بیت بازی سے لطف اٹھائیں (5)

[شمشاد]

یا رب، زمانہ مجھ کو مٹاتا ہے کس لیے؟
لوحِ جہاں پہ حرفِ مکرّر نہیں ہُوں میں
(چچا)

 

[عندلیب]

نہ دم لیا نہ کہیں دوگھڑی قیام کیا
کسی طرح سے سفر ہم نے یہ تمام کیا

 

[محمداحمد]

ایک ہی فن تو ہم نے سیکھا ہے
جس سے ملیے اُسے خفا کیجے

 

[عندلیب]

یہ کیا تماشہ ہے اپنوں سے بیر رکھتے ہو
اماں ہٹاؤ ! بہت ہوچکیں مخالفتیں !

 

[محمداحمد]

نیتِ شوق بھر نہ جائے کہیں
تو بھی دل سے اُتر نہ جائے کہیں

ناصر کاظمی

 

[شیزان]

نہ کوئی رستہ نہ کوئی منزل
عجیب راہوں پہ چل رہا ہوں

بقا کوئی تو مجھے سمیٹے
میں اک اکائی تھا، بٹ گیا ہوں

بقا بلوچ

 

[عندلیب]

نہ ڈالو خطرے میں ایک دوسرے کی خیریتیں
ہے دل میں بغض تو پھر روک دو مراسلتیں

 

[شیزان]

نہ گھر کے لوگ سلامت ، نہ گھر سلامت ہیں
یہ اور بات کہ دیوار و در سلامت ہیں

نہ چادریں ہی سلامت رہیں ، نہ دستاریں
جئیں تو کیسے جئیں، جن کے سر سلامت ہیں

مشتاق عاجز

 

[شمشاد]

نیند اُس کی ہے، دماغ اُس کا ہے، راتیں اُس کی ہیں
تیری زلفیں جس کے بازو پر پریشاں ہو گئیں
(چچا)

 

[عندلیب]

نئے اظہار میں ڈھلتا رہا ہوں
سمے کے ساتھ ہی میں چلتا رہا ہوں

 

[شمشاد]

نہ جانوں نیک ہُوں یا بد ہُوں، پر صحبت مخالف ہے
جو گُل ہُوں تو ہُوں گلخن میں جو خس ہُوں تو ہُوں گلشن میں
(چچا)

 

[شیزان]

نقشِ بر آب سہی، کچھ بھی سہی، ہوں تو سہی
ریت کی قید میں کیا خُود سے بچھڑ کر آؤں

میری پہچان ہو شاید انہی ذرّوں کی چمک
اپنے گھر میں اسی زینے سے اُتر کر آؤں

 

[شمشاد]

نہ نکلا آنکھ سے تیری اک آنسو اس جراحت پر
کیا سینے میں جس نے خوں چکاں مژگانِ سوزن کو
(چچا)

 

[شیزان]

وہ مری خوش لباس کیسی ہے ؟
اس کے تن کی کپاس کیسی ہے ؟

جسے خوش تاب تھی حیات مگر
جی سے تھی جو اداس، کیسی ہے ؟

 

[شمشاد]

یہ کہہ سکتے ہو "ہم دل میں نہیں ہیں" پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو
(چچا)

 

[شیزان]

وہ کہ لرزاں تھی اپنی ذات سے بھی
وہ سراپا ہراس کیسی ہے ؟

جس کی تعمیر سب خیالی تھی
ہاں ! وہی بے اساس کیسی ہے ؟

 

[شمشاد]

یہ فتنہ آدمی کی خانہ ویرانی کو کیا کم ہے
ہوئے تم دوست جس کے، دشمن اس کا آسماں کیوں ہو
(چچا)

 

[مہدی نقوی حجاز]

یہ ہم جو شعر سناتے ہیں کربلا والے
تو ان کو سننے کو آتے ہیں کربلا والے
عقیل عباس جعفری

 

[شیزان]

یہ فتنہ آدمی کی خانہ ویرانی کو کیا کم ہے
ہوئے تم دوست جس کے، دشمن اس کا آسماں کیوں ہو
(چچا)

وہ کہ تھی کاروبار ہستی میں
کچھ عجب بدحواس، کیسی ہے ؟

ہم تو ویراں ہوئے ہیں اس کے بغیر
کچھ کہو! وہ اداس کیسی ہے ؟

 

[شمشاد]

یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
(چچا)