بیت بازی

[امجد علی چیمہ]

اُن کی نگاہِ مست سے مخمور ہو گئے
اتنے ہوئے قریب کہ ہم دُور ہو گئے

ماہر القادری

 

[سیما علی]

یاد کا پھر کوئی دروازہ کھلا آ خر شب
دل میں بکھری کوئی خوشبوٴےقبا آخر شب

 

[سیما علی]

باغباں تیری عنایت کا بھرم کیوں‌ کھلتا
ایک بھی پھول جو گلشن میں‌ہمارا ہوتا

 

[امجد علی چیمہ]

یاد کا پھر کوئی دروازہ کھلا آ خر شب
دل میں بکھری کوئی خوشبوٴےقبا آخر شب

بہت خوب!

 

[امجد علی چیمہ]

او مرے ہاتھ سے دامن کو چھڑانے والے
دل کی دنیا مری ویران ہوئی جاتی ہے

 

[امجد علی چیمہ]

یہ عمر بھر کا اثاثہ اسی کے نام تو ہے
اگرچہ میری رفاقت میں چند سال تھی وہ

 

[امجد علی چیمہ]

ہوئی ہے عام اب صحرا فروشی
بہت ہے ان دنوں دریانمائی

 

[امجد علی چیمہ]

یہ خلوتِ جاں میں کون آیا
ہر چیز الٹ پلٹ گیا ہے

 

[امجد علی چیمہ]

یاروں کی خطاؤں پہ نظر ہم نے نہ رکھی
اور یار کوئی بھول ہماری نہیں بھولے
فراز

 

[امجد علی چیمہ]

یہ چاہے تو ذروں کو ستاروں سے ملا دے
اک کھیل ہے مومن کے لیے گردشِ افلاک

ماہر القادری

 

[امجد علی چیمہ]

کچھ فسانوں میں حقیقت کی جھلک ہوتی ہے
کچھ حقیقت سے بنا لیتے ہیں افسانے بھی!

ساغر صدیقی

 

[امجد علی چیمہ]

یہ کیا کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو

ناصر کاظمی

 

[امجد علی چیمہ]

وہ ساحلوں پہ گانے والے کیا ہوئے
وہ کشتیاں چلانے والے کیا ہوئے

وہ صبح آتے آتے رہ گئی کہاں
جو قافلے تھے آنے والے کیا ہوئے

ناصر کاظمی

 

[امجد علی چیمہ]

یوں ترے حسن کی تصویر غزل میں آئے
جیسے بلقیس سلیماں کے محل میں آئے

ناصر کاظمی

 

[امجد علی چیمہ]

یہ کیسے شکاری نے جکڑا ہے مجھ کو
کہ خود میں نے اڑنے کی خواہش کتر دی

پروین شاکر

 

[امجد علی چیمہ]

یوں بچھڑنا بھی بہت آساں نہ تھا اس سے مگر
جاتے جاتے اس کا وہ مڑ کر دوبارہ دیکھنا

پروین شاکر

 

[سیما علی]

انہیں پتھروں پہ چل کر اگر آ سکو تو آؤ
مرے گھر کے راستے میں کوئی کہکشاں نہیں ہے

مصطفیٰ زیدی

 

[سیما علی]

یارب ہیں مرے ساتھ بہت حسرت و ارماں
ہو وسعتِ صحرائے عدم اور زیادہ
(داغ دہلوی)

 

[سیما علی]

 

[سیما علی]

نیرنگئ سیاست دوراں تو دیکھئے
منزل انھیں ملی جو شریک سفر نہ تھے
( محسن بھوپالی )