خوبصورت ٹائپوگرافی

اِس پوسٹ سے یاد آیا: اوپن‌ٹائپ فونٹس میں رنگین گلفس بھی شامل کیے جا سکتے ہیں۔ خالد حسنی نے اپنے امیری فونٹ کا ایک variant ’امیری قرآن کلرڈ‘ بنا رکھا ہے، جس کا ایک نمونہ یہ رہا (فائر‌فوکس، کروم، یا ایج میں دیکھیے)۔ سکرین‌شاٹ:

​

 

دلچسپ اور عجیب بات یہ ہے کہ اوپن‌ٹائپ سٹینڈرڈ میں رنگین گلفس شامل کرنے کے چار طریقے ہیں!

1. COLR/CPAL ٹیبلز: جو امیری قرآن کلرڈ میں مستعمل ہیں۔
2. 'SVG ' ٹیبل (OpenType-SVG): جس کی ایک مثال اڈوب کا ایموجی‌ون کلر فونٹ ہے۔
3. CBDT/CBLC ٹیبلز: گوگل کا نوٹو‌کلر‌ایموجی فونٹ اِن ٹیبلز کو استعمال کرتا ہے۔
4. 'sbix' ٹیبل: گوگل فونٹس میں شامل Bungee کے کلر فونٹس تین فارمیٹس میں دستیاب ہیں؛ ایک تو یہی sbix، اور اس کے ساتھ COLR/CPAL اور OpenType-SVG بھی۔

ان چاروں طریقوں کی مختلف اپلیکیشنز میں سپّورٹ کا معاملہ بھی کھٹا میٹھا ہی ہے۔ ویب براؤزرز میں اِن کی سپّورٹ کی صورتحال دیکھنے کے لیے اِس صفحے کو مختلف براؤزرز میں کھول کر دیکھیں تو علم ہو جائے گا؛ اڈوب فوٹوشاپ اور السٹریٹر میں OpenType-SVG کی سپّورٹ موجود ہے؛ وغیرہ وغیرہ۔

 

بہت خوب بھائی، لیکن اگر آپ فوٹو شاپ میں مکمل طریقہ بتادیں تو آپکی محنت کو چار چاند لگ جائے گے۔۔۔شکریہ

 

بڑے پبلشر کے بارے میں کچھ کہا نہیں جاسکتا مگر عام کتابت کرنے والےاور پرنٹرز انپیچ کو اردو ٹائپ کرنے کے لیئے استعمال کرتے ہیں
پھر اسکو کورل ڈرا پر انپورٹ کر کے یا تو اس پر کام کرتے ہیں مگر بہت کم بہت کم یہیں تک محدود رہتے ہیں اور زیادہ تر کورل ڈرا سے میکرو میڈیا فری ہینڈ پر لاکر پھر کام کرتے ہیں
بہت بڑی تعداد فری ہینڈ پر ہی کام کرتے ہیں ۔

 

فوٹوشاپ میں ورڈ کی مانند تو غالباً کوئی طریقہ نہیں، اور امیری قرآن کلرڈ بھی فوٹوشاپ میں کام نہیں کرے گا۔ ایک طریقہ تو وہی ہے جو ربیع م نے بتایا ہے لیکن وہ کافی دقت طلب ہے۔ ایک دوسرا دقت طلب طریقہ یہ ہو سکتا ہے کہ آپ کسی ایچ‌ٹی‌ایم‌ایل ڈاکیومنٹ میں امیری قرآن کلرڈ استعمال کریں، اُسے پی‌ڈی‌ایف میں کنورٹ کریں، اور اُس پی‌ڈی‌ایف کو فوٹوشاپ میں امپورٹ کر لیں (جہاں آپ کو بیک‌گراؤنڈ ہٹانے اور تحریر کو اپنی مطلوبہ شکل میں لانے کے لیے ایڈیٹنگ کی ضرورت پیش آ سکتی ہے)۔

 

ایک تیسرا طریقہ یہ ہے کہ ورڈ میں اعراب کا علاحدہ رنگ سیٹ کر کے اپنی تحریر لکھیں اور پھر اسے پی‌ڈی‌ایف میں کنورٹ کر کے فوٹوشاپ میں کھول لیں (فوٹوشاپ میں اُس پی‌ڈی‌ایف کو کھولتے وقت اس کا Mode: RGB Color ہونا چاہیے۔)

 

بہت شکریہ بھائی، یہ طریقہ انتہائی آسان بھی ہے اور بہت اعلی بھی۔۔۔۔۔۔۔۔۔شکریہ بھائی

