خط میں نے تیرے نام لکھا

[مریم افتخار]

ہم تو یہیں ہیں، مگر یہ کیا سننا پڑ رہا ہے؟ اردو محفل جولائی میں ختم ہونے کو ہے؟

صبح ہوگئی جناب---اٹھ جائیے!

 

[مریم افتخار]

صبح ہوگئی جناب---اٹھ جائیے!

ارے۔۔ اربش علی صاحب، آپ نے غم ناک ری ایکٹ کیا۔ آپ کو برا لگا ہو تو بے حد معذرت (کہ ہم @محمدعبدالرؤوف بھائی کی موٹیویشن میں معافی نامہ جیب میں رکھ کر گھومتے ہیں!!!)۔ دراصل میرا اشارہ ازراہ تفنن محفل کے اصحاب کہف کی جانب تھا، جو ایسے سوئے کہ زمانے بیت گئے۔

 

[اربش علی]

ارے۔۔ اربش علی صاحب، آپ نے غم ناک ری ایکٹ کیا۔ آپ کو برا لگا ہو تو بے حد معذرت (کہ ہم @محمدعبدالرؤوف بھائی کی موٹیویشن میں معافی نامہ جیب میں رکھ کر گھومتے ہیں!!!)۔ دراصل میرا اشارہ ازراہ تفنن محفل کے اصحاب کہف کی جانب تھا، جو ایسے سوئے کہ زمانے بیت گئے۔

نہیں نہیں! بھلا معذرت کی کیا ضرورت۔ غمناک تو ہم نے محفل ختم ہونے کی خبر پر ری ایکٹ کیا۔ ویسے ہم کچھ مہینے تو سوئے رہے، مگر بالآخر جاگ ہی گئے۔ بات یہ ہے کہ جاگنے کے باوجود ہم محفل کی سالگرہ والا زمرہ دیکھنا بھول گئے، اور آج معلوم ہو رہا ہے کہ یہ خبر تو عرصہ پہلے دی جا چکی تھی۔

 

[زیک]

اس کے لئے دعا کرنا ہو گی کہ ان کا اور ہمارا کراچی ایک ہی ٹائم فریم میں چکر لگے، یا فیر پنڈی پنڈی اے۔

پنڈی سلاماباد میں ایک میٹنگ کرتے ہیں برسی سے پہلے پہلے

 

[زیک]

لہوڑ لہوڑ اے جناب!

لہوڑ میں یا تو گرمی بہت ہوتی ہے یا سموگ

یہ نہیں معلوم کہ @سیما علی آپا جی بھی کبھی ادھر آتی ہیں؟ (کیونکہ ان کی ایک بہو بھی غالبا لاہور سے ہی ہیں)

پھر تو بالکل بھی نہیں آتی ہوں گی

 

[یاز]

پنڈی سلاماباد میں ایک میٹنگ کرتے ہیں برسی سے پہلے پہلے

برسی سے یاد آیا کہ
باریں برسی کھٹن گیا تے کھٹ کے لیاندی لا چی
مہندی تان سجدی۔۔۔۔

 

[زیک]

برسی سے یاد آیا کہ
باریں برسی کھٹن گیا تے کھٹ کے لیاندی لا چی
مہندی تان سجدی۔۔۔۔

کیا یہ آپ کی مہندی کی انویٹیشن ہے؟

 

[یاز]

کیا یہ آپ کی مہندی کی انویٹیشن ہے؟

بیک ٹو دی فیوچر پاسٹ وغیرہ جانا پڑے گا۔

 

[مریم افتخار]

خط کا جواب محفل کی جانب سے​

محفل، تیری گلی میں آخری خط

آپ کا خط ملا، قاصد اس کا سرنامہ پڑھ کر ہی بار بار آستین سے آنکھیں پونچھتا تھا۔ کیا یہ خط "سیکنڈ لاسٹ" ہونے کی کوئی گنجائش نہ تھی؟

محفلِ معززہ!

سن رہی ہوں، فرمائیے!

کچھ عرصہ قبل جیسا کہ اطلاع ملی تھی کہ تم جولائی میں بند ہونے جا رہی ہو۔

یہ خبر کسی دشمن نے اڑائی ہے۔ یقین کرو ابھی خود مجھے بھی نہیں "بتایا گیا" کہ میں کب بند ہو رہی ہوں۔ مجھے تو آج دوپہر کو بھی پیروں کے انگوٹھوں سے جان نکلتی ہوئی محسوس ہونے لگی تھی۔ میری اولادیں بھی "دوسرے کمرے میں" چہ مگوئیاں کرتی تھیں۔ لیکن پھر کچھ نادیدہ طاقتوں نے مجھے آ کر سی پی آر مہیا کیا،(جن کا نام لینا یہاں ضروری نہیں )۔۔۔مگر ہاں، میں بھلی چنگی اٹھ بیٹھی ہوں!

