بیت بازی

[فہد اشرف]

یہ جور و جفا سہنا پھر ترکِ وفا کرنا
اے ہرزہ پژوہی بس عاجز ہوئے ہم تجھ سے
غالب

 

[محمد عدنان اکبری نقیبی]

یا یہ جینا حیات ہے ہی نہیں
یا مری ذات ذات ہے ہی نہیں

راحیل فاروق

 

[زیرک]

نشہ ہے عارضی ابرک یہ چاہے جانے کا
تمہارے دل سے بھی جلدی غرور نکلے گا
اتباف ابرک

 

[Kamal Khan Abdul]

اپنے جواب کیسے delete کرتے ہیں؟

 

[Kamal Khan Abdul]

اب یہ سوچا ہے کہ پتھر کے صنم پوجوں گا
تاکہ گھبراؤں تو ٹکرا بھی سکوں، مر بھی سکوں۔
ساحر؟

اخترالایمان

 

[سیما علی]

اے شب غم مرے مقدر کی
تیرے دامن میں اک سحر ہوتی

آغاز برنی

 

[شمشاد]

یہ بھی نیا ستم ہے حنا تو لگائیں غیر
اور اس کی داد چاہیں وہ مجھ کو دکھا کے ہاتھ
(نظام رامپوری)

 

[سیما علی]

ہر تمنا دل سے رخصت ہو گئی
اب تو آجا اب تو خلوت ہو گئی

عزیز الحسن مجذوب

 

[لاريب اخلاص]

یہ ہوائیں تو موافق تھیں بہت
کیوں ہواؤں نے ڈبو دی کشتی
ایک طوفاں کے شناور نے کہا
ناخداؤں نے ڈبو دی کشتی
صوفی تبسم

 

[سیما علی]

یہ اور بات کہ دل غم میں خود کفیل ہوا
مگر وہ آنکھ میرے غم میں اشک بار رہی
شبنم شکیل

 

[شمشاد]

یہ اور بات ہے تجھ سے گلا نہیں کرتے
جو زخم تو نے دیے ہیں بھرا نہیں کرتے
امجد اسلام امجد

 

[سیما علی]

یوں بدن میں بے حسی بیگانگی بس جائے گی
روح سے بھی واجبی سا واسطہ رہ جائے گا
عام ہو جائے گا اتنا سرد مہری کا چلن
منجمد ہو کر خوشی کا قہقہہ رہ جائے گا

مشتاق عاجز

 

[شمشاد]

انتہائے یاس میں چلتے رہے بے مدعا
دیکھنے والے ہمیں ثابت قدم کہتے رہے
عرش صدیقی

 

[سیما علی]

یہ رشک ہے کہ وہ ہوتا ہے ہم سخن تم سے
وگرنہ خوف بد آموزی عدو کیا ہے!!!!!!!!!!

 

[سیما علی]

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

عبید اللّہ علیم

 

[سیما علی]

یہ محبت تو نصیبوں سے ملا کرتی ہے
چل کے خود آئے مسیحا کسی بیمار کے پاس

عبید اللّہ علیم

 

[شمشاد]

سوال یہ ہے کہ آپس میں ہم ملیں کیسے
ہمیشہ ساتھ تو چلتے ہیں دو کنارے بھی
امجد اسلام امجد

 

[سیما علی]

یہی لگتا ہے بس وہ شورش ِ دل کا سبب منصور
کبھی ہنگامہ ء تخلیق میں شامل نہیں ہو گا
منصور آفاق

 

[سیما علی]

اپنے معیار تک نہ پہنچا میں
مجھ کو خود پر بڑا بھروسہ تھا۔۔۔!
جون ایلیاء

 

[سیما علی]

اے عشق نہ چھیڑ آ آ کے ہمیں، ہم بھولے ہوؤں کو یاد نہ کر
پہلے ہی بہت ناشاد ہیں ہم ، تو اور ہمیں ناشاد نہ کر
(اختر شیرانی)