1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

حفیظ تائب تج کے بے روح مشاغل اے دل

الف نظامی نے 'حمد، نعت، مدحت و منقبت' کی ذیل میں اس موضوع کا آغاز کیا، ‏اکتوبر 22, 2008

  1. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
    تج کے بے روح مشاغل اے دل
    چھیڑ حضرت کے شمائل اے دل

    مگر اتنا تجھے احساس رہے
    سخت مشکل ہے یہ منزل اے دل

    نارسا فکرِ سخنور ہے یہاں
    وہ تو ہیں‌ خلق کا حاصل اے دل

    بے شمار ان کی عنایات اے جاں
    بے کراں ان کے فضائل اے دل

    نہ کوئی ان کا محاسن میں‌ شریک
    نہ کوئی ان کا مماثل اے دل

    نامِ پاک ان کا ہے طغرائے نجات
    ان پہ قرآں ہوا نازل اے دل

    وہی پیغام برِ فطرت ہیں
    کائنات ان کی ہے قائل اے دل

    پیروی ان کی جو لازم ٹھہرے
    حل ہوں انساں کے مسائل اے دل

    ان کا آئین محبت ہو عام
    نہ رہے کوئی بھی مشکل اے دل

    ضبط جذبات یہاں لازم ہے
    ان کا دربار ہے اے دل اے دل

    کرمِ سرورِ دیں چارہ غم
    یہ تلاطم ہے وہ ساحل اے دل

    کسبِ نور آپ سے تو بھی کر لے
    اور ہو جا مہِ کامل اے دل

    حفیظ تائب علیہ الرحمۃ
     
    • پسندیدہ پسندیدہ × 7
    • زبردست زبردست × 2
  2. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    بہت ہی خوبصورت نعت ہے نظامی صاحب - بہت شکریہ قبلہ!
    مجھے یہ نعت پڑھ کر دو اشعار یاد آگئے -

    میرے اشکوں کا غم نہ کر اے دل
    دل کی بربادیوں سے ڈر اے دل

    سلسلہ روک بیتی باتوں کا
    ورنہ تڑپے گا رات بھر اے دل
     
    • پسندیدہ پسندیدہ × 4
  3. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
    دل بھی کیا ہے بس اک طلب کے سوا

    دل بھی کیا ہے بس اک طلب کے سوا
    آرزوئے حبیبِ رب کے سوا

    آنکھ کیا ڈھونڈتی ہے صدیوں سے
    جلوہ روئے منتخب کے سوا

    افق لامکاں پہ جو چمکا
    کون تھا وہ مہ عرب کے سوا

    باریابی کا مصطفے کے حضور
    کچھ ذریعہ نہیں ادب کے سوا

    از مجددِ نعت حفیظ تائب رحمۃ اللہ علیہ
     
    • پسندیدہ پسندیدہ × 4
    • زبردست زبردست × 1
  4. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
    پسندیدگی کا شکریہ سخنور, فرحت کیانی, محمد وارث۔
     
  5. الف نظامی

    الف نظامی لائبریرین

    مراسلے:
    13,974
    جھنڈا:
    Pakistan
    موڈ:
    Cool
  6. حسیب نذیر گِل

    حسیب نذیر گِل محفلین

    مراسلے:
    7,241
    جھنڈا:
    Pakistan
    موڈ:
    Innocent
    جزاک اللہ
    سبحان اللہ
     
    • پسندیدہ پسندیدہ × 1

اس صفحے کی تشہیر