اور پھر @زیک کی طرح ہمم کہہ کر میں بھی خاموش ہو گیا، تاکہ کسی کو میرے جذبات کا اندازہ نہ ہو

اگر اے خان کی طرح ہمممم کرتے تو جذبات بھاپ بن کر کمرے کی چھت اڑا کر لے جاتے۔ اچھا کیا،اس کام میں زیک کا انتخاب کیا!

شادی سے بیزار، فلسفے سے بیزار

آخری اطلاع تک میری اولادیں ان میں سے ایک وقت میں ایک چیز سے بیزار ہوتی تھیں۔ روایت شکنی اچھی چیز ہے، لیکن اب آپ کہاں جاؤ گے!!!

سرگوشی

بقول شاعر:
کروں گا کیا جو محبت میں ہو گیا ناکام
مجھے تو اور کوئی کام بھی نہیں آتا

@محب علوی اسی بوجھ کو ظرافت کی ٹوکری میں ڈال کرکسی شگوفہ کی صورت میں ایک کبوتر کی طرح محفل کے زمروں میں اڑایا کرتا تھا ۔

محب علوی تو الیکشن جیتنے کی حسرت بیان کر کے بھی ابھی تک نہیں مڑے۔ یہ خبر پکی ہے کہ کبوتر بازی سے اب اجتناب کرتے ہیں؟ یا انہیں لاہور کے کبوتر زدہ حصوں میں تلاش کرنے نکلا جاوے؟

اب تم جا رہی ہو؟ تو کیا ہم بھی ریٹائرڈ رُکن ہو جائیں گے۔

نہیں نہیں، آپ کی ابھی عمر ہی کیا ہے۔ آپ تو لڑکے بالے ہیں اس لیے ریٹائرمنٹ کی بجائے اپنا دیوان لکھنے کا سوچیں۔ میں تو ایک ڈسٹریکشن کا کانٹا تھی جو آپ کی یکسوئی کی راہ میں پڑتا تھا۔ خود کو نکال رہی ہوں، آپ آج پبلیشر کو فون کر کے سونا!

کیا اب ہمیں اپنی تحریریں فیس بک پر انکلز کے درمیان ڈالنی پڑیں گی؟

مجھے یقین ہے آنٹیاں زیادہ آئیں گی لیکن پھر بھی کوشش کر کے دیکھ لیں!

یا خدا! یہ تو ایسا ہے جیسے غالب کو انسٹاگرام ریلس بنانے پر مجبور کیا جائے۔

یہ بھی خوب کہی۔ غالب آج زندہ ہوتے تو اپنے فولوؤرز کے لیے اتنا تو کر ہی لیتے!

یہ بھی کیا ظلم ہے کہ عین دار جوانی میں اس انٹرنیٹ کی دنیا کوچ کرنے پر بضد ہو ۔

یہ محلاتی سازشیں ہیں ، آپ پردیسی ہو، نہیں سمجھو گے۔ ورنہ میں آپ کو چھوڑ کر کہاں جا سکتی تھی!!!

یہ بیس سال کی عمر ہوتی ہی کیا ہے ۔ ابھی امنگیں جوان ہونی شروع ہوتی ہیں ، خواہشیں جنم لینا شروع ہوتی ہیں ۔ ابھی تو نین مٹکنا شروع ہوتے ہیں ۔

اتنا غور تو میں نے خود اپنے جذبات پر نہیں کیا تھا، یہ آپ کو کون سکھا گئی ہے!!! (کاش مجھے حکام بالا اتنی مہلت دے دیں کہ میرے ذہن میں ابھی ڈالے جانے والے ان خیالات پر عمل درآمد کر پاؤں۔ کیونکہ زندگی ایک بار ملتی ہے!!!)

مگر تم نے بھی کیا سوچ کر اس بھری جوانی میں اس تابوت کو اپنے لیئے چُنا ۔

یہ سراسر الزام ہے، جسے مٹانے مجھے خود حاضر ہونا پڑا۔ میں نےیہ تابوت خود نہیں چنا، میں تو چنوائی جا رہی ہوں اور لاکھوں دہائیاں دیتی رہی ہوں "سانوں کھیڑیاں دے نال نہ ٹور بابلا وےےےے"!!!

