بیت بازی سے لطف اٹھائیں

[شمشاد]

یہ نہیں دیکھا کسی نے رنج و غم ہے کس لیے!
اہ۔لِ دنی۔۔ا ص۔رف ان۔دازِ فغ۔اں دیکھ۔ا کیے!
(سرور)

 

[عیشل]

یہ بے سبب نہیں شام و سحر کے ہنگامے
اُٹھا رہا ہے کوئی پردہ ہائے راز و نیاز

 

[شمشاد]

زندگی گزری کسی کی آرزو کرتے ہوئے
اور اب حیراں ہوں میں یہ شہر ویراں دیکھ کر
(سرور)

 

[precious_pearl]

راز الفت سکھا گیا کوئی
دل کی دنیا پہ چھا گیا کوئی

تا قیامت کسی طرح نہ بجھے
آگ ایسی لگا گیا کوئی

وقت رخصت گلے لگا کر کوئی
ہنستے ہنستے رلا گیا کوئی

(داغ دہلوی)

 

[شمشاد]

یہ ہے بزمِ ساقی، یہاں ہوش کیسا؟
یہاں تو خودی کا نہیں ہے ٹھکانہ
(سرور)

 

[محمد وارث]

نہ ہوگا کبھی فیصلہ کفر و دیں کا
تمھیں رخ سے پردہ ہٹانا پڑے گا

نہیں بھولتا سیف عہدِ تمنّا
مگر رفتہ رفتہ بھلانا پڑے گا

(سیف الدین سیف)

 

[شمشاد]

اب شہر میں اس کا بدل ہی نہیں، کوئی ویسا جانِ غزل ہی نہیں
ای۔۔۔۔۔وانِ غ۔زل میں ل۔فظ۔وں ک۔۔ے گُل۔۔دان س۔۔جاؤں کس ک۔۔ے لی۔۔ے
(ناصر کاظمی)

 

[precious_pearl]

اے خدا ریت کے صحرا کو سمندر کر دے
یا چھلکتی آنکھوں کو بھی پتھر کر دے

تجھ کو دیکھا نہیں محسوس کیا ہے میں نے
آ کسی دن میرے احساس کو پیکر کر دے

اور کچھ بھی مجھے درکار نہیں ہے لیکن
میری چادر میرے پیروں کے برابر کردے

 

[شمشاد]

یہ سبھی کیوں ہے یہ کیا ہے مجھے کچھ سوچنے دے
کون انساں کا خدا ہے مجھے کچھ سوچنے دے
(ساحر لدھیانوی)

 

[precious_pearl]

یہ تو نہیں کہ غم نہیں
ہاں میری آنکھ نم نہیں

تم بھی تو تم نہیں ہو آج
ہم بھی تو آج ہم نہیں

اب نہ خوشی کی ہے خوشی
غم کا بھی کوئی غم نہیں

موت اگرچہ موت ہے
موت سے زیست کم نہیں

(فراق گورکھپوری)

 

[شمشاد]

نگاہِ مست سے جب چشم نے اُس کی اشارت کی
حلاوت مے کی اور بنیاد مے خانے کی غارت کی
(میر)

 

[محمد وارث]

یہ کیسے خواب سے جاگی ہیں آنکھیں
کسی منظر پہ دل جمتا نہیں ہے

جو دیکھو تو ہر اِک جانب سمندر
مگر پینے کو اک قطرہ نہیں ہے

(امجد اسلام امجد)

 

[شمشاد]

یہ اچھا ہوا وہ خفا ہوگیا
چلو یونہی اک سلسلہ ہوگیا
(سرور)

 

[محمد وارث]

آؤ اک سجدہ کریں عالمِ مدہوشی میں
'لوگ کہتے ہیں کہ ساغر کو خدا یاد نہیں'

(ساغر صدیقی)

مصرعہ ثانی 'ساغر نظامی' کا ہے۔

 

[شمشاد]

نکل کے ایوانِ تمکنت سے جو میرے دل میں ذرا تو جھانکے
ب۔ڑا ک۔وئی مس۔۔۔۔ئل۔ہ م۔ری جاں م۔رے ت۔رے درمیاں نہیں ہے
(سرور)

 

[محمد وارث]

یوں مسلماں تو بہت ہیں، مگر اب تک نہ سنا
اِک مسلماں سے بھی اِک پیروِ اسلام کا نام

یہ فقط میرا تخلّص ہی نہیں ہے، کہ ندیم
میرا کردار کا کردار ہے اور نام کا نام

 

[شمشاد]

محبت امتحان درد پیہم ہوتی جاتی ہے
گھٹا جاتا ہے دل اور چشم غم نم ہوتی جاتی ہے
(سرور)

 

[محمد وارث]

یہ بھی دیکھو کہ کہاں کون بلاتا ہے تمھیں
محضرِ شوق پڑھو، محضرِ سرکار پہ خاک

آپ کیا نقدِ دو عالم سے خریدیں گے اسے
یہ تو دیوانے کا سر ہے، سرِ پندار پہ خاک

(عرفان صدیقی)

 

[شمشاد]

کیا ہوا مٹ گئے ان پر جو شہیدانِ الم
کیسے ممکن ہے کہ یہ مرتبہ بے دام ملے؟
(سرور)

 

[عمر سیف]

یہ کس کے سوگ میں شوریدہ حال پھرتا ہوں
وہ کون شخص تھا ایسا کہ مر گیا مجھ میں