خواتین کے لئے بدترین ممالک
- صاحب لڑی زیک
- تاریخ ابتداء
محمود احمد غزنوی
محفلین
یہ تو عورت ہی زیادہ بہتر بتا سکتی ہے کہ اسکی خوشی کاتعلق کن اسباب سے ہے۔۔۔اور بدترین یا بہترین زندگی کا تعلق بھی انسان کے سکونِ قلب سے ہے
شمشاد
لائبریرین
نہیں محمود بھائی، یہ عورت نہیں بتا سکتی کہ اس کی خوشی کا تعلق کن اسباب سے ہے۔ بحثیت مسلمان اس بات کا تعلق اللہ اور اس کے رسول صلی اللہ علیہ وسلم کے احکامات سے ہے کہ وہ کن حالات میں خوش رہ سکتی ہے۔ پھر آپ کہیں گے کہ یہ مُلا بیچ میں کہاں سے آ گیا۔ اس لیے اس بحث کو ادھر ہی رہنے دیں۔
محمود احمد غزنوی
محفلین
شمشاد بھائی اللہ اور اسکے رسول صلی اللہ علیہ واسلم کے احکامات بھی تو اللہ کی مخلوق کی فطرت سے ہم آہنگ ہوکر بنائے گئے ہیں۔۔ہم اپنی خوشی یا ناخوشی کو براہِ راست محسوس کرتے ہیں۔۔کہا جاتا ہے کہ اندرونی فیلنگز وہ زبان ہے جس میں ہماری روح ہم سے گفتگو کرتی ہے۔
فاتح
لائبریرین
جبکہ پاکستانی معاشرے میں اس کو غیرت سمجھا جاتا ہے۔۔۔ اور قصہ مختصر عورت کو قتل کر دیا جاتا ہے۔۔۔
اسلام میں تو ہر دو زانی مرد اور عورت کی سزا ایک سی ہے۔۔۔۔ آج تک پاکستان میں کتنے "زانی مرد" حضرات کو ان کے کسی "غیرت مند" بھائی، باپ یا بیٹے نے قتل کیا ہے ؟ مردوں کے معاملے میں ہماری ساری غیرت کہاں مر جاتی ہے؟
محمود احمد غزنوی
محفلین
مجھے تو پاکستان میں عورت اسقدر مظلوم نہیں نظر آتی جس قدر کچھ حلقوں میں اسکا تاثر دیا جاتا ہے۔ کہنے کا مطلب یہ نہیں کہ پاکستان میں ظلم نہیں ہوتا۔۔ہوتا ہے لیکن صرف عورت پر ہی نہیں، مرد بھی مظلوم ہے۔
فاتح
لائبریرین
جی شمشاد بھائی درست فرمایا آپ نے۔ مرد اور عورت دونوں کو "قرار واقعی" سزائیں ہی ملنی چاہییں نا کہ عورت کو تو محض الزام کی بنا پر ہی غیرت کے نام پر قتل کر دیا جائے (جو ہمارے پاکستانی معاشرے میں بے حد عام سی بات ہے) جب کہ مرد اس فعل کو اپنی مردانگی کی دلیل کے طور بیان کرے۔
محمود احمد غزنوی
محفلین
ارے صاحب کسی بھی ٹیلی ویژن چینل کو دیکھ لیجئے کسی بھی اخبار کی خبریں اور کالم پڑھ لیجئے ہر شخص مصروفِ فغاں ہے، یہ پولیس کے ہاتھوں عام آدمی کی درگت، نیچے سے لیکر اوپر تک کرپشن کے قصے، غربت مہنگائی، بد امنی نانصافی۔۔۔یہ سب ظلم ہی کی تو مختلف شکلیں ہیں اور آپ کہتے ہیں کہ مرد مظلوم نہیں اور اگر ہے تو آٹے میں نمک کے برابر۔۔۔ذرا عام آدمی سے پوچھئے کہ کس بھاو بک رہی ہے۔۔۔گھر کی معاشی ذمہ داریاں پاکستان میں مرد پر ہی ہیں زیادہ تر، عورت پر اگر ہیں تو آٹے میں نمک کے برابر۔۔۔ان حالات میں عام آدمی کس طرح گذر بسر کررہا ہے یہ اللہ ہی بہتر جانتا ہے
صبح کرنا شام کا لانا ہے جوئے شیر کا
صبح کرنا شام کا لانا ہے جوئے شیر کا
سچ یہ ہے کہ دنیا میں جس کی لاٹھی اسی کی بھینس کا قانون عملی طور پر ہمیشہ سے چلتا آیا ہے جس میں کمزور پہ ظلم ہوتا ہے۔ مغرب ہو یا مشرق عورت جسمانی لحاظ سے مرد سے کمزور ہے اور بعینہ مردوں کی اس دنیا میں عورت ہر ملک اور معاشرے میں زیادتی کا شکار ہے۔ ہم یہ سمجھتے ہیں کہ عورت کے ساتھ مارپیٹ کرنا ہی زیادتی ہے حالانکہ آپ اپنے ارد گرد دیکھیں تو بس میں بیٹھی یا سڑک پہ آتی جاتی کسی خاتون پہ آوازے کسنا جسمانی تشدد سے کم سنگین نہیں ہے۔ اسے تعلیم اور وراثت کے حق سے محروم رکھنا ، اس کی مرضی کے خلاف اس کو بیاہنا ،ستی کی رسم ، بیوہ ہونے کی صورت میں خوشی کے مواقع پر اس سے امتیازی سلوک کرنا وغیرہ وغیرہ ، ہماری آنکھوں کے سامنے ہوتا پے۔
اگرچہ اس رپورٹ میں درجہ بندی کے لحاظ سے خامیاں ہو سکتی ہیں لیکن مجموعی طور پر اس سے اتفاق کرنا ہی پڑے گا۔
اگرچہ اس رپورٹ میں درجہ بندی کے لحاظ سے خامیاں ہو سکتی ہیں لیکن مجموعی طور پر اس سے اتفاق کرنا ہی پڑے گا۔
اس بات میں سچائی ہے۔ جو حضرات کبھی افریقہ میں رہے ہوں وہ چاڈ ، بینن ، نائیجیریا ، مالی ، موریطانیہ کے دور افتادہ علاقوں ، سیرال یون ،برکینا فاسو، ٹوگو اور گنی بساؤ جیسے ممالک کی خواتین کے حالات جانیں تو معاملے کی سنگینی کا اندازہ ہوتا ہے۔ان کی نسبت پاکستان میں صورتحال بہت بہتر ہے۔
شمشاد
لائبریرین
یہ جس بات کا آپ حوالہ دے رہے ہیں یہ مرد کےہاتھوں مرد کی درگت بن رہی ہے نہ کہ عورت کے ہاتھوں مرد مظلوم ہو رہا ہے۔ اور اس کی کئی ایک وجوہات ہیں جن میں تعلیم کی کمی، معاشرے میں ناانصافی، دولت کی غیرمنصفانہ تقسیم، وغیرہ وغیرہ۔ ان سب کے باوجود گھر کی معاشی ذمہ داریاں پوری کرنا اورعورت کے نان نفقہ کی ذمہ داری پوری طرح مرد کے کندھوں پر ہی ہے۔
محمود احمد غزنوی
محفلین
ہم سب ظالم بھی ہیں اور مظلوم بھی۔۔۔مرد و عورت کا سوال نہیں ہے