سب تمہارا دیدار ہی کرسکیں گے ۔ نہ تم کو چھو سکیں گے نہ بات کرسکیں گے ۔

اس انشاء پردازی سے لگتے تو آپ انشاء جی ہیں مگر کوچ کے آرڈرز ہمارے لیے جاری ہوئے ہیں۔ ستم گر او ستم گر او ستم گا ستم گا!

تیری آغوش میں سب کی فکر ی ارتقاء کا ظہور ہوا ۔ جانے کس کس کا رشتہ تیری نظرِ کرم سے منظور ہوا ۔ ( اللہ اعلم)۔

فہیم (شرلاک ہومز) ، ان کو بتائیں کہ کس کس کا ہوا۔ کیونکہ میں آپ کے شاگردوں سے بلواؤں گی تو ہیڈ کانسٹیبل گنڈاسا لے کر پہنچ جائیں گے، "ایہہ ڈولی نئیں اٹھ سکدی"!

طویل فہرست ہے ۔ جو تجھے تیرے بعد یاد کرے گی ۔ جوریڈ اونلی موڈ کو دیکھ کر دیوار سے سر ٹکرائے گی ۔ ان کی انگلیاں کی بورڈ پر پھسلنے کو ترسیں گی ۔ کیا پتا تو صرف آرکائیو ہی ہوجائے۔ ریڈ اونلی ایک خواب ہوجائے ۔ جب جب ہم بوڑھے ہونگے ۔ جانے کہاں ہونگے ۔ لیکن جہاں ہونگے ، وہاں فریاد کریں گے، تجھے یاد کریں گے ۔ کون کون تجھے یاد کرے گا ۔ کون کون فریاد کرے گا ۔ کس کس کا نام لوں ۔ !

چند ماہ میں بڑے نوحے سنے ہیں اپنے لیے، لیکن یہ والا سب سے اچھا تھا!
آپ جیسے لوگوں کے لیے ہی بڑے بوڑھے کہہ گئے ہیں کہ جب زندہ ہیں تو قدر کر لو، مرنے پہ منجی ہلا ہلا کے بین نہ ڈالنا! (لیکن نہیں؟)

عنقریب آپ کے ستارے گردش میں ہیں کہ آپ کی آزادی کے دن ختم ہونے والے ہیں ۔ اور پھر یہ کہ اگلے ہفتے آپ کے مراسلوں پر @زیک کی دھار آئے گی ۔بھائی، دھار نہیں، اصلاحی تبصرے آئے تھے ۔

کاش یہ اصلاح میرے جیتے جی ہو جاتی!!!
(لیکن اب میری اکھڑتی سانسوں کی شجر سے پیوستگی مشکل تر معلوم ہوتی ہے)

ہماری برسوں کی تحقیق کو یہ کہہ کر برباد کردیا کہ آپ آجاؤ میں آپ کو ڑیلو ے اسٹیشن سے پک کرلوں گا ۔

اے اہل کراتشی !آپ کو حق ہے جو بھی کہیں ، پر ساڈا لہوڑ لہوڑ اے!

@زیک کو AI سے اتنا خطرہ تھا کہ بعض اوقات لگتا ہےوہ محفل کو بند ہونے سے نہیں، AI کے قبضے میں جانے سے بچانا چاہتے ہیں۔

یہ وہ اصل وجہ تھی جسے تاحال کوئی کھوج نہ پایا تھا، مگر آپ نے چیخے بغیر بیان کر دی۔ ہمیں پہلے معلوم ہوتا تو محفل پہ فعالیت کی اتنی تگ و دو کرنے کی بجائے، سرکار بنام چیٹ جی پی ٹی پیشیاں منعقد کرواتے۔

2005 میں محفل کی ابتدا ہوئی تھی، اور اب اس کی فعالیت کا دور اختتام پذیر ہے، جزاکم اللہ۔ آج کل آرکائیو اور ریڈ اونلی کے درمیان کوئی راستہ نکالنے کی کوشش کر رہے ہیں

یعنی برزخ کے لیے کمک کی طلب ہے!!!

