تنہا

[زینب]

ہم لوگ سمندر کے بچھڑے ہوئے ساحل

اس پار بھی تنہائی اس ار بھی تنہائی

 

[شمشاد]

وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر
(محسن نقوی)

 

[شمشاد]

بہ رنگِ صوتِ جرس تجھ سے دور ہوں تنہا
خبر نہیں ہے تجھے آہ کارواں میری
(میر)

 

[عمر سیف]

گھومنے نکلا تو کتنی بھیڑ تھی
سوچنے بیٹھا تو تنہا رہ گیا
عمر کتنی منزلیں طے کر چکی
دل جہاں ٹھہرا تھا ٹھہرا رہ گیا

 

[شمشاد]

آئینے کے سو ٹکڑے ہم نے کر کے دیکھے ہیں
ایک میں بھی تنہا تھے سو میں بھی اکیلے ہیں

 

[عیشل]

وہی ہوا نا کہ منزلوں کو گنوا کر تنہا بھٹک رہے ہو
سنبھل کر چلنا فریب دے گا ہر اک رستہ،کہا تھا میں نے!

 

[شمشاد]

تیری یاد میں آنسوؤں کا سمندر بنا لیا
تنہائی کے شہر میں اپنا گھر بنا لیا

 

[نوید صادق]

دل لگا کر لگ گیا اُن کو بھی تنہا بیٹھنا
بارے اپنی بے کسی کی ہم نے پائی داد، یاں

شاعر: غالب

 

[شمشاد]

اے ادا اور سنائیں بھی تو کیا حال اپنا
عمر کا لمبا سفر طے کیا تنہا ہم نے
(شہریار)

 

[زینب]

دشت تنہائی میں جسے چھوڑ ائے تم

سرابوں سے پو چھتا ہے یہ پیار کیسا ہے؟؟

 

[شمشاد]

غضب کا خوف ہے تنہائیوں میں
اب اپنے آپ سے ڈرنے لگی ہُوں
(نوشی گیلانی)

 

[زینب]

تیرے جانے سے کچھ یوں ہوا میری دنیا پے اثر

ہر طرف گہری تاریکی ہر طرف تنہا تنہائی

 

[شمشاد]

بے رُخی تیری،عنایت تیری
زخم دیتی ہے، دَوا کرتی ہے
تیری آہٹ مِری تنہائی کا
راستہ روک لیا کرتی ہے
(نوشی گیلانی)

 

[نوید صادق]

یاد بھی ہیں اے منیر اُس شام کی تنہائیاں
ایک میداں، اکِ درخت اور تُو خُدا کے سامنے

شاعر: منیر نیازی

 

[شمشاد]

میری تنہائی سے خاموشی تری
شعر کہتی ہے، سُنا کرتی ہے
(نوشی گیلانی)

 

[نوید صادق]

بہت دن سے یہ حسرت ہے کہ خورشید
کسی دن خود کو تنہا پا کے روئیں

شاعر: خرشید رضوی

 

[شمشاد]

کیسی ہے تری انجمن آرائی مرے دل؟
تنہا سفرِ شوق کی عادت نہیں جاتی!
(ناہید ورک)

 

[عیشل]

مرا مذاقِ جنوں سلامت کہیں بھی تنہا نہیں رہوں گا
ہزار طوفاں ساتھ دیں گے اگر کناروں نے ساتھ چھوڑا

 

[شمشاد]

مجھ کو مرغوب ہیں تنہائیاں میری ناہید
مجھ کو بھاتا نہیں اب مجمعِ یاراں ہمدم
(ناہید ورک)

 

[عیشل]

وہی ہوا نا کہ منزلوں کو گنوا کر تنہا بھٹک رہے ہو
سنبھل کر چلنا فریب دے گا ہر ایک رستہ کہا تھا میں نے!