فرحان محمد خان
محفلین
واہ واہ واہ کیا کہنے
تاریک دیاروں میں اُجالے کا پتہ ہیں
- صاحب لڑی ظہیراحمدظہیر
- تاریخ ابتداء
ظہیراحمدظہیر
لائبریرین
تابش بھائی ، کل جس وقت یہ بات ہورہی تھی تو ہم اورآپ بیک وقت ٹائپ کررہے تھے۔ اس لئے سوالیہ اور جوابی مراسلوں کی ترتیب آگے پیچھے ہوگئی۔
جیسا کہ پہلے لکھا مجھے تو نگاہیں کا قافیہ درست معلوم ہوتا ہے اور معیوب نہیں لگتا ۔ آج تو خاصا مصروف دن گزرا ۔ان شاءا للہ ویک اینڈ پر بیٹھ کرنظائر ڈھونڈتا ہوں ۔
ظہیراحمدظہیر
لائبریرین
آداب! بہت نوازش عاطف بھائی ! آپ کی داد تو سند ہے ۔ بہت بہت شکریہ!
بہت شکریہ المٰی ! ذرہ نوازی ہے! اللہ آپ کو خوش رکھے !
نگاہیں کےتلفظ کے مسئلے پر میں جلد ہی کچھ لکھتا ہوں ۔ پہلے میں اسے ٹھیک سے دیکھ لوں ۔
نوازش! بہت شکریہ یاسر بھائی ! قدر افزائی پر بہت ممنون ہوں ۔ ذرہ نوازی ہے!
بہت بہت شکریہ فرحان بھائی ! اللہ آپ کو خوش رکھے! شاد و آباد رکھے، تمام مشکلات اور پریشانیوں سے دور رکھے! آمین !
سید عاطف علی
لائبریرین
ورنہ مرجانے میں کچھ بھید نہیں
ہم کو جینے کی بھی امید نہیں
جام مے خاتمہ جمشید نہیں۔
ذرہ بے پرتو خورشید نہیں۔وغیرہ
ظہیراحمدظہیر
لائبریرین
سر جی "نگاہیں" کو "فضا ہیں، ادا ہیں" کی طرح پڑھنا ہے؟
پھر میرا خیال یہی ہے کہ عبید بھائی کا اشارہ اس جانب نہ تھا، بلکہ ہیں اور نگاہیں کی ادائیگی میں فرق کی جانب ہے۔
عاطف بھائی ، ان نظائر کے لئے بہت شکریہ ۔ لیکن یہ تمام مثالیں تو قافیے میں صوتی تغیر کے بارے میں ہیں جو ایک بالکل ہی علیحدہ مسئلہ ہے ۔ اس موضوع پر پھر بات کریں گے ۔
شعر مذکورہ کا مسئلہ قافیے سے متعلق نہیں بلکہ ردیف سے متعلق ہے ۔ ہم سب جانتے ہی ہیں کہ ردیف کی تکرار ہر شعر کے آخر میں بغیر کسی تغیر کے جوں کی توں ہونی چاہئے ۔ اور یہ تکرار بغیر کسی ملفوظی یا مکتوبی تغیر کے ہونی چاہئے ۔ لیکن اس شعر میں قافیہ معمولہ استعمال کرنے کی وجہ سے ردیف " ہیں " کے تلفظ میں تغیر آگیا ہے ۔ یعنی مکتوبی طور پر تو ردیف قائم ہے لیکن ملفوظی طور پر تبدیل ہوگئی ۔ توسوال یہ ہے کہ ردیف میں ایسا تغیر لانا جائز ہے یا نہیں ۔ تو اب اس سوال کا جواب کیا ہے؟
بدقسمتی سے ابھی تک اس بارے میں کوئی نظیر مجھے نہیں مل سکی ۔ آج کل کتابیں چھاننے کی طرف دل مائل نہیں ہوتا ۔ لیکن میں کوشش جاری رکھوں گا اور اگر کوئی مثال نظر آئی تو ضرور پیش کروں گا ۔