کبھی زینہ پھسلتا، کبھی چوکھٹ سے ٹکرا جاتیں، اور کبھی قالین سے لڑ پڑتیں، کبھی کبھی تو جھولے سے بھی گر جاتیں ہیں ۔

وہ سب تو ٹھیک ہے لیکن وہ جو شہد کی مکھیوں سے ان کی آنکھ اور ناک میں فرق ختم ہوا تھا، اس کا کیا؟؟؟

محفل کی وہ خوشبو ہیں جو گر کر بھی مہکنا نہ چھوڑے،
اور ہمارے قہقہوں کی گُل دان میں ہمیشہ تازہ رہیں

بیس سال میں استاد محترم آپ کے اشعار کے اوزان کو گریویٹیشنل ایکسلریشن سے نہ بچا سکے۔ میں اسی احتجاج میں تابوت میں شفٹ ہو رہی ہوں! (پنڈ والیو! میں آ رئی آں!!!!!!)

@فیصل عظیم فیصل! پولیس آفیسر، مگر مزاح میں ماہر۔گفتگو میں شاہکار، اردو محفل کی شروع کے ساتھی ۔ایسے بے لاگ تبصرے کرتے کہ لگتا کہ تھانے میں نہیں، محفل میں دل لگی ہو رہی ہے۔جب بھی کوئی لمبی بحث شروع ہوتی، تو ہم کہتے کہ فیصل بھائی آ رہے ہیں، تھریڈ کی F.I.R اب ضرور درج ہو گی۔ ان کے ڈنڈے سے کئی شرپسند اراکین کی خیریت دریافت ہوچکی ہے ، کچھ ابھی تک جیل میں براجمان ( معطل ) ہیں ۔

پورے فیصل آباد شہر سے تو ایک ثقیل"فیصل" ہی نہیں سنبھلتا، یہ دو دو سنبھالے بیٹھے ہیں۔ اب کہیں تو یہ فرسٹریشن نکلے گی نا! ابھی شکر کریں کہ ان کے وردی کے رنگ کی طرح یہ مزاح اسود نہ کرنے لگے، ورنہ میں بہت پہلے احتجاجا کوچ کر چکی ہوتی!!!

معاشرتی مسائل سے لے کر فلسفے کے عمیق ترین مقام تک، ان کی تحریریں پڑھ کر لگتا تھا ہم ادب کے سمندر میں ہیں

خدا کا شکر ہے آپ نے "بے" کا بے دریغ استعمال نہ کیا!

اردو محفل کے آخری دنوں میں مریم نے جو رونق لگائی ہے ۔ یہ رونق اردومحفل کی پیدائش پربس لگی تھی

مریم صاحبہ بھی کیا کارہائے نمایاں کر گئیں
لڑیاں بنائیں، ٹیگ لگائے، مراسلے لکھے، ٹر گئیں
(درست جگہ پیش لگانے کے لیے اپنے وڈوں کو ٹیگ کر رہی ہوں)

اردو محفل کا مزار ان کے توسط سے ہی قائم ہوگا ۔ اور اس مزار پر سالانہ عرس کاانتظام بھی ان کے ہی ہاتھ میں ہوگا ۔

یو آر پٹنگ ورڈز ان ہر ماؤتھ!
ڈونٹ ڈو دیٹ ود می، آئی ایم یوئیر ون اینڈ اونلی اردومحفل اینڈ آئی ڈیزرو نو لیس دین آ تاج محل!!!!!!!!
آئی ہوپ یو گائیز رئیلی انڈرسٹینڈ ہو آ ئی ایم!

@یاز کی بات ہی الگ ہے

کیا بات ہے جی، کیااااااا بات ہے!

یاز صاحب، جنہیں ہم برسوں جرمنی میں فرض کرتے رہے، نکلے راولپنڈی کے شہری۔جب میں نے انہیں جرمن چوک کے قریب کا سمجھا، تو مریم اور وہ دونوں ایسے ہنسے جیسے فلسفے میں بونگی مار دی ہو

یہ جرمنی کے ہی ہیں جی (محفل نوز اٹ آل)، بس یہ عجز برقرار رکھنے کے لیے شیخ رشید کی ہمسائیگی کا اقرار کرتے رہتے ہیں۔ اب اس مزاج کو کوئی فلسفی ہی سمجھے تو سمجھے!

