بہادر شاہ ظفر تیرا گر ناخن پا تیرا مائل دھو کے پی جاتا،بہادر شاہ ظفر

[ملائکہ]

تیرا گر ناخن پا تیرا مائل دھو کے پی جاتا
تو اس کے ہاتھ پاؤں مل کے کامل دھو کے پی جاتا

نہ آتا ہاتھ خوں میرا اگر اس تشنہ خوں کے
تو اپنی تیغ پر خوں کو وہ قاتل دھو کے پی جاتا

اگلتا زہر پھر کیا کیا وہ تیرا نخت سودائی
اگر کوئی تیرے رخسار کا تل دھو کے پی جاتا

اگر ہوسکتا عالم میں حصول علم بے محنت
تو پھر ساری کتابیں ایک جاہل دھو کے پی جاتا

اٹھا سکتا جو مجنوں نقش پائے ناقہ لیلیٰ
تو جوں تعویذ ہول دل وہ بیدل دھو کے پی جاتا

حلاوت یاد کر کر تیری آب تیغ کی قاتل
بدن کے زخم اپنے آپ گھائل دھو کے پی جاتا

ظفر بے شغل ہی ہوجاتا سب کچھ منکشف اس پر
در فخر جہاں گر کوئی شاغل دھو کے پی جاتا


بہادر شاہ ظفر

 

[الف عین]

واہ۔۔۔
ملائکہ، تیغ کی ایک جگہ املا غلط ہو گئی ہے۔

 

[شاہ حسین]

بہت ہی زبر دست انتخاب ہے شامل کرنے کا شکریہ

 

[فاتح]

خوبصورت کلاسیکی انتخاب ہے۔ شکریہ!

 

[ملائکہ]

آپ لوگوں کا شکریہ

ملائکہ، تیغ کی ایک جگہ املا غلط ہو گئی ہے۔


میں نے صحیح کردیا ہے

 

[محمد وارث]

شکریہ ملائکہ خوبصورت غزل شیئر کرنے کیلیے!

 

[عمران شناور]

حسنِ انتخاب کی داد دیتا ہوں۔ واہ!
دوسرے شعر میں ’دھو کے‘ کی بجائے ’دھو کہ‘ لکھا ہوا ہے
درست فرما لیں۔