البتہ ذاتی طور پر میں اس شعر میں اس تغیر کو معیوب نہیں سمجھتا ۔ اوپر بھی لکھا ہے کہ تلفظ میں یہ تغیر انتہائی معمولی ہے اور لفظ نگاہیں کو روانی سے پڑھا جائے تو تلفظ بدلنے کا بالکل احساس نہیں ہوتا ۔ شعر کی روانی میں کوئی کمی نہیں ہوتی ۔ چلیں اگر ہم یہ فرض بھی کرلیں کہ ایسا کرنا جائز نہیں اور یہ عیب ہے تو میری نظر میں یہ معمولی سا عیب ہے ۔ اور اس بارے میں عام قاعدہ یہ ہے کہ اگر مجموعی طور پر شعر اچھا ہو تو معمولی نقص یا عیب سے صرفِ نظر کرلیا جاتا ہے ۔
امید ہے کہ اب آپ حضرات کے کلیجے میں ٹھنڈک پڑگئی ہوگی۔
عاطف بھائی ، جو مثالیں آپ نے قافیے میں صوتی تغیرات کی دی ہیں ویسی چند مثالیں قدماء میں تقریباً ہر شاعر کے ہاں مل جاتی ہیں ۔ لیکن ان مثالوں کو اصول نہیں بلکہ استثناء کے طور لیا جاتا ہے ۔ اب اس طرح کے قافیے کی اجازت نہیں دی جاسکتی ۔ قافیہ تو ہم آواز یا ہم صوت الفاظ ہی کا نام ہے ۔ قافیے میں یائے مجہول و معروف و لین یا واؤ معرف و مجہول کا اختلاط اب کوئی بھی درست نہیں سمجھتا ۔ اس بارے میں تفصیلی گفتگو پھر کبھی سہی ۔
سید عاطف علی
محمد تابش صدیقی
عبید انصاری
La Alma
سید عاطف علی
لائبریرین
جی ہاں ۔ درست ۔ میں نے تو مثالیں محض تلفظ کی ادائیگی کے پیرائے میں پیش کی تھیں ۔
بقیہ موضوع کی طرف تو شاید اشارہ ہو ہی چکا تھا ۔
بقیہ موضوع کی طرف تو شاید اشارہ ہو ہی چکا تھا ۔
محمد تابش صدیقی
منتظم
دراصل یہ موضوع ہے ہی نہیں۔
شروع سے جو سوال ہے وہ ادائیگی کے حوالے سے ہے۔ قافیہ معمولہ کا نہیں۔
آنے کی اور نیکی میں نے کی آواز ایک ہی ہے۔
جبکہ ہیں اور نگاہیں میں ہیں کی آواز تھوڑی مختلف ہے۔
محمد تابش صدیقی
منتظم
دراصل سوال کا مقصد ہی تلفظ تھا۔
یاسر شاہ
محفلین
دراصل یہ موضوع ہے ہی نہیں۔
شروع سے جو سوال ہے وہ ادائیگی کے حوالے سے ہے۔ قافیہ معمولہ کا نہیں۔
آنے کی اور نیکی میں نے کی آواز ایک ہی ہے۔
جبکہ ہیں اور نگاہیں میں ہیں کی آواز تھوڑی مختلف ہے۔
تابش بھائی آواز نکال کے بتائیں -کیسے مختلف ہے
محمد تابش صدیقی
منتظم
یاسر شاہ
محفلین
تابش بھائی باریک فرق مائی نے کر دیا ہے ایک کو زیادہ کھینچ کر دوسرے کو کم کھینچ کر ورنہ ہائے مفتوح ہے دونوں <ہیں >میں
محمد تابش صدیقی
منتظم