ورنہ کم از کم بھٹو اور میری ایک ہی دن کی پیدائش کسی بھی طور نادرا سے نکال ہی لیتے

زندگی اور موت تو اللہ کے ہاتھ میں ہے ، لیکن کیا آپ کے دوسرے ہم عمر کا شناختی کارڈ اب تک نادرہ نے منسوخ کر دیا؟

@یاز کو گھومنے کا بہت شوق ہے ۔ بقر عید کو بھی گھومنے نکلے ہوئے تھے ۔ یہ بھی @زیک کی طرح اتنے گھوم چکے ہیں کہ کہتے ہیں کہ اب چکر آرہے ہیں ۔

اندر کی بات بتانا میرا شیوہ تو نہیں لیکن چلیں سن لیں۔ یہ پہلے ہی گھومے ہوئے ہیں، بس کوئی ان کو گھوما ہوا نہ کہے اس کی توجیہہ بیان کرنے کے لیے بہانہ گھڑتے ہیں کہ یہ چیز ان میں قصدا آئی یا شوقیہ لائی گئی!
ہاں جو بقر عید والی بات تھی۔۔۔۔وہ بکرے کا جی کچا کچا ہو رہا تھا، اس کی آخری خواہش کے مطابق اس کو گھمانے لے کے گئے تھے!!!

عبدالروف کا علمی و روحانی مزاج

یہاں بھی "بے" کا بے دریغ استعمال ہو سکتا تھا۔ آپ نے نہیں کیا؟ اچھا کیا!!!

خصوصاً میرے لیئے تو یہ بات صادق آتی ہوگی ۔ ظفری ! یہ مصرع پھر وزن سے گر گیا ۔

یہ بات آپ پر کاذب آ ہی نہیں سکتی۔ ابھی اوپر گل یاسمیں کے مضمون میں ہی آپ نے جیسے جملوں کو مصرعوں کی طرح جوڑا ہے وہ اپنی مثال آپ ہے!!!

اے خان کا کہنا کہ جلدی شادی کر لی، اب صبر بھی جلدی چاہیے،

غالب کو اس جرم کی پاداش میں تادم آخر صبر نہ آیا تھا، اپنے اے خان کس کھیت کے شلغم ہوئے!

کس کس کا نام لوں اے اردو محفل ! تمہارے بعد کتنوں کے ٹھکانے ، ٹھکانے لگ جائیں گے ۔
اب تم جا رہی ہو، اردو محفل۔
تم ہمارے اندر کی وہ “اردو” تھیں جواملے سے آزاد، اور جگتوں سے مالا مال تھی۔

آپ اتنا اصرار کرتے ہیں تو اپنا ارادہ بدلنے کی جانب رجوع تو کر لیتی ہوں، لیکن وہ جوپہلے ہی ٹھکانے لگ چکے پھر ان کا فیصلہ غلط ثابت ہو جائے گا!

اب ہم جائیں گے کہاں؟

فیس بک؟ جہاں کمنٹ میں صرف LOLہوتا ہے؟
یا ٹوئٹر؟ جہاں طنز 280 حروف میں نچوڑا اور جھاڑا جاتا ہے ، اور @زیک کی پوری بات صرف تین ہیش ٹیگز میں آ جاتی ہے۔

اتنےکسمپرسی والے لطیفے سنا سناکے آخر اب اگر آپ ڈسکورڈ پہ اکٹھے ہوئے نا، تو میں نے ایک دیوان اپنی جانب سےمحفلین کے نام مرثیوں کا چھپوا دینا ہے!

تمہارا جو کبھی اپنا تھا
ظفری
(بیس سالہ خدمت گار، حال مقیم نوسٹالجیا گنج، ممبر اردو محفل ڈاٹ او آر جی)

(یعنی آپ کہتے ہیں کہ؟)
تم ہمارے کسی طرح نہ ہوئے؟
ورنہ دنیا میں کیا نہیں ہوتا؟؟؟؟

(لیکن کوئی ہماری بھی سنے!!!)
اک تم ہی نہیں تنہا الفت میں مری رسوا!!
اس شہر میں تم جیسے دیوانے ہزاروں ہیں!!!

آپ کی اپنی آنسہ اردو محفل ڈاٹ او آر جی
(پتہ ابھی تک پرانا ہی ہے، نئے پتے کے لیے اگلی چٹھی تک کا انتظار فرمائیں)

 

[مریم افتخار]

برسی سے یاد آیا کہ
باریں برسی کھٹن گیا تے کھٹ کے لیاندی لا چی
مہندی تان سجدی۔۔۔۔

چاچی نوں انوائٹ کرو گے تے پھپھی اگے لڑن نوں تیار اے!

