جسٹس رانا بھگوان داس کا نبی آخر الزماں محمدﷺ کے حضور نذرانہ عقیدت

[سید زبیر]

جسٹس رانا بھگوان داس کا نبی آخر الزماں محمدﷺ کے حضور نذرانہ عقیدت بہ اوصافِ ذاتی و شانِ کمالی​

جمالِ دو عالم تری ذاتِ عالی​

دو عالم کی رونق تری خوش جمالی​

خدا کا جو نائب ہوا ہے یہ انسان​

یہ سب کچھ ہے تری ستودہ خصالی ​

تو فیاضِ عالم ہے دانائے اعظم​

مبارک ترے در کا ہر اِک سوالی​

نگاہِ کرم ہو نواسوں کا صدقہ​

ترے در پہ آیا ہوں بن کے سوالی ​

میں جلوے کا طالب ہوں ، اے جان عالم!​

دکھادے ،دکھادے وہ شانِ جمالی ​

ترے آستانہ پہ میں جان دوں گا ​

نہ جاوٗں ، نہ جاوٗں ، نہ جاوٗں گا خالی ​

تجھے واسطہ حضرتِ فاطمہ کا​

میری لاج رکھ لے دو عالم کے والی ​

نہ مایوس ہونا ہے یہ کہتا ہے بھگوان ​

کہ جودِ محمد ہے سب سے نرالی ​

​

رانا بھگوان داس​

​

​

رب ذوالجلال ہمیں اللہ اور اسکے رسول ﷺ کی اطاعت کی توفیق عطا فرمائے (آمین ثم آمین)​

 

[باباجی]

رحمتِ ہر جہاں ہیں سرکار ﷺ

 

[نایاب]

بلا شبہ ۔۔۔۔۔۔۔۔ ہیں دونوں جہاں کی رحمت آپ صلی اللہ علیہ و آلہ وسلم
بہت شکریہ بہت دعائیں محترم زبیر بھائی شراکت پر

 

[ملائکہ]

رانا بھگوان داس مسلمان ہیں کیا ۔۔۔؟؟؟ نام سے تو میں ہندو سمجھتی تھی۔۔۔

 

[الشفاء]

رانا بھگوان داس مسلمان ہیں کیا ۔۔۔ ؟؟؟ نام سے تو میں ہندو سمجھتی تھی۔۔۔

ارے بہنا، کیا ہندو ، کیا عیسائی کیا یہودی ، کیا مجوسی ، سب انہی کے گُن گا رہے ہیں۔۔۔ ایسے ہی تو محمد نہیں کہلوائے میرے آقا ، علیہ افضل الصلاۃ والتسلیم۔۔۔

 

[ملائکہ]

ارے بہنا، کیا ہندو ، کیا عیسائی کیا یہودی ، کیا مجوسی ، سب انہی کے گُن گا رہے ہیں۔۔۔ ایسے ہی تو محمد نہیں کہلوائے میرے آقا ، علیہ افضل الصلاۃ والتسلیم۔۔۔

پر وہ ہندو ہیں کہ مسلمان یہ بتائیں نا۔۔۔۔

 

[الشفاء]

پر وہ ہندو ہیں کہ مسلمان یہ بتائیں نا۔۔۔ ۔

اندر کی خبر تو معرفت والے لوگ ہی بتا سکتے ہیں نا۔۔۔

 

[آبی ٹوکول]

فی الوقت تو میری معلومات کہ مطابق ہندو ہی ہیں لیکن اگر اللہ چاہے تو اس کلام کے ذریعے بھی ان کو ہدایت کی راہ دکھا سکتا ہے ۔۔ بہت خوب کہا رانا صاحب نے

 

[ملائکہ]

اندر کی خبر تو معرفت والے لوگ ہی بتا سکتے ہیں نا۔۔۔

آپ کو خود نہیں پتہ ۔۔۔۔ہی ہی ہی

 

[ملائکہ]

فی الوقت تو میری معلومات کہ مطابق ہندو ہی ہیں لیکن اگر اللہ چاہے تو اس کلام کے ذریعے بھی ان کو ہدایت کی راہ دکھا سکتا ہے ۔۔ بہت خوب کہا رانا صاحب نے

ہممم بہت شکریہ بتانے کا۔۔۔۔

 

[الشفاء]

آپ کو خود نہیں پتہ ۔۔۔ ۔ہی ہی ہی

ہممم۔ تو آپ دعا کیا کریں نا کہ اللہ سبحانہ وتعالیٰ ہمیں بھی "جاننے والوں" میں سے کر دے۔ بہنوں کی دعاؤں میں تو بہت اثر ہوتا ہے نا۔۔۔۔

 

[امجد میانداد]

بہت شکریہ شئیر کرنے کا،

میرے نبی ﷺ کل جہاں کی رحمت

 

[محمد یعقوب آسی]

رانا بھگوان داس مسلمان ہیں کیا ۔۔۔ ؟؟؟ نام سے تو میں ہندو سمجھتی تھی۔۔۔

جی، وہ ہندو ہیں۔

 

[مزمل شیخ بسمل]

ملائکہ بہت سے ہندو اور غیر مسلم شعرا نے شاعری میں بطور صنفِ شاعری نوحے اور نعتیں اور دیگر مذہبی اصناف پر طبع آزمائی کی ہے۔ اس سے ان کا مسلمان ہونا ثابت نہیں ہوتا۔

 

[ملائکہ]

ملائکہ بہت سے ہندو اور غیر مسلم شعرا نے شاعری میں بطور صنفِ شاعری نوحے اور نعتیں اور دیگر مذہبی اصناف پر طبع آزمائی کی ہے۔ اس سے ان کا مسلمان ہونا ثابت نہیں ہوتا۔

اچھا واقعی یہ تو مجھے پتہ ہی نہیں تھا۔۔۔

 

[ملائکہ]

ہممم ۔ تو آپ دعا کیا کریں نا کہ اللہ سبحانہ وتعالیٰ ہمیں بھی "جاننے والوں" میں سے کر دے۔ بہنوں کی دعاؤں میں تو بہت اثر ہوتا ہے نا۔۔۔ ۔

اللہ آپکو اچھا والا علم دے ۔۔۔آمین

 

[الشفاء]

اللہ آپکو اچھا والا علم دے ۔۔۔ آمین

آمین۔۔۔ بہت شکریہ۔۔۔
لیکن ایک ہی دفعہ نہیں مانگنی، بلکہ جب کبھی بھی خیال آ جائے اس کم علم کے لئے دعا کرنی ہے آپ نے۔۔۔ اللہ عزوجل آپ کو اس کا اجر دے گا۔۔۔

 

[عسکری]

مرضی ہے جج صاحب کی ان کو پوری آزادی ہے مزہ تو تب ہے جب ایک مسلمان کو بھی ایسی فکری آزادی ہو

 

[شمشاد]

ہندو تو ہیں ہی۔ لیکن اسلامی جمہوریہ پاکستان کی عدالت عظمیٰ کے چیف جسٹس بھی تھے۔ ابھی تھوڑا ہی عرصہ ہوا ہے کہ ریٹائر ہوئے ہیں۔

 

[سید زبیر]

اچھا واقعی یہ تو مجھے پتہ ہی نہیں تھا۔۔۔

بے شمار ایسے ہندو ہیں جن کے نعتیہ کلام موجود ہیں چند ایک کے تو نعتیہ دیوان بھی شائع ہو چکے ہیں