طارق شاہ
محفلین
غزل
اِک آفتِ جاں ہے جو مداوا مِرے دِل کا
اچّھا کوئی پھر کیوں ہو مسِیحا مِرے دل کا
کیوں بِھیڑ لگائی ہے مجھے دیکھ کے بیتاب
کیا کوئی تماشہ ہے تڑپنا مِرے دِل کا
بازارِ محبّت میں کمی کرتی ہے تقدِیر
بن بن کے بِگڑ جاتا ہے سودا مِرے دِل کا
گر وہ نہ ہُوئے فیصلۂ حشْر پہ راضی
کیا ہوگا پھر انجام خُدایا مِرے دِل کا
کیا کوہکن و قیس کو دیتے دَمِ تقسِیم
حصّہ تھا غمِ حوصلہ فرسا مِرے دِل کا
گو میں نہ رہُوں محفلِ جاناں میں، مگر روز
تسلیم! یُوںہی ذکر رہے گا مِرے دِل کا
امیرالله تسلیم
( مولانا حسرت موہانی کے فنِ شاعری میں اُستاد )
اِک آفتِ جاں ہے جو مداوا مِرے دِل کا
اچّھا کوئی پھر کیوں ہو مسِیحا مِرے دل کا
کیوں بِھیڑ لگائی ہے مجھے دیکھ کے بیتاب
کیا کوئی تماشہ ہے تڑپنا مِرے دِل کا
بازارِ محبّت میں کمی کرتی ہے تقدِیر
بن بن کے بِگڑ جاتا ہے سودا مِرے دِل کا
گر وہ نہ ہُوئے فیصلۂ حشْر پہ راضی
کیا ہوگا پھر انجام خُدایا مِرے دِل کا
کیا کوہکن و قیس کو دیتے دَمِ تقسِیم
حصّہ تھا غمِ حوصلہ فرسا مِرے دِل کا
گو میں نہ رہُوں محفلِ جاناں میں، مگر روز
تسلیم! یُوںہی ذکر رہے گا مِرے دِل کا
امیرالله تسلیم
( مولانا حسرت موہانی کے فنِ شاعری میں اُستاد )