 

[سیما علی]

لہوڑ لہوڑ اے جناب!
امید ہے کبھی تو محفلین کی ملاقات لاہور میں بھی ہو۔ ہم تو میزبانی کے لیے تیار ہیں لیکن یہ نہیں معلوم کہ سیما علی آپا جی بھی کبھی ادھر آتی ہیں؟ (کیونکہ ان کی ایک بہو بھی غالبا لاہور سے ہی ہیں)

ون اینڈ اونلی بہو لاہور۔ سے

 

[ظفری]

محفل کی بندش کے دن جیسے جیسے قریب آرہے ہیں۔ آپ کے ذہن کی بیٹریاں جن کا پانی سوکھ چکا تھا، سیل بے جان ہوچلے تھے، ایک دم سے پھر پوری طرح چارج ہوگئی ہیں
اردو محفل اور ظفری بھائی کے افیئرز پر بھی ایک خط یا تحریر ہونی چاہیے

یہ کون لکھے گا ۔
ویسےبھی کیا یہ افیئرز کافی نہیں ہیں ۔

 

[یاز]

پھر تو بالکل بھی نہیں آتی ہوں گی

کہیں لہوری بہو بھی محفلین ہی نہ ہوں!!!!
کڑی سی کڑی ملائیں۔

 

[زیک]

کہیں لہوری بہو بھی محفلین ہی نہ ہوں!!!!
کڑی سی کڑی ملائیں۔

ان کا علم نہیں لیکن ایک زمانے میں افواہیں عام تھیں کہ کچھ کپلز محفل پر رکن ہیں لیکن سیکرٹ۔ مجھے تو مغزل کا اوپنلی بات کرنا بہتر لگتا تھا لیکن دیگر محفلین کی مرضی

 

[ظفری]

ان کا علم نہیں لیکن ایک زمانے میں افواہیں عام تھیں کہ کچھ کپلز محفل پر رکن ہیں لیکن سیکرٹ۔ مجھے تو مغزل کا اوپنلی بات کرنا بہتر لگتا تھا لیکن دیگر محفلین کی مرضی

وہ پہلے محفلِ رُکن تھے ۔ مگر کپلز بعد میں بنے ۔

 

[سیما علی]

کہیں لہوری بہو بھی محفلین ہی نہ ہوں!!!!
کڑی سی کڑی ملائیں۔

پڑھ لیتی ہیں اردو مگر لکھتی نہیں ہیں ۔
بیٹے کو زیادہ پتہ ہے اردو محفل کے بارے میں بہو کو نہیں ۔

 

[ظفری]

خط کا جواب محفل کی جانب سے​

آپ کا خط ملا، قاصد اس کا سرنامہ پڑھ کر ہی بار بار آستین سے آنکھیں پونچھتا تھا۔ کیا یہ خط "سیکنڈ لاسٹ" ہونے کی کوئی گنجائش نہ تھی؟

سن رہی ہوں، فرمائیے!

یہ خبر کسی دشمن نے اڑائی ہے۔ یقین کرو ابھی خود مجھے بھی نہیں "بتایا گیا" کہ میں کب بند ہو رہی ہوں۔ مجھے تو آج دوپہر کو بھی پیروں کے انگوٹھوں سے جان نکلتی ہوئی محسوس ہونے لگی تھی۔ میری اولادیں بھی "دوسرے کمرے میں" چہ مگوئیاں کرتی تھیں۔ لیکن پھر کچھ نادیدہ طاقتوں نے مجھے آ کر سی پی آر مہیا کیا،(جن کا نام لینا یہاں ضروری نہیں )۔۔۔مگر ہاں، میں بھلی چنگی اٹھ بیٹھی ہوں!

اگر اے خان کی طرح ہمممم کرتے تو جذبات بھاپ بن کر کمرے کی چھت اڑا کر لے جاتے۔ اچھا کیا،اس کام میں زیک کا انتخاب کیا!

آخری اطلاع تک میری اولادیں ان میں سے ایک وقت میں ایک چیز سے بیزار ہوتی تھیں۔ روایت شکنی اچھی چیز ہے، لیکن اب آپ کہاں جاؤ گے!!!

سرگوشی

بقول شاعر:
کروں گا کیا جو محبت میں ہو گیا ناکام
مجھے تو اور کوئی کام بھی نہیں آتا

محب علوی تو الیکشن جیتنے کی حسرت بیان کر کے بھی ابھی تک نہیں مڑے۔ یہ خبر پکی ہے کہ کبوتر بازی سے اب اجتناب کرتے ہیں؟ یا انہیں لاہور کے کبوتر زدہ حصوں میں تلاش کرنے نکلا جاوے؟

نہیں نہیں، آپ کی ابھی عمر ہی کیا ہے۔ آپ تو لڑکے بالے ہیں اس لیے ریٹائرمنٹ کی بجائے اپنا دیوان لکھنے کا سوچیں۔ میں تو ایک ڈسٹریکشن کا کانٹا تھی جو آپ کی یکسوئی کی راہ میں پڑتا تھا۔ خود کو نکال رہی ہوں، آپ آج پبلیشر کو فون کر کے سونا!

