بیت بازی سے لطف اٹھائیں (5)

[مزمل حسین]

یہ بزم محبت ہے، اس بزم محبت میں
دیوانے بھی شیدائی، فرزانے بھی شیدائی

 

[شمشاد]

یوں اور بہت عیب ہیں سرور میں ولیکن
کمبخت محبت میں تو یکتا نظر آیا
(سرور عالم راز سرور)

 

[کاشف اکرم وارثی]

​

اے شکوہِ سنجِ شدتِ اغیار، شُکر کر​

تجھ کو لگے نہیں ہیں کسی آشنا کے ہاتھ​

​

احمد فرازؔ​

​

 

[شمشاد]

ہستی کے دروبست کا مارا نظر آیا
ہر شخص تماشا ہی تماشا نظر آیا
(سرور عالم راز)

 

[کاشف اکرم وارثی]

اس دل کے دريدہ دامن میں، ديکھو تو سہی سوچو تو سہی
جس جھولی ميں سو چھيد ہوئے، اس جھولی کا پھيلانا کيا

 

[شمشاد]

انشاء جی اٹھو اب کوچ کرو اس شہر میں جی کا لگانا کیا
وحشی کو سکوں سے کیا مطلب، جوگی کا نگر میں ٹھکانہ کیا
(انشاء جی)

 

[کاشف اکرم وارثی]

اس قصر میں رکتی ہے مری سانس ،گھٹن سے
بچپن کا وہ کچّا سا مکاں یاد رہے گا

 

[شمشاد]

انہیں جب سے ہے اعتمادِ محبت​

وہ مجھ سے جگر بد گماں اور بھی ہیں​

)جگر مُراد آبادی (​

 

[زبیر مرزا]

نجانے دل کیوں اُسے مہرباں سمجھتا ہے
وہ دوست ہے تو بس اتنا کہ اجنبی کم ہے

 

[سیدہ شگفتہ]

یہی ہے عبادت ، یہی دین و ایماں
کہ کام آئے دنیا میں انساں کے انساں


شاعر : الطاف حسین حالی

 

[شمشاد]

نجیبوں کا عجب کچھ حال ہے اس دور میں یارو
جہاں پوچھو یہی کہتے ہیں ہم بیکار بیٹھے ہیں
(انشاء اللہ انشاء)

 

[عمر سیف]

ناراضگی بھی طرزِ محبت کی اک ادا ہے
روٹھوں جو تجھ سے کیسی یہ اُلفت کی بات ہے

 

[شمشاد]

​

یُوں مِرے دل کے برابر تیرا غم آیا ہے​

جیسے شیشے کے مقابل کوئی پتھر جاناں
(محسن نقوی)

 

[عمر سیف]

نہ پوچھ کیوں میری آنکھوں میں آگئے آنسو
جو تیرے دل میں ہے اس بات پر نہیں آئے

 

[شمشاد]

​

یونہی موسم کی ادا دیکھ کے یاد آیا ہے​

کس قدر جلد بدل جاتے ہیں انساں جاناں​

(فراز)​

 

[کاشف اکرم وارثی]

نیے سے نیا تیر برسا رہے ھو​

ابھی تو مجھے تم تڑپا ریے ھو​

جو میں نے لگائ کوئ چوٹ دل پر​

تو دل کی لگی کو چھپا نہ سکو گے​

 

[شمشاد]

یہاں درد سے ہاتھ سینے پہ رکھا​

وہاں ان کو گزرے گماں کیسے کیسے
(امیر مینائی)

​

 

[سارہ خان]

یہ پھولوں میں چھپے خنجر یہ مارِ آستیں سرور
بتائو کیا کروگے دوستوں کی مہربانی کا

سرور عالم راز سرور

 

[مزمل شیخ بسمل]

اب کے یوں دل کو سزا دی ہم نے
اس کی ہر بات بھلادی ہم نے

فیض

 

[مزمل حسین]

یہ ظلم دیکھ، کہ تو جان شاعری ہے مگر!
مری غزل میں ترا نام بھی ہے جرم سخن