بیت بازی

[عمر سیف]

اب ٹھیک ہے۔

 

[شمشاد]

یاد اتنا ہے کہ پہنچا درِ میخانے تک
کیا کہوں آگے کی آگے کا مجھے ہوش نہیں

 

[عمر سیف]

نہیں آتی نیند بھی موت بھی چین سے
نہیں آتا وہ بھی کچھ دنوں سے
ہلکا ہوگیا ہے آج کھل کے رونے سے
بہت بوجھل تھا جی بہت دنوں سے

 

[شمشاد]

یہ وصل کا لمحہ ہے اسے رائیگاں نہ سمجھ
کہ اس کے بعد وہی دوریوں کا سہارا ہے
(محسن نقوی)

 

[عیشل]

یہ دل کی راہ پر اڑتا غبار کس کا ہے
وہ جا چکا ہے پھر انتظار کس کا ہے
نہیں وہ اپنا مگر اس کی راہ بھی دیکھوں
دل و نظر پہ بھلا اختیار کس کا ہے

 

[شمشاد]

یہ رکھ رکھاؤ محبت سکھا گئی اس کو
وہ روٹھ کر بھی مجھے مسکرا کے ملتا ہے
(محسن نقوی)

 

[عیشل]

یہ ہی جگہ جہاں ہم سب مل کے بیٹھے ہیں
کل خدا جانے یہاں پر کون ہوگا
بچھڑنے والے تجھے دیکھ دیکھ کر سوچتا ہوں
تو پھر ملے گا تو کتنا بدل چکا ہوگا

 

[شمشاد]

انہیں صدیوں نہ بھولے گا زمانہ
یہاں جو حادثے کل ہو گئے ہیں
(ناصر کاظمی)

 

[الف عین]

نہیں آتی جویاد ان کی مہینوں تک نہیں آتی
مگر جب یاد آتے ہیں تو اکثر یاد آتے ہیں

 

[شمشاد]

نہیں تیرا نشیمن قصرِ سلطانی کے گنبد پر
تو شاھین ہے بسیرا کر پہاڑوں کی چٹانوں پر
(علامہ اقبال)

 

[سارہ خان]

نہیں ملتے وہ اب تو کیا بات ہے
یہاں خود سے بھی کب ملاقات ہے

 

[شمشاد]

یار کو میں نے مجھے یار نے سونے نہ دیا
رات بھر طالع بیداد نے سونے نہ دیا

 

[الف عین]

آہ کو چاہیے اک عمر اثر ہونے تک
کون جیتا ہے تری زلف کے سر ہونے تک
چچا

 

[عیشل]

کچی عمر میں کل کے دکھوں سے آج الجھنا ٹھیک نہیں
پہلا ساون بھیگنے والو شاد رہو آباد رہو

 

[شمشاد]

وہ آئیں گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں

 

[عمر سیف]

نہ سہہ سکوں گا غمِ ذات کو اکیلا میں
کہاں تک اور کسی پر کروں بھروسہ میں

 

[شمشاد]

نظر نظر سے ملا کر شراب پیتے ہیں
ہم ان کو پاس بٹھا کر شراب پیتے ہیں
(تسنیم فاروقی)

 

[عمر سیف]

نگل رہی ہے اگر تیرگی تو کیا تم لوگ!
سحر کے وقت چراغوں کی لو ابھارو گے

 

[سیدہ شگفتہ]

نہ گنواؤ ناوکِ نیم کش دلِ ریزہ ریزہ گنوا دیا
جو بچے ہیں سنگ سمیٹ لو تنِ داغ داغ لُٹا دیا


کلام : فیض احمد فیض


​

 

[سیدہ شگفتہ]

یہ جامہ صد چاک بدل لینے میں کیا تھا
مہلت ہی نہ دی فیض ، کبھی بخیہ گری نے

کلام : فیض احمد فیض


​