بیت بازی سے لطف اٹھائیں

[ہمسفر]

یوں نہ کر تقاضا محبت سر عامِ بازار
کچھ اشاروں کنایوں کو بھی سمجھا کر

 

[شمشاد]

محسن بھائی یہ بیت بازی کا دھاگہ ہے، یہاں آپ کو پچھلے شعر کے آخری حرف سے شعر دینا تھا جو کہ حرف ن پر ختم ہوا تھا۔ آپ نے حرفِ ی سے شعر دے دیا۔

 

[شمشاد]

راحت شام و سحر، دن کا سکوں، راتوں کی نیند
کیسے کیسے شہر تیرے غم میں ویراں ہو گئے
(سرور)

 

[محمد وارث]

یہ بھی کیا کم ہے غریب الوطنی میں کہ فراز
ہم کو بے مہریٔ اربابِ وطن یاد نہیں

 

[شمشاد]

نازک ہے بہت رشتہ ایمان و محبت کا
سر رشتۂ الفت ہی دیباچۂ ایماں ہے
(سرور)

 

[عمر سیف]

یہ کیا غم ہے مرے اشعار کو نم کر دیا جس نے
یہ دل میں کس سمندر کی گھٹا کو دیکھتا ہوں

 

[شمشاد]

نہ غبار میں نہ گلاب میں مجھے دیکھنا
میرے درد کی آب و تاب میں مجھے دیکھنا
(ادا جعفری)

 

[محمد وارث]

امجد وہ آنکھیں جھیل سی گہری تو ہیں مگر
ان میں کوئی بھی عکس مرے نام کا نہیں

(امجد اسلام امجد)

 

[الف عین]

نام اس کا ہر اک زبان پہ ہے
ذکر پھیلا کہاں کہاں اپنا
ا ع

 

[عیشل]

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم

 

[yousuf_md2001]

main akela hi nikla tha manzil ki taraf
log milte gaye aur karwan banta gaya

 

[محمد وارث]

انہی کی رمز چلی ہے گلی گلی میں یہاں
جنہیں ادھر سے کبھی اذنِ گفتگو نہ ملا

(ظفر اقبال)

 

[عمر سیف]

ایک بھی تو دکھاؤ منزل پر
جس کو دیکھا ہے رہنما کے سوا

 

[الف عین]

ایک اک شعر سے ٹپکے ہیں لہو کے قطرے
میری دشمن یہ طبیعت کبھی ایسی تو نہ تھی
ا ع

 

[امیداورمحبت]

یہ سانحہ بھی محبت میں بارہا گزرا
کسی نے حال بھی پوچھا تو آنکھ بھر آئی​

 

[عمر سیف]

یہ اداسیوں کا جمال ہے کہ ہمارا اوجِ ِکمال ہے
کبھی ذات سے چھپا لیا کبھی شہر بھر کو بتا دیا

 

[امیداورمحبت]

ایک شام کی دہلیز پر بیٹھے رہے وہ دیر تک
آنکھوں سے کیں باتیں بہت منہ سے کہا کچھ بھی نہیں

(بشیر بدر)​

 

[عیشل]

نہ قحطِ آب کا ڈر تھا،نہ سیلِ آب کا خوف
زمیں ہی ایسی تھی،بادل یونہی برستے رہے
بس اتنا یاد ہے کہ کچھ لوگ بِک رہے تھے ظفر
خبر نہیں کہ وہ مہنگے تھے یا کہ سستے تھے

 

[عمر سیف]

یوں تو لاکھوں حسین صورت ہیں
دل دھڑکتا ہے صرف تیرے لئے

 

[امیداورمحبت]

یہ دکھ نہیں کہ اندھیروں سے صلح کی ہم نے
ملال یہ ہے کہ اب صبح کی طلب بھی نہیں

( پروین شاکر)