کھینچنے کو نظر انداز بھی کریں تو فرق موجود ہے۔ ظہیر بھائی کی بات درست ہے کہ معمولی فرق ہے، مگر فرق نہیں ہے، یہ کیسے کہا جا سکتا ہے؟
نگاہیں کا ی ہیں کی ی کی نسبت کچھ لیٹا ہوا ہے۔
اب اس کے لیے گرائمر کے مخصوص نام گرائمر کا طالب علم نہ ہونے کی وجہ سے نہیں جانتا۔
محمد تابش صدیقی
منتظم
جیسا کہ یہاں پر بھی کچھ ایسا ہی معاملہ تھا۔ اور اچھی گفتگو رہی اس کے ذیل میں آسی صاحب اور عاطف بھائی کی۔
یاسر شاہ
محفلین
تابش بھائی ابھی تحقیق کر لی ہے -آپ کی بات درست ہے بلکہ یوں کہیں کہ مجھے ہی یہ فرق ابھی سمجھ آیا -
میزان سخن از حمید عظیم آبادی میں تقطیع کے باب میں <یائے >کی اقسام پر مفصّل بحث موجود ہے
حاصل بحث یہی ہے کہ ظہیر صاحب کی ردیف <ہیں> میں <یائے لین > ہے جسے ہم بڑی یائے کہتے تھے بچپن میں-اس کی خاصیت ہے کہ نون غنہ سے ماقبل آئے تو اس سے پیچھے والے حرف پر زبر ہوتا ہے جو کہ یہاں< ہائے > ہے-مثالوں میں الفاظ <ہیں> اور <میں> دیے گئے ہیں -
جبکہ <نگاہیں> میں یائے مجہول ہے اوراس کی <ہیں > کی ہائے پر کسرہ (زیر )مجہولہ ہے برخلاف ردیف کے -اس یائے کی آواز نہ <نہیں> کی یائے جیسی ہے اور نہ <میں> کی یائے جیسی بلکہ بین بین ہے -جسے آپ لٹا رہے تھے
- لہٰذا ردیف ذرا تبدیل ہوئی ہے -اس یائے کا استعمال درج ذیل ہے :اسمائے جمع تانیث کی علامت :آنکھیں ،نگاہیں وغیرہ
افعال جمع کی علامت : جھانکیں ،دیکھیں وغیرہ
مزید پڑھنے کے لیے کتاب خریدی جائے شاید یہ کتاب ریختہ پر مفت دستیاب نہ ہو -
جاسمن
لائبریرین
بہت ہی خوبصورت غزل۔
زبردست پہ ڈھیروں ڈھیر زبریں۔
زبردست پہ ڈھیروں ڈھیر زبریں۔
کافی اشعار تو واقعی آپ پہ منطبق ہیں۔
ظہیراحمدظہیر
لائبریرین
ہمم!!
لگتا ہے کہ خواہرم جاسمن ہر دو ایک ہفتے بعد فاتحہ خوانی کے لیے گورستانِ سخن کا چکر لگاتی ہیں اور واپس آتے دو چار گڑے مردے بھی اکھاڑ لاتی ہیں ۔
بہت شکریہ ، توجہ کے لیے ممنون ہوں ۔ اللہ کریم آپ کو خوش رکھے۔
ظہیراحمدظہیر
لائبریرین
بھئی وہ آج کل آپ جنوں بھوتوں وغیرہ کے کوچے میں زیادہ آتی جاتی رہتی ہیں تو اس وجہ سے کچھ شبہ سا پیدا ہوگیا تھا ۔ الحمدللہ اب دور ہوگیا ۔اللہ اکبر!
ہم تو گلستان سے گل بوٹے لاتے ہیں۔
آسمان سے تارے لاتے ہیں۔
فضاؤں سے جگنو لاتے ہیں۔
ہواؤں میں گھلے پرندوں کے نغمے لاتے ہیں۔
وغیرہ وغیرہ
