بیت بازی سے لطف اٹھائیں (3)

[راجہ صاحب]

یہ نہ پوچھ کیسے بسر کئے شب و روز کتنے پہر جئے
کسے رات دن کی تمیز ہے کسے یاد اتنے حساب ہبں
نامعلوم

 

[فاروق درویش]

شمشاد

کچھ اضطراب کی آتش میں جل گئے زندہ
کچھ انتظار ِ قیامت میں شب گذار چلے
خاکسار درویش

برادرم شمشاد صاحب ! معذرت میں یے کی بجائے ک کا شعر کہہ گیا۔۔۔۔۔۔۔۔۔۔۔۔

 

[فاروق درویش]

ندیدے رہبر ہیں یا لٹیرے، خدا کی بستی کے چرخ و قاتل
وطن کے غدار ننگ ِ ملت، بدیس کے چگتے چوگ سائیں
خاکسار درویش

 

[شمشاد]

نہ حرم میں تمہارے یار پتہ نہ سراغ دیر میں ہے ملتا
کہاں جا کے میں جاؤں کدھر ، میرا چین گیا میری نیند گئی
(بہادر شاہ ظفر)

 

[متلاشی]

یا رب دلِ مسلم کو وہ زندہ تمنّا دے
جو قلب کو تڑپا دے ، جو روح کو گرما دے

 

[متلاشی]

یارانِ جہاں کہتے ہیں کشمیر ہے جنت
جنت کسی کافر کو ملی ہے نہ ملے گی

 

[شمشاد]

​

یہ اور بات کہ شیشہ تھا درمیاں منصور​

چراغ ہوتا ہے جیسے وہ جسم ایسا تھا​

منصور آفاق ​

 

[متلاشی]

احساس عمل کی چنگاری جس دل میں فروزاں ہوتی ہے
اس لب کا تبسم ہیرا ہے اس آنکھ کