خواب

[ہما]

ہماری آنکھوں میں خواب نہیں کنکر ہیں
تُمہیں معلوم ہے اِس کی تعبیر کیا ہو گی
ہما

 

[شمشاد]

مَیں ایک خواب کا منظر ہوں خواب تم جاناں!
ہوں ایک پھول کی پتی گلاب تم جاناں!
(فاخرہ بتول)

 

[عمر سیف]

خواب میں بھی تجھے بھولوں تو روا رکھ مجھ سے
وہ رویہ جو ہوا کا خش و خاشاک سے ہے

 

[محمد وارث]

پھر دکھاتا ہے مجھے جنتِ فردوس کے خواب
کیا فرشتوں میں ترا جی نہ لگا میرے بعد

شہزاد احمد

 

[عمر سیف]

رات کیا سوئے کہ باقی عمرکی نیند اُڑ گئ
خواب کیا دیکھا کہ دھڑکا لگ گیا تعبیر کا

 

[شمشاد]

ایک خواب کا منظر ہوں خواب تم جاناں!
ہوں ایک پھول کی پتی گلاب تم جاناں!
(فاخرہ بتول)

 

[محمد وارث]

میں نے برسات میں جلتے ہوئے گھر دیکھا ہے
ہے کوئی خواب کی تعبیر بتانے والا​

السلام علیکم، میں‌ نے یہ شعر کلیات فراز، “درد آشوب" مطبوع ماورا پبلشرز، لاہور میں اسطرح دیکھا ہے:

میں نے دیکھا ہے بہاروں میں چمن کو جلتے
ہے کوئی خواب کی تعبیر بتانے والا

اور غلام علی نے بھی ایسے ہی گایا ہے۔

والسلام

 

[شمشاد]

تصحیح کا شکریہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رُتیں وصال کی اب خواب ہونے والی ہیں
کہ اس کی بات کا لہجہ بدلتا جاتا ہے
(نوشی گیلانی)

 

[محمد وارث]

بیاں خواب کی طرح جو کر رہا ہے
یہ قصہ ہے جب کا کہ آتش جواں تھا

 

[شمشاد]

یہ کیسا خواب تھا دھڑکا سا لگ گیا دِل کو
کہ ایک شخص پریشان مِری تلاش میں ہے
(نوشی گیلانی)

 

[محمد وارث]

تا پھر نہ انتظار میں نیند آئے عمر بھر
آنے کا عہد کر گئے آئے جو خواب میں

غالب

 

[ماوراء]

میں نے برسات میں جلتے ہوئے گھر دیکھا ہے
ہے کوئی خواب کی تعبیر بتانے والا​

السلام علیکم، میں‌ نے یہ شعر کلیات فراز، “درد آشوب" مطبوع ماورا پبلشرز، لاہور میں اسطرح دیکھا ہے:

میں نے دیکھا ہے بہاروں میں چمن کو جلتے
ہے کوئی خواب کی تعبیر بتانے والا

اور غلام علی نے بھی ایسے ہی گایا ہے۔

والسلام

تصحیح کا شکریہ وارث۔ میں نے تو نیٹ پر ہی کہیں پڑھا تھا۔ اور ایسے ہی اس کو پڑھا تھا، جیسا لکھا ہے۔

 

[شمشاد]

خواب میں دیکھو اسے اور شہر میں ڈھونڈو اسے
وقفے وقفے سے رونق میں بیٹھے دیکھنا
(منیر نیازی)

 

[عمر سیف]

کیا ہے ملنا،کیا ہے بچھڑنا جیون کے اس میلے میں
خوابوں کی بس راکھ بھری ہے ہر بالک کے بستے میں

 

[شمشاد]

خواب بھي ايک مسافر کي طرح ہوتے ہيں
چشم در چشم سدا ان کو سفر ميں رہنا
رنگ کي موج ميں خوشبو کے اثر ميں رہنا
ان کي عادت ہي نہيں
ايک جگہ پر رکنا
ان کي قسمت ہي نہيں
ايک نگر ميں رہنا
(امجد اسلام امجد)

 

[عمر سیف]

تجھ کو بھی جب اپنی قسمیں اپنے وعدے یاد نہیں
ہم بھی اپنے خواب تری آنکھوں میں رکھ کر بھول گئے

 

[شمشاد]

درو دیوار پہ انوار کا سیلابِ رواں
جیسے اک شاعرِ مدہوش کے خوابوں کا جہاں
(ساحر لدھیانوی)

 

[عمر سیف]

زمانے بھر کی نگاہوں میں جو خدا سا لگے
وہ اجنبی ہے مگر مجھ کو آشنا سا لگے
نجانے کب میری دُنیا میں مسکرائے گا
وہ ایک شخص جو خوابوں میں بھی خفا سا لگے

 

[شمشاد]

بس بہت دیکھ لیے خواب سُہانے دن کے
اب و ہ باتوں کی رفاقت سے نہ بہلایا کرے
(نوشی گیلانی)

 

[عمر سیف]

اب کس سے کہیں اور کون سُنے جو حال تمھارے بعد ہوا
اس دل کی جھیل سی آنکھوں میں اک خواب بہت برباد ہوا
اس شہر میں کتنے چہرے تھے کچھ یاد نہیں سب بھو ل گئے
اک شخص کتابوں جیسا تھا وہ شخص زبانی یا د ہوا