری رفاقت کے شوق میں
منزل گنوا دی ہم نے مسافت کے شوق میں

نفرت ہی پہرہ دار ملی ، ہر مقام پر
جس در پہ ہم گئے ہیں ، محبت کے شوق میں

ہم بارگاہِ عشق میں مقبول یوں ہوئے
خود سے بچھڑ گئے تیری قربت کے شوق میں

لوٹے ہیں تو اب ساتھ ہے رنج و الم کی بھیڑ
نکلے تھے گھر سے ایک مسرت کے شوق میں

اپنے چمن سے رابطہ بلکل نہیں رہا
صحرا نورد ہوگئے دولت کے شوق میں

دامن میں حسرتوں کے سوا کچھ نہیں
ایسے ُلٹے ہیں ہم تیری چاہت کے شوق میں​

 

[محمد وارث]

لا جواب، بہت خوب۔ شکریہ ظفری بھائی خوبصورت غزل شیئر کرنے کیلیئے

 

[فرخ منظور]

بہت اچھی غزل ہے ظفری - بہت شکریہ!

شوق خواب کا ہے تو، نیند آئے نا
جھوٹ بولتا ہے روز روز آئینہ

 

[ملائکہ]

شکریہ غزل پوسٹ کرنے کا پر ہے کس کی۔۔