بیت بازی سے لطف اٹھائیں (5)

[محمداحمد]

ابھی ابھی وہ ملا تھا ہزار باتیں کیں
ابھی ابھی وہ گیا ہے مگر زمانہ ہوا

پروین شاکر

 

[ماہی احمد]

انھیں اپنے دل کی خبریں میرے دل سے مل رہی ہیں
میں جو ان سے روٹھ جاؤں تو پیام تک نہ پہنچے
شکیل بدایوانی

 

[محمداحمد]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا، کوئی غمگسار ہوتا

غالب

 

[ماہی احمد]

اب کے ہم بچھڑے تو شايد کبھي خوابوں ميں مليں
جس طرح سوکھے ہوئے پھول کتابوں ميں مليں

فراز

 

[محمداحمد]

نہیں کہ حُسن ہی نیرنگیوں میں طاق نہیں
جنوں بھی کھیل رہا ہے سیاستیں کیسی

عبیداللہ علیم

 

[عمر سیف]

دیر ہوگئی ۔ اُپس ۔۔۔

 

[عمر سیف]

یہ ہمارا گھر ہے ساتھی یا خوشی کا باغ ہے
یہ کئی رشتوں کی باہم دوستی کا باغ ہے

منیر نیازی

 

[محمداحمد]

یہی ہوا، یہی بے مہر و بے لحاظ ہوا
یہی نہ ہو تو چراغوں میں روشنی بھی نہ ہو

افتخار عارف

 

[ماہی احمد]

نہیں کہ حُسن ہی نیرنگیوں میں طاق نہیں
جنوں بھی کھیل رہا ہے سیاستیں کیسی

عبیداللہ علیم

یارانِ جہاں کہتے ہیں کشمیر ہے جنت
جنت کسی کافر کو ملی ہو نہ ملے گی۔

دیر ہوگئی ۔ اُپس ۔۔۔

نہیں ہے ناامید اقبال اپنی کشتِ ویراں سے
ذرا نم ہو تو یہ مٹی بڑی ذرخیز ہے ساقی

 

[ماہی احمد]

 

[ماہی احمد]

"ساقی" ابھی تک کے آخری مراسلے کا آخری لفظ ہے
"ی" کو لے کر آگے بڑھیں۔

 

[محمداحمد]

یہ کس کو دیکھ کر دیکھا ہے میں نے بزمِ ہستی کو
کہ جو شے ہے نگاہوں کو حسیں معلوم ہوتی ہے

 

[مہدی نقوی حجاز]

یہ کس نے شاخ گل لا کر قریب آستاں رکھ دی
کہ میں نے شوق گل بوسی میں کانٹوں پر زباں رکھ دی

 

[شمشاد]

واہ جی، مزہ آ گیا۔ دھاگہ کیا زندہ کیا، یہاں تو رونق ہی لگ گئی۔
بہت خوب۔

 

[مہدی نقوی حجاز]

جناب بیت ملائیے بیت۔ ی سے۔

 

[شمشاد]

یہ کس نے شاخ گل لا کر قریب آستاں رکھ دی
کہ میں نے شوق گل بوسی میں کانٹوں پر زباں رکھ دی

یا رب، یہ درد مند ہے کس کی نگاہ کا!!
ہے ربطِ مشک و داغِ سوادِ ختن ہنوز
(چچا)

 

[شمشاد]

جناب بیت ملائیے بیت۔ ی سے۔

مہدی بھائی بہت عرصے بعد یہ دھاگہ زندہ ہوا ہے۔ کچھ تو لطف لینے دیں۔

 

[مہدی نقوی حجاز]

یا رب، یہ درد مند ہے کس کی نگاہ کا!!
ہے ربطِ مشک و داغِ سوادِ ختن ہنوز
(چچا)

زاہد نہ تم پیو نہ کسی کو پلا سکو
کیا بات ہے تمہاری شراب طہور کی
چچا

 

[مہدی نقوی حجاز]

مہدی بھائی بہت عرصے بعد یہ دھاگہ زندہ ہوا ہے۔ کچھ تو لطف لینے دیں۔

بے شک لطف اندوز ہوں جناب۔ ہمیں بھی شامل سمجھیے محفل لطف میں!

 

[عندلیب]

یہ علم کا سودا یہ رسالے یہ کتابیں
اک شخص کی یادوں کو بھلانے کے لیے ہے