مجھے یقین ہے آنٹیاں زیادہ آئیں گی لیکن پھر بھی کوشش کر کے دیکھ لیں!

یہ بھی خوب کہی۔ غالب آج زندہ ہوتے تو اپنے فولوؤرز کے لیے اتنا تو کر ہی لیتے!

یہ محلاتی سازشیں ہیں ، آپ پردیسی ہو، نہیں سمجھو گے۔ ورنہ میں آپ کو چھوڑ کر کہاں جا سکتی تھی!!!

اتنا غور تو میں نے خود اپنے جذبات پر نہیں کیا تھا، یہ آپ کو کون سکھا گئی ہے!!! (کاش مجھے حکام بالا اتنی مہلت دے دیں کہ میرے ذہن میں ابھی ڈالے جانے والے ان خیالات پر عمل درآمد کر پاؤں۔ کیونکہ زندگی ایک بار ملتی ہے!!!)

یہ سراسر الزام ہے، جسے مٹانے مجھے خود حاضر ہونا پڑا۔ میں نےیہ تابوت خود نہیں چنا، میں تو چنوائی جا رہی ہوں اور لاکھوں دہائیاں دیتی رہی ہوں "سانوں کھیڑیاں دے نال نہ ٹور بابلا وےےےے"!!!

اس انشاء پردازی سے لگتے تو آپ انشاء جی ہیں مگر کوچ کے آرڈرز ہمارے لیے جاری ہوئے ہیں۔ ستم گر او ستم گر او ستم گا ستم گا!

فہیم (شرلاک ہومز) ، ان کو بتائیں کہ کس کس کا ہوا۔ کیونکہ میں آپ کے شاگردوں سے بلواؤں گی تو ہیڈ کانسٹیبل گنڈاسا لے کر پہنچ جائیں گے، "ایہہ ڈولی نئیں اٹھ سکدی"!

چند ماہ میں بڑے نوحے سنے ہیں اپنے لیے، لیکن یہ والا سب سے اچھا تھا!
آپ جیسے لوگوں کے لیے ہی بڑے بوڑھے کہہ گئے ہیں کہ جب زندہ ہیں تو قدر کر لو، مرنے پہ منجی ہلا ہلا کے بین نہ ڈالنا! (لیکن نہیں؟)

کاش یہ اصلاح میرے جیتے جی ہو جاتی!!!
(لیکن اب میری اکھڑتی سانسوں کی شجر سے پیوستگی مشکل تر معلوم ہوتی ہے)

اے اہل کراتشی !آپ کو حق ہے جو بھی کہیں ، پر ساڈا لہوڑ لہوڑ اے!

یہ وہ اصل وجہ تھی جسے تاحال کوئی کھوج نہ پایا تھا، مگر آپ نے چیخے بغیر بیان کر دی۔ ہمیں پہلے معلوم ہوتا تو محفل پہ فعالیت کی اتنی تگ و دو کرنے کی بجائے، سرکار بنام چیٹ جی پی ٹی پیشیاں منعقد کرواتے۔

یعنی برزخ کے لیے کمک کی طلب ہے!!!

وہ سب تو ٹھیک ہے لیکن وہ جو شہد کی مکھیوں سے ان کی آنکھ اور ناک میں فرق ختم ہوا تھا، اس کا کیا؟؟؟

بیس سال میں استاد محترم آپ کے اشعار کے اوزان کو گریویٹیشنل ایکسلریشن سے نہ بچا سکے۔ میں اسی احتجاج میں تابوت میں شفٹ ہو رہی ہوں! (پنڈ والیو! میں آ رئی آں!!!!!!)

پورے فیصل آباد شہر سے تو ایک ثقیل"فیصل" ہی نہیں سنبھلتا، یہ دو دو سنبھالے بیٹھے ہیں۔ اب کہیں تو یہ فرسٹریشن نکلے گی نا! ابھی شکر کریں کہ ان کے وردی کے رنگ کی طرح یہ مزاح اسود نہ کرنے لگے، ورنہ میں بہت پہلے احتجاجا کوچ کر چکی ہوتی!!!

خدا کا شکر ہے آپ نے "بے" کا بے دریغ استعمال نہ کیا!

