حضرتِ انسان اور ہم یعنی بُلبُلِ بے تاب بقلم خود

محمداحمد نے 'آپ کی طنزیہ و مزاحیہ تحریریں' کی ذیل میں اس موضوع کا آغاز کیا، ‏مارچ 5, 2019

  1. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    حضرتِ انسان اور ہم یعنی بُلبُلِ بے تاب بقلم خود

    نہ جانے اس کے پیچھے کیا راز ہے لیکن سچی بات یہ ہے کہ حضرت انسان کو ہم سے شروع سے ہی کچھ پرخاش سی ہے۔ سو اس نے ہمیشہ اس پرخاش پر لبیک کہا اور ہماری چونچ میں دم کرنے کا کوئی موقع ہاتھ سے جانے نہیں دیا ۔ یعنی خود اشرف المخلوقات ہو کر بھی ہم سے چونچ لڑانے پر تُلا رہا اور یہ بھی نہ سوچا کہ بھلا میں انس کہاں، جانور غریب کہاں۔۔! انسانوں میں بھی بالخصوص شعراء ہم سے ٹھیک ٹھاک بیر رکھا کرتے ہیں۔

    یہی دیکھ لیجے کہ ہماری اوائل عمری میں ہی انسان نے ہمیں مشقِ ستم بنا لیا تھا۔ ہوا یوں کہ ایک سبز بخت نے انسانوں کے بچوں کے لئے نظم لکھنے کے نام پر بلبل کے ایک سادہ و معصوم بچے پر خوب ستم ڈھائے۔ اور علی االاعلان سب کو اپنے کارنامے بھی بتائے۔ لیکن انسانوں میں سے کوئی ایک بھی اس معصوم طفلِ بُلبُل سے ہمدردی کرنے والا نہیں ملا۔
    جناب فرماتے ہیں:

    بلبل کا بچہ ،کھاتا تھا کھچڑی
    پیتا تھا پانی


    صحافت کی دنیا میں یہ بات مشہور ہے کہ کتا اگر انسان کو کاٹ لے تو یہ کوئی خبر نہیں ہے کہ انسان اکثر و بیشتر کتوں سے کٹوانے کا سامان کر ہی لیتا ہے لیکن اگر انسان کتے کو کاٹ لے تو یہ ایک خبر ہے۔ اب اگر اسی فارمولے کو سامنے رکھتے ہوئے مذکورہ شاعری کو دیکھیں تو اس نظم میں کوئی خاص بات نہیں ہے۔

    ارے بھائی بُلبل کا بچہ کھچڑی ہی تو کھا رہا تھا ۔ کوئی ڈائنامائٹ تو نہیں چبا رہا تھا کہ آپ یوں سیخ پا ہو گئے۔ اب اگر آپ کے گھر میں کھچڑی کے علاوہ کچھ بنتا ہی نہیں ہے تو اُس میں بلبل کے بچے کا کیا قصور ! پھر پانی پینے کی بھی اس قدر تشہیر ہو رہی ہے کہ خدا کی پناہ! نہ جانے وہ کون سا پانی پی گیا کہ بستی والوں کو قحط سالی کا سامنا کرنا پڑ گیا۔

    آگے فرماتے ہیں:

    گاتا تھا گانے
    میرے سرہانے


    اب بھلا بتائیے آپ کون سا میر صاحب ہیں کہ آپ کے سرہانے آہستہ بولا جائے۔ بے چارہ بچہ اگر گانا گا رہا ہےتو گانے دیجیے۔ اگر زیادہ ہی تنگ ہو رہے ہیں تو تکیہ سرہانے سے اُٹھا کر پائنتی پر رکھ لیجے۔ لیکن نہیں! آپ نے تو یہ بات دل میں ہی رکھ لی اور موقع کی تاک میں گھات لگا کر بیٹھ گئے۔

    مزید فرماتے ہیں:

    اک دن اکیلا بیٹھا ہوا تھا
    میں نے اُڑایا، واپس نہ آیا


    لیجے پست ہمتی دیکھیے کہ ایک معصوم بلبل کے بچے کو گھیرنے کے لئے بھی جناب نے اُس کے اکیلے ہونے کا انتظار کیا۔ اور ہُش کرکے اُڑا دیا۔ اب آپ یہ نہ کہیے گا کہ ہُش کرنے کا تذکرہ شاعر نے نہیں کیا۔ جس طرح کچھ چیزیں زیبِ داستان کے لئے بڑھائی جاتی ہیں ویسے ہی کچھ چیزیں حذف بھی کر دی جاتی ہیں۔

    پھر اس پر مستزاد یہ کہ اُسے اُڑا کر اُس کی واپسی کا انتظار بھی کر رہے ہیں۔ بغیر بجلی کے اتنے اچھے اچھے گانے سُننے سے محروم جو ہوگئے۔ لیکن وہ واپس نہیں آنے والا۔ بھلا وہ کیوں واپس آئے؟ کھچڑی کھانے؟ اور اِس من و سلویٰ کے بھی اُسے طعنے سُننے کو ملیں۔ نہیں بھئی نہیں! قریب ہی ایک جگہ چڑا اور چڑیا رہتے ہیں۔ ایک بھلا مانس چاول کا دانہ لے آتا ہے ایک دال کا دانہ لے آتی ہے، کھچڑی تو وہاں بھی مل جائے گی ۔ بس اُن سے دوستی گاٹھ لیں گے۔ کم از کم جیسے بھی ہیں، اپنے تو ہیں۔

