حسان خان
لائبریرین
پاکستان میں ترکی ڈرامے ؟
پاکستان سے باہر رہنے والے احباب کی اطلاع کے لیے عرض ہے کہ جب سے 'عشقِ ممنوع' ہٹ ہوا ہے، اس کے بعد سے بڑے نجی چینلوں نے بھی ترکی ڈرامے دکھانے شروع کر دیے ہیں۔ عشقِ ممنوع کی آخری قسط پچھلے ہفتے چلی تھی، جبکہ فی الوقت نور، گل بانو، آسی اور ایک دو اور ترکی ڈرامے اِدھر اُدھر سے اردو میں نشر ہو رہے ہیں۔
عثمان بھای، ڈرامے عورتیں ہی زیادہ دیکھتی ہیں، اور ان کا پسندیدہ موضوع رومانیت ہے۔ اب رومانی ڈرامے تو آپ کو ہر ملک کے ایسے ہی ملیں گے۔ عرب ممالک اور پاکستان کے رومانی سوپ بھی اب ایسے ہی ہوتے ہیں جن میں شہری اشرافیہ کو دکھایا جاتا ہے۔ فرق صرف اتنا ہے کہ ترکی کے رومانی ڈرامے پاکستانی ڈراموں کے مقابلے میں قدرے یورپی انداز کے ہیں، کیونکہ انقرہ اور استانبول کی شہری اشرافیہ کا طرزِ زندگی یورپی ہے۔ ورنہ موضوعات تو کم و بیش دونوں کے وہی ہیں۔ یہاں بھی جو رومانی ڈرامے ہیں ان میں کراچی کے پوش علاقوں کی اشرافیہ ہی دکھائی جاتی ہے۔ مجھے تو بہت کم ڈراموں میں اپنا روایتی پاکستانی کلچر نظر آتا ہے۔
ابھی دو سال قبل ترکی نے اپنی جنگِ آزادی پر بڑا بے مثال ڈرامہ سیریل بنایا تھا۔ لیکن کیا جنگِ آزادی پر بنا ڈرامہ یہاں مارکٹ بنا پائے گا؟ نجی چینل تو اولیت مارکٹ اور ریٹنگ کو ہی دیں گے۔
