بیت بازی سے لطف اٹھائیں (5)

[شمشاد]

نویدِ سربلندی دی منجّم نے تو میں سمجھا
سگانِ دہر کے آگے دوتا ہونے کا وقت آیا
(ہری چند اختر)

 

[مزمل حسین]

ادھر سے ابر اٹھ کر جو گیا ہے
ہماری خاک پر بھی رو گیا ہے
مصائب اور تھے، پر دل کا جانا
عجب اک سانحہ سا ہو گیا ہے
سرھانے میر کے کوئی نہ بولو..!
ابھی ٹک روتے روتے سو گیا ہے..

 

[شمشاد]

صحیح مصرعہ یوں ہے :

سرہانے میر کے آہستہ بولو

یہ آپ نے سرھانے میر کے کوئی نہ بولو ۔۔!

کہاں سے پڑھا ہے؟

 

[شمشاد]

یاد میں تیری جہاں کو بھولتا جاتا ہوں میں​

بھولنے والے، کبھی تجھ کو بھی یاد آتا ہوں میں
(آغا حشر)

 

[کاشف اکرم وارثی]

نیئے آغاز میں ہے جو حوصلہ کیوں توڑ بیھٹے ہو​

تم سب کچھ جیت جاو گے زارا انجام ہونے دو​

​

نامعلوم شاعر​

 

[شمشاد]

​

واعظوں کو نہ کرے منع نصیحت سے کوئی​

میں نہ سمجھوں گا کسی طرح سے سمجھانے دو​

(سیاح)​

​

 

[عمر سیف]

وہ ماتھے کا مطلع ہو کہ ہونٹوں کے دو مصرعے
بچپن کی غزل ہی میری محبوب رہی ہے

 

[شمشاد]

یہ سچ ہے کہ اک پل بھی تری یاد سے ہٹ کر
گزرا ،نہ کبھی میں نے گزارا، اُسے کہنا
(نجم الحسن کاظمی)

 

[عمر سیف]

اب شہر میں اس کا بدل ہی نہیں، کوئی ویسا جانِ غزل ہی نہیں
ایوانِ غزل میں لفظوں کے گُل دان سجاؤں کس کے لیے

 

[شمشاد]

یہ دل تو ابھی تک ہے تمہارا ،اُسے کہنا
جاں ہار گئی پیار نہ ہارا اُسے کہنا
(نجم الحسن کاظمی)

 

[عمر سیف]

اے زاہدِ کم فہم! تجھے علم بھی ہے کچھ؟
دل کعبہ نہیں ہے اسے بت خانہ بنادے

 

[محمداحمد]

یہ کیا کہ اک جہاں کو کرو وقفِ اضطراب
یہ کیا کہ ایک دل کو شکیبا نہ کر سکو

 

[محمد وارث]

وہ مجھ سے ہوئے ہم کلام اللہ اللہ
کہاں میں کہاں یہ مقام اللہ اللہ

 

[مقدس]

ہائے آدابِ محبّت کے تقاضے ساغر
لب ہلے اور شکایات نے دم توڑدیا

 

[محمد وارث]

آ کے سجّادہ نشیں قیس ہوا میرے بعد
نہ رہی دشت میں خالی کوئی جا میرے بعد

 

[مقدس]

بھیا مشکل والے نہیں لکھنے یہاں۔۔ سچی سرچ کرنے میں بڑی مشکل ہوتی ہے


دل میں اک لہر سی اٹھی ہے ابھی
کوئی تازہ ہوا چلی ہے ابھی
شور برپا ہے خانہء دل میں
کوئی دیوار سی گری ہے ابھی

 

[محمد بلال اعظم]

یہ عالم شوق کا دیکھا نہ جائے
وہ بت ہے یا خدا دیکھا نہ جائے
(احمد فراز)

 

[کاشف اکرم وارثی]

یہ تیری امید کو کیا ہوا ہے کبھی تو نے غور نہیں کیا
کسی شام تو نے کہا تو تھا تیری سانس ہوں، تیری آس ہوں ​

 

[محمد بلال اعظم]

نہ حریفِ جاں نہ شریکِ غم شبِ انتظار کوئی تو ہو​

کسے بزمِ شوق میں لائیں ہم دلِ بے قرار کوئی تو ہو​

(احمد فراز)​

 

[شمشاد]

واہ امیرؔ، ایسا ہو کہنا، شعر ہیں یا معشوق کا گہنا
صاف ہے بندش، مضموں روشن، ماشاء اللہ! ماشاء اللہ!
(امیر مینائی)