    ایک اور شاعر کچھ اس طرح رقم طراز ہیں:

    میں چمن میں کیا گیا گویا دبستاں کھل گیا
    بلبلیں سن کر مرے نالے غزل خواں ہو گئیں


    اب بتائیے۔ بھئی آپ چمن میں گئے ہی کیوں؟ بچپن سے آپ نے "ہم پھول چمن میں آتے ہیں" کی رٹ لگائی ہوئی ہے اور نہ جانے کیا کیا عزائم ہیں آپ کے ، اس کے پیچھے۔ نہ آپ چمن میں جاتے نہ ہی پنڈورہ باکس میرا مطلب ہے دبستاں یا وہ جو بھی تھا، کُھلتا۔

    پھر اُس پر زعم یہ کہ بلبلیں ان کی دھائیں دھائیں سن کر غزلخواں ہوئیں۔ بھول گئے وہ وقت جب بچپن ہی سے آپ بلبل کے بچے کے گانے سنا کرتے تھے ۔ کیا یہ بھی میں یاد دلاؤں کہ آپ کی طبیعت میں موزونیت بھی بے چارے جلاوطن بلبل کے بچے کے مرہونِ منت ہے۔ ورنہ فعلن فعولن کے چوکھٹوں میں الفاظ بٹھانا آپ کے بس کی بات ہرگز نہیں تھی۔ لیکن آپ نے احسان ماننے کے بجائے احسان فراموشی کو وتیرہ بنایا اور ہمیشہ کی طرح ہر اچھے کام کا کریڈٹ لینے پر کمر بستہ و سینہ کشاد ہو گئے۔

    ایک اور صاحب فرماتے ہیں:

    یہ آرزو تھی تجھے گل کے روبرو کرتے
    ہم اور بلبل بے تاب گفتگو کرتے


    اب بھلا بتائیے، افئیر آپ کا چل رہا ہے اور آپ ہمیں بلا وجہ گھسیٹ رہے ہیں ۔ اور اپنی زوجہء ناکردہ سے مخاطب ہو کر کہتے ہیں کہ دل یہ چاہتا ہے کہ تمہیں گل کے رو برو بٹھائیں اور ہم بلبلِ بے تاب سے گفتگو کریں۔

    ؂ تمہیں اٹکھیلیاں سوجھی ہیں ہم بے زار بیٹھے ہیں۔


    اب یہ بھی کسی کو کیا پتہ کہ ہماری اور گُل کے عشق کی داستان اتنی تھی نہیں کہ جتنی اُسے شاعروں نے رگڑا ہے۔ بلکہ سچی بات تو یہ ہے کہ یہ لوگ :

    ؂ اپنے غموں پہ روتے ہیں لے کر کسی کا نام


    خیر، ہم کیوں کسی کی غیبت کریں ، کچھ شاعر اچھے بھی ہوتے ہیں اور ہر حال میں حقیقت کو ہی مقدم جانتے ہیں۔ جیسے کہ یہ ایک شعر ہے:

    چمن میں نہ بلبل کا گونجے ترانہ
    یہی باغبان چمن چاہتا ہے


    کیا سچی بات ہے۔ لیکن جو شعر میرا "موسٹ فیورٹ" ہے وہ کچھ یوں ہے:

    سنا ہے کہ دلی میں الو کے پٹھے
    رگ گل سے بلبل کے پر باندھتے ہیں


    اور اسے دلی کے علاوہ بھی کئی ایک شہروں کے نام بدل بدل کر پڑھنےمیں مزہ آتا ہے۔ رگِ گل سے بلبل کے پر باندھنے کا تو خیر نہ جانے کیا مطلب ہے لیکن پہلا مصرع ہی ایسا کامل ہے کہ دوسرے کا خیال ہی نہیں آتا۔

    بہر کیف،

    کہنی سنی معاف!


    از قلم:
    ملکہء ترنم بلبل ِ بے تاب
     
    • زبردست زبردست × 9
    • پر مزاح پر مزاح × 4
    • پسندیدہ پسندیدہ × 1
  2. عرفان سعید

    عرفان سعید محفلین

    مراسلے:
    6,702
    جھنڈا:
    Finland
    موڈ:
    Mellow
    کچھ زیادہ ہی بے تابی دکھائی آپ نے!
    ماشاء اللہ! ایک پر لطف تحریر
     
    • پر مزاح پر مزاح × 1
  3. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    ملکہ کو خوب پکڑا ہے آپ نے۔ :)

    لیکن کیا کیجے کہ ترنم کے ساتھ بادشاہ کا خیال ہی نہیں آتا۔ :) :) :)
     
    • پر مزاح پر مزاح × 3
  4. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    یہ لکھتے ہوئے آپ کی یاد آئی۔ :)
     
