طارق شاہ
محفلین
غزلِ
نالۂ غم، شُعلہ اثر چاہیے
چاکِ دِل اب تا بہ جگر چاہیے
کِتنے مہ و نجْم ہُوئے نذرِ شب
اے غمِ دِل اب تو سَحر چاہیے
یُوں تو نہ ہوگا کبھی دِیدارِ دوست
اب تو کوئی راہِ دِگر چاہیے
منزِلیں ہیں زیرِ کفِ پا، مگر
ایک ذرا عزمِ سفر چاہیے
تشنگئ لب کا تقاضہ ہے اب
بادہ ہو یا زہر مگر چاہیے
دُور ہے دِل منزلِ غم سے ہنوز
اِک غلط اندازِ نظر چاہیے
راہ نہیں کوئی بجُز راہِ عِشق
عِشق کا ادراک مگر چاہیے
سہْل نہیں پیرَوِی رنگِ مِیر
سوزِ دِل و دِیدۂ تر چاہیے
شاعِر اور اِس بحر میں اِک شعرِ تر
اِس کے لئے خونِ جگر چاہیے
حمایت علی شاعِر
نالۂ غم، شُعلہ اثر چاہیے
چاکِ دِل اب تا بہ جگر چاہیے
کِتنے مہ و نجْم ہُوئے نذرِ شب
اے غمِ دِل اب تو سَحر چاہیے
یُوں تو نہ ہوگا کبھی دِیدارِ دوست
اب تو کوئی راہِ دِگر چاہیے
منزِلیں ہیں زیرِ کفِ پا، مگر
ایک ذرا عزمِ سفر چاہیے
تشنگئ لب کا تقاضہ ہے اب
بادہ ہو یا زہر مگر چاہیے
دُور ہے دِل منزلِ غم سے ہنوز
اِک غلط اندازِ نظر چاہیے
راہ نہیں کوئی بجُز راہِ عِشق
عِشق کا ادراک مگر چاہیے
سہْل نہیں پیرَوِی رنگِ مِیر
سوزِ دِل و دِیدۂ تر چاہیے
شاعِر اور اِس بحر میں اِک شعرِ تر
اِس کے لئے خونِ جگر چاہیے
حمایت علی شاعِر