مریم صاحبہ بھی کیا کارہائے نمایاں کر گئیں
لڑیاں بنائیں، ٹیگ لگائے، مراسلے لکھے، ٹر گئیں
(درست جگہ پیش لگانے کے لیے اپنے وڈوں کو ٹیگ کر رہی ہوں)

یو آر پٹنگ ورڈز ان ہر ماؤتھ!
ڈونٹ ڈو دیٹ ود می، آئی ایم یوئیر ون اینڈ اونلی اردومحفل اینڈ آئی ڈیزرو نو لیس دین آ تاج محل!!!!!!!!
آئی ہوپ یو گائیز رئیلی انڈرسٹینڈ ہو آ ئی ایم!

کیا بات ہے جی، کیااااااا بات ہے!

یہ جرمنی کے ہی ہیں جی (محفل نوز اٹ آل)، بس یہ عجز برقرار رکھنے کے لیے شیخ رشید کی ہمسائیگی کا اقرار کرتے رہتے ہیں۔ اب اس مزاج کو کوئی فلسفی ہی سمجھے تو سمجھے!

زندگی اور موت تو اللہ کے ہاتھ میں ہے ، لیکن کیا آپ کے دوسرے ہم عمر کا شناختی کارڈ اب تک نادرہ نے منسوخ کر دیا؟

اندر کی بات بتانا میرا شیوہ تو نہیں لیکن چلیں سن لیں۔ یہ پہلے ہی گھومے ہوئے ہیں، بس کوئی ان کو گھوما ہوا نہ کہے اس کی توجیہہ بیان کرنے کے لیے بہانہ گھڑتے ہیں کہ یہ چیز ان میں قصدا آئی یا شوقیہ لائی گئی!
ہاں جو بقر عید والی بات تھی۔۔۔۔وہ بکرے کا جی کچا کچا ہو رہا تھا، اس کی آخری خواہش کے مطابق اس کو گھمانے لے کے گئے تھے!!!

یہاں بھی "بے" کا بے دریغ استعمال ہو سکتا تھا۔ آپ نے نہیں کیا؟ اچھا کیا!!!

یہ بات آپ پر کاذب آ ہی نہیں سکتی۔ ابھی اوپر گل یاسمیں کے مضمون میں ہی آپ نے جیسے جملوں کو مصرعوں کی طرح جوڑا ہے وہ اپنی مثال آپ ہے!!!

غالب کو اس جرم کی پاداش میں تادم آخر صبر نہ آیا تھا، اپنے اے خان کس کھیت کے شلغم ہوئے!

آپ اتنا اصرار کرتے ہیں تو اپنا ارادہ بدلنے کی جانب رجوع تو کر لیتی ہوں، لیکن وہ جوپہلے ہی ٹھکانے لگ چکے پھر ان کا فیصلہ غلط ثابت ہو جائے گا!


اتنےکسمپرسی والے لطیفے سنا سناکے آخر اب اگر آپ ڈسکورڈ پہ اکٹھے ہوئے نا، تو میں نے ایک دیوان اپنی جانب سےمحفلین کے نام مرثیوں کا چھپوا دینا ہے!

(یعنی آپ کہتے ہیں کہ؟)
تم ہمارے کسی طرح نہ ہوئے؟
ورنہ دنیا میں کیا نہیں ہوتا؟؟؟؟

(لیکن کوئی ہماری بھی سنے!!!)
اک تم ہی نہیں تنہا الفت میں مری رسوا!!
اس شہر میں تم جیسے دیوانے ہزاروں ہیں!!!

آپ کی اپنی آنسہ اردو محفل ڈاٹ او آر جی
(پتہ ابھی تک پرانا ہی ہے، نئے پتے کے لیے اگلی چٹھی تک کا انتظار فرمائیں)

بہت ہی زبردست ۔۔۔ جواب دینے کے لیئے متحرک کردیا ۔ گھر پہنچ کر کوشش کرتا ہوں ۔ ابھی ویسےبھی محفل کا سرور سلو چل رہا ہے ۔

 

[سیما علی]

ون اینڈ اونلی بہو لاہور۔ سے

بہو کی دادی لاہور میں رہتی ہیں اور ایک چچا ۔

 

[مریم افتخار]

کہیں لہوری بہو بھی محفلین ہی نہ ہوں!!!!
کڑی سی کڑی ملائیں۔

کاف پر پیش پڑھنی ہے یا زبر؟

 

[مریم افتخار]

پڑھ لیتی ہیں اردو مگر لکھتی نہیں ہیں ۔
بیٹے کو زیادہ پتہ ہے اردو محفل کے بارے میں بہو کو نہیں ۔

لاہور سے ہو کے اردو لکھائی سے بیر؟
کیا بیرون ملک پروش پائی ہے؟