گُلِ یاسمیں
لائبریرین
السلام علیکم محفلین
یکے بعد دیگرے خضاب بارے دو غزلیں پڑھنے کو ملیں۔ محمد عبدالرؤوف کی خضاب اور شباب خورشید احمد خورشید کی ناقابل اصلاح غزل
دونوں کو پڑھتے ہوئے ایسے لگ رہا ہے جیسے کہ خضاب محض بالوں کا رنگ نہ ہو بلکہ کوئی انقلابی ہتھیار ہو جو لگانے والے کے سر پر وقت کے ہاتھوں لکھی ہوئی سفید کہانی کو سیاہ سیاہی سے مٹا دینا چاہتا ہے۔خضاب ۔۔وہ جادوئی رنگ جسے لگا کر چچا جان اچانک بھائی جان بن جائیں ، اور دادا ابو بھائی جی کہلوانے کی خواہش کرنے لگیں۔
کہتے ہیں سفید بال عمر کا سچ بول دیتے ہیں مگر کچھ لوگ اس سچ کو خضاب کی رنگین چادر میں چھپا کر زندگی کو نئی جوانی کا عنوان دے دیتے ہیں۔ آج ہم دعوت دے رہے ہیں محترم محمد عبدالرؤوف اور محترم خورشیداحمدخورشید کو ۔۔۔۔جنھوں نے اپنی غزلوں میں بہت دلیری اور بے ساختہ خود اعتمادی کے ساتھ اس "رنگین" سفر کا ذکر کیا ہے۔ نہ صرف خود خضاب لگا کر، بلکہ شاعرانہ اشاروں کنایوں میں دوسروں کو بھی اپنے سر کی "خالی زمین" کو رنگنے کی ترغیب دیتے نظر آتے ہیں۔
تو آئیں آج ان سے جانتے ہیں کہ اس فیصلے کے پیچھے کیا کہانی چھپی ہے؟ کیا خضاب صرف بالوں کو رنگتا ہے یا دل کو بھی نئی امید اور خوشی کی روشنی بخشتا ہے؟
آیئے محترم سید عاطف علی کی میزبانی میں اس دلچسپ، شوخ اور یادگار انٹرویو کا باقاعدہ آغاز کرتے ہیں۔
یکے بعد دیگرے خضاب بارے دو غزلیں پڑھنے کو ملیں۔ محمد عبدالرؤوف کی خضاب اور شباب خورشید احمد خورشید کی ناقابل اصلاح غزل
دونوں کو پڑھتے ہوئے ایسے لگ رہا ہے جیسے کہ خضاب محض بالوں کا رنگ نہ ہو بلکہ کوئی انقلابی ہتھیار ہو جو لگانے والے کے سر پر وقت کے ہاتھوں لکھی ہوئی سفید کہانی کو سیاہ سیاہی سے مٹا دینا چاہتا ہے۔خضاب ۔۔وہ جادوئی رنگ جسے لگا کر چچا جان اچانک بھائی جان بن جائیں ، اور دادا ابو بھائی جی کہلوانے کی خواہش کرنے لگیں۔
کہتے ہیں سفید بال عمر کا سچ بول دیتے ہیں مگر کچھ لوگ اس سچ کو خضاب کی رنگین چادر میں چھپا کر زندگی کو نئی جوانی کا عنوان دے دیتے ہیں۔ آج ہم دعوت دے رہے ہیں محترم محمد عبدالرؤوف اور محترم خورشیداحمدخورشید کو ۔۔۔۔جنھوں نے اپنی غزلوں میں بہت دلیری اور بے ساختہ خود اعتمادی کے ساتھ اس "رنگین" سفر کا ذکر کیا ہے۔ نہ صرف خود خضاب لگا کر، بلکہ شاعرانہ اشاروں کنایوں میں دوسروں کو بھی اپنے سر کی "خالی زمین" کو رنگنے کی ترغیب دیتے نظر آتے ہیں۔
تو آئیں آج ان سے جانتے ہیں کہ اس فیصلے کے پیچھے کیا کہانی چھپی ہے؟ کیا خضاب صرف بالوں کو رنگتا ہے یا دل کو بھی نئی امید اور خوشی کی روشنی بخشتا ہے؟
آیئے محترم سید عاطف علی کی میزبانی میں اس دلچسپ، شوخ اور یادگار انٹرویو کا باقاعدہ آغاز کرتے ہیں۔
