بیت بازی سے لطف اٹھائیں (3)

[عمر سیف]

یہ عہد وہ ہے کہ میری وفا کے قصوں میں
تیری جفا کی حکایات بھی بیاں ہوں گی

 

[شمشاد]

​

یوں عرق جلوہ گر ہے اس مونہہ پر​

جس طرح اوس پھول پر دیکھو​

(میر تقی میر)​

 

[عمر سیف]

وہ میرا نام لیے جائے اور میں اُس کا نام
لہو میں گونج رہا ہے پیار کا موسم

 

[شمشاد]

​

میرے دل میں تو ہرزماں ہو تم​

چشمِ ظاہر سے کیوں نہاں ہو تم​

(میر مہدی مجروح)​

​

 

[محمد بلال اعظم]

میں وہاں ہوں جہاں جہاں تم ہو
تم کرو گے کہاں کہا ں سے گریز
(احمد فراز)

 

[شمشاد]

​

منفرد سا کوئی پیدا وہ فن چاہتی ہے
زندگی ایک نیا طرزِ سخن چاہتی ہے
(نوشی گیلانی)

 

[محمد بلال اعظم]

یہ عالم شوق کا دیکھا نہ جائے
وہ بت ہے یا خدا دیکھا نہ جائے
(احمد فراز)

 

[شمشاد]

​

یہ احتجاج کا لہجہ نہیں بغاوت ہے​

لکھے کو آگ لگا دی قلم کو توڑ دیا​

(منصور آفاق)​

 

[امین عاصم]

اپنی منزل پہ وہی لوگ سدا پہنچے ہیں
ہر کڑے وقت میں جو عزم جواں رکھتے ہیں
(امین عاصم)

 

[مہ جبین]

محترمہ مَہ جبیں صاحبہ
آپ کا دلی ممنون ہوں کہ آپ حزیں صدیقی مرحوم کا خوب صورت کلام یہاں پوسٹ کرتی ہیں، یوں حزیں صدیقی مرحوم کا پُر نور چہرہ میرے سامنے آ جاتا ہے۔۔ ایک بار اپنے استاذِ محترم نجم الاصغر شاہیا مرحوم کے ہمراہ حضرت حزیں صدیقی کے ساتھ ان کے گھر ملاقات کا شرف حاصل ہوا تھا۔ مرحوم اعلیٰ درجے کے شاعر ، بڑی مَحبت کرنے والے اور شفیق انسان تھے ۔ اللہ رب العزت مرحوم کی مغفرت فرمائے۔ آمین
قارئین سے معذرت کے ساتھ لکھ رہا ہوں۔ کیوں کہ یہ لڑی صرف شاعری کے لیے ہے۔
والسلام
امین عاصم

بہت نوازش ، حزیں صاحب کی شاعری پسند کرنے کا شکریہ امین بھائی

 

[مہ جبین]

نور خورشید کی محتاج ہےہستی میری
اور بے منت خورشید چمک ہے تیری
اقبال

 

[عمر سیف]

یہی نہیں کہ زمانے میں آشنا نہ ملا
ستم تو یہ ہے کہ وفاؤں کا بھی صلہ نہ ملا

 

[مہ جبین]

اس شان سے کھیلوں گی صنم پیار کی بازی
جیتوں تو تجھے پاؤں، ہاروں تو پیا تیری۔۔!

 

[عمر سیف]

اس شان سے کھیلوں گی صنم پیار کی بازی
جیتوں تو تجھے پاؤں، ہاروں تو پیا تیری۔۔!

یہ شعر غالبا کچھ یوں ہے

اس شرط پہ کھیلوں گی پیا پیار کی بازی
جیتوں تو تجھے پاؤں، ہاروں تو پیا تیری۔۔

 

[عمر سیف]

یہ مجھے چین کیوں نہیں پڑتا
ایک ہی شخص کا جہاں میں کیا

 

[شمشاد]

ضبط دوسرے مصرعے میں تھا کی جگہ کا لکھا ہے آپ نے۔
----------------------------------------------------------

اک عمر چاہیے کہ گوارا ہو نیش عشق
رکھی ہے آج ہی لذت زخم جگر کہاں
(حالی)

 

[امین عاصم]

نجانے کتنے فسانے تراش لے دنیا
تمھارا نام اگر انتساب میں لکھوں
(امین عاصم)

 

[شمشاد]

​

نسیم قدس کے جھونکے جدہر کو بڑھتے تھے​

چٹک کے غنچے دعائے خلیل پڑھتے ہیں!​

(روش صدیقی)​

 

[مہ جبین]

نہ گھبرا راہ کی تاریکیوں سے بزم گیتی میں
انہی تاریکیوں کی گود سے صبحیں جنم لیں گی

 

[شمشاد]

یا تو مٹ جائیے یا مٹا دیجئے
کیجئے جب بھی سودا کھرا کیجئے
(واجدہ تبسم)