    • دوستانہ دوستانہ × 1
  5. عرفان سعید

    عرفان سعید محفلین

    مراسلے:
    6,702
    جھنڈا:
    Finland
    موڈ:
    Mellow
    اجی چھوڑیے بادشاہ کو، وہ تو فقط "بلبلہ" سا ہو گا!
    :)
     
    • پر مزاح پر مزاح × 1
  6. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    جی جی احمد بھائی ضروری آنی چاہیے تھی۔ کیونکہ کیمیا گر نے ایک لڑی میں اپنے تئیں یہ مرتبہ حاصل کرنے کی بھرپور کوشش کی تھی۔ وہ تو ایک ناہنجار تھا جس نے سارا کھیل بگاڑ دیا۔ :D
     
    • معلوماتی معلوماتی × 1
    • پر مزاح پر مزاح × 1
  7. فرقان احمد

    فرقان احمد محفلین

    مراسلے:
    10,183
    زبردست ۔۔۔! بہت اعلیٰ! ایک پُرلطف، شگفتہ تحریر ۔۔۔!
     
    • دوستانہ دوستانہ × 1
    • متفق متفق × 1
  8. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    ویسے یہ شرارت جس نے بھی کی اچھی نہیں کی۔

    اس سے پہلے ہم دھڑلے سے خود کو اشرف المخلوقات سمجھتے تھے۔ اور اب اس اسٹیٹس کے لئے لوگوں کی منتیں کرنی پڑتی ہیں۔ :):D
     
    • پر مزاح پر مزاح × 4
  9. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    مزہ آ گیا احمد بھائی۔ اللہ کرے زور قلم زیادہ۔

    یعنی ۔۔۔ بلبلوں میں بھی سخن ور ہیں۔
    اہممم

    :rollingonthefloor:
    مثلا
    :rollingonthefloor::rollingonthefloor::rollingonthefloor:
     
    • پر مزاح پر مزاح × 1
  10. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    اچھا فالتو کی باتیں چھوڑیں اور ہماری تحریر پڑھ کر اُس پر رائے دیجے۔ :)
     
    • پسندیدہ پسندیدہ × 1
  11. عرفان سعید

    عرفان سعید محفلین

    مراسلے:
    6,702
    جھنڈا:
    Finland
    موڈ:
    Mellow
    اب مجبور نہ کریں کہ آپ کی بلبل پر کوئی کیمیکل پھینکنا پڑ جائے! :D
     
    • پر مزاح پر مزاح × 2
  12. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    :eek:
     
    • پر مزاح پر مزاح × 1
  13. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    پہلے ہی بلبل کے بچے نے جو جلی کٹی سنائیں ہیں وہ کافی نہیں۔۔۔
     
    • پر مزاح پر مزاح × 2
  14. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    سوری سوری!

    دراصل بے تابی چونکہ آج کل بلبل والی ہے اس لئے کچھ عجلت کا مظاہرہ کر گیا۔ :D:p
     
    • پر مزاح پر مزاح × 2
  15. عرفان سعید

    عرفان سعید محفلین

    مراسلے:
    6,702
    جھنڈا:
    Finland
    موڈ:
    Mellow
    فلسفی صاحب کو بتایا بھی تھا کہ "رائے" دیا کریں لیکن وہ ایک مراسلے میں فلسفیانہ "آراء" کے انبار لگا دیتے ہیں!

     
    • دوستانہ دوستانہ × 1
    • پر مزاح پر مزاح × 1
  16. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    جزاک اللہ !

    حوصلہ ملا آپ کے تبصرے سے۔
    ارے!

    بلبل کے بچے کے جتنے بھی گانے تھے جناب نے لیرکس خود لکھے تھے۔ :)
    وہی شہر جو آپ کے ذہن میں آئے ۔
     
    • پر مزاح پر مزاح × 1
  17. محمداحمد

    محمداحمد لائبریرین

    مراسلے:
    22,600
    جھنڈا:
    Pakistan
    موڈ:
    Amazed
    بہت شکریہ فرقان بھائی!

    حوصلہ افزائی کے لئے بے حد ممنون ہوں۔
     
    • دوستانہ دوستانہ × 1
  18. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    اسی کا انتظار کر رہا تھا ۔۔۔ آداب
     
    • پسندیدہ پسندیدہ × 1
    • دوستانہ دوستانہ × 1
  19. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    اس لیے ہم ابھی تک اسی ڈر سے محو تماشا ہیں ۔:p
    کہنے کو تو بلبل کا بچہ ہے پر باتیں تو دیکھو کتنی بڑی بڑی کر رہا ہے ۔:LOL:
     
    • پر مزاح پر مزاح × 5
  20. فلسفی

    فلسفی محفلین

    مراسلے:
    2,584
    جھنڈا:
    Pakistan
    موڈ:
    Pensive
    سید عمران صاحب کے حساب سے بلبل کا بچہ شاید آپ سے مخاطب ہو گا۔ اور آپ محو تماشا ہیں۔
     
    • پر مزاح پر مزاح × 3

اس صفحے کی تشہیر