 

وجی بھائی ذرا وضاحت سے بتائیے کہ کورل میں کام کے بعد میکرو میڈیا فری ہینڈ کی کیا ضرورت باقی رہ جاتی ہے؟
مطلب یہ ہے کہ اس میں کورل سے اضافی کیا فیچر ہیں؟

 

جناب ہمارے پیغام کی آخری سطر پر غور کریں
دراصل پاکستان میں اسی فیصد چھوٹے گرافکس دیزائنر صرف فری ہینڈ پر ہی کام کرتے ہیں
یا پھر انکے استاد کو صرف فری ہینڈ ہی پر کام آتا تھا۔
اس لیئے کورل ڈرا صرف ایک پل کا کام کرتا ہے ۔

 

نجمی بھائی میرے اچھے دوست ہیں ۔۔ فیس بک پر ہمارے فونٹ سازی گروپ کے ممبر ہیں ۔ انہوں نے پہلے نوری نستعلیق کو ری پلیس کیا تھا جو صرف ان پیج میں ہی چلتا تھا۔۔ بعد میں ہمارے گروپ کی رہنمائی میں وہ جمیل نوری نستعلیق پر اپنا فونٹ سیٹ کر رہے ہیں ۔۔

 

واہ زبردست۔ کچھ عرصہ قبل انہوں نے خود بھی ذکر کیا تھا کہ وہ ایک فونٹ ساز گروپ کے ممبر ہیں۔ یہ تو بہت اچھا ہوا کہ کہیں نہ کہیں وہ بھی اردو محفل کے ممبران سے ہی جڑے ہوئے ہیں۔

 

مہر نستعلیق میں سیکڑوں کتب پبلش ہو چکی ہیں

 

جی ڈائریکٹ ان ڈیزائن سے یہاں لاہور میں کچھ میگزینز شائع ہوتے ہیں ۔۔۔ جمیل نوری نستعلیق ۳ فونٹ میں ۔۔

 

احمد گرافکس والوں کو ہم نے قرآن پاک کے ایک فونٹ کی خطاطی کر کے دی تھی جس پر کام کرتے ہوئے قاری اکرم محمدی صاحب نے مہرقرآنک نسخ فونٹ تیار کیا ہے۔ فونٹ کی پروگرامنگ میں قاری اکرم کی سی کچھ مدد میں نے بھی کی ہے۔ اس کے نمونے احمد گرافکس والوں کی ویب سائٹ پر دستیاب ہیں ۔۔۔
مہر قرآنک نسخ | Welcome to Ahmed Grafics

 

دلچسپ! آپ کے دیے گئے نمونوں میں ٹائپ‌سیٹنگ کے لیے کونسا سوفٹویئر استعمال کیا گیا ہے؟

 

پاکستان کے مشہور خطاط سید نفیس شاہ صاحب رحمۃ اللہ علیہ کی طرز پر مشتمل ایک فونٹ مہرنستعلیق نفیسی پر ہم کام کر رہے ہیں :۔
یہ نستعلیق کا پہلا کریکٹر بیسڈ فونٹ ہے جو کورل ڈرا میں مکمل طور پر صحیح ٹائپ کر سکتا ہے۔ اس کے علاوہ ان ڈیزائن اور ہر یونی کوڈ بیسڈ سوفٹ وئیر پر استعمال ہو سکتا ہے۔
خطاطی کی جملہ خصوصیات کے ساتھ ایک مکمل ترین فونٹ ہے ۔ اس میں ہر وہ سہولت موجود ہے جو اوپن ٹائپ اسٹینڈرڈ میں موجود ہے۔ نمونے ملاحظہ ہوں ۔

 

ان پیج ۳ ، تھوڑا بہت مینول ورک کورل ڈرا میں۔

 

مہر نستعلیق لاہوری پر بھی زور و شور سے کام جاری ہے۔۔۔ تازہ ترین نمونہ جات ملاحظہ فرمائیں ۔۔۔۔

 

دستیاب نسخ فونٹس میں زہیر البازی صاحب کا عمرنسخ پہلے نمبر پر ہے۔۔۔ ویسے تو عبدو کا مصحفِ مصرپہلے نمبر پر ہے مگر وہ دستیاب نہیں ۔
Omar Naskh

 

متلاشی بھائی مہر نستعلیق نفیسی کہاں سے مل سکے گا ؟اگر اس کی کوئی قیمت مقرر کی گئی ہے تو اس سے آگاہ فرمایے ، شکریہ