بیت بازی سے لطف اٹھائیں (5)

[فیصل عظیم فیصل]

سیما علی آپا! دوسرے احباب کو بھی شریک کروائیں۔ اکیلے تو بیت بازی نہیں کھیلی جا سکتی۔

یہ سچی بات ہے تابش کبھی تو برسر محفل
اکیلے ہاتھ ہی دھاگے چلاتے رہنا پڑتا ہے

 

[عمر سیف]

یہ کس مقام پہ سوجھی تجھے بچھڑنے کی
کہ اب تو جا کے کہیں دن سنورنے والے تھے

جمال احسانی

 

[فیصل عظیم فیصل]

یہ کس مقام پہ سوجھی تجھے بچھڑنے کی
کہ اب تو جا کے کہیں دن سنورنے والے تھے

جمال احسانی

یہ سیف عمر کی ایسی جمال والی تھی
کہ اس نے امت مسلم پہ کر دیئے احساں

 

[شمشاد]

نہ آتے ہمیں اس میں تکرار کیا تھی
مگر وعدہ کرتے ہوئے عار کیا تھی
(علامہ اقبال)

 

[سیما علی]

یہ عجب لوگ ہیں، دیتے ہیں تو اتنی تکریم
کچھ کو منظور نہ ہو، کچھ کو سزاوار نہ ہو
عابد سیال

 

[فیصل عظیم فیصل]

یہ عجب لوگ ہیں، دیتے ہیں تو اتنی تکریم
کچھ کو منظور نہ ہو، کچھ کو سزاوار نہ ہو
عابد سیال

وہاں یہاں یہ جو بکھرے ہیں سوچ کے موتی
عزیز جس کے خزانے میں جو ہے بانٹے گا

 

[شمشاد]

ابھریں گے ایک بار ابھی دل کے ولولے
گو دب گئے ہیں بار غم زندگی سے ہم
ساحر لدھیانوی

 

[سیما علی]

ابھریں گے ایک بار ابھی دل کے ولولے
گو دب گئے ہیں بار غم زندگی سے ہم
ساحر لدھیانوی

مل بھی جاؤ یوں ہی تم بہر خدا آپ سے آپ
جس طرح ہو گئے ہو ہم سے خفا آپ سے آپ
شہزاد نیر

 

[سیما علی]

مل بھی جاؤ یوں ہی تم بہر خدا آپ سے آپ
جس طرح ہو گئے ہو ہم سے خفا آپ سے آپ
شہزاد نیر

پہنچ جاتی ہے کسی کے گوش دل تک
ہماری آرزو اتنی کہاں ہے
بے نظیر شاہ وارثی

 

[یونس]

پہنچ جاتی ہے کسی کے گوش دل تک
ہماری آرزو اتنی کہاں ہے
بے نظیر شاہ وارثی

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں
فیض احمد فیض

 

[سیما علی]

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں
فیض احمد فیض

ناصحا! تجھ کو خبر کیا کہ محبت کیا ہے
روز آ جاتا ہے سمجھاتا ہے،یوں ہے،یوں ہے
احمد فراز

 

[سیما علی]

ناصحا! تجھ کو خبر کیا کہ محبت کیا ہے
روز آ جاتا ہے سمجھاتا ہے،یوں ہے،یوں ہے
احمد فراز

یہ عید تیرے واسطے خوشیوں کا نگر ہو
کیا خوب ہو ہر روز تیری عید اگر ہو

 

[سیما علی]

وفا کا سندیس لے کر اترے تمہارے آنگن میں
گواہ رفاقتوں کا محبتوں کا بن کر ہلال عید

 

[سیما علی]

دست سائل میں اگر کاسئہ غم چیخ اٹھے
تب کہیں جا کے ستاروں سے گراں ملتی ہیں

 

[سیما علی]

نظر والا نہیں مجھ سا تمہاری جلوہ گاہوں میں
میں حیرت کو بتوں کی پیش کرتا ہوں گواہوں میں

 

[سیما علی]

نظر والا نہیں مجھ سا تمہاری جلوہ گاہوں میں
میں حیرت کو بتوں کی پیش کرتا ہوں گواہوں میں

نہیں پڑتے ہیں زمیں پر جو ترے نقش قدم
کیوں اڑے رنگ حنا غیر کے گھر جانے میں


ن

 

[سیما علی]

نئی منزلیں نئے راستے نئے ہمسفر کی تلاش ہے
کبھی راہزن کبھی راہ رو کبھی راہبر کی تلاش ہے


ے

 

[سیما علی]

نئی منزلیں نئے راستے نئے ہمسفر کی تلاش ہے
کبھی راہزن کبھی راہ رو کبھی راہبر کی تلاش ہے


ے

یہ وہ شہر ہے جس میں کوئی گھر بھی خوش نہیں
داد ستم نہ دے کہ ستم گر بھی خوش نہیں
ظفر اقبال

ن

 

[سیما علی]

یہ وہ شہر ہے جس میں کوئی گھر بھی خوش نہیں
داد ستم نہ دے کہ ستم گر بھی خوش نہیں
ظفر اقبال

ن

نگری نگری پھرا مسافر گھر کا رستہ بھول گیا
کیا ہے تیرا کیا ہے میرا اپنا پرایا بھول گیا
(میرا جی)

ا

 

[سیما علی]

نگری نگری پھرا مسافر گھر کا رستہ بھول گیا
کیا ہے تیرا کیا ہے میرا اپنا پرایا بھول گیا
(میرا جی)

ا

اب حجرۂ صوفی میں وہ فقر نہیں باقی
خون دل شیراں ہو، جس فقر کی دستاویز
علامہ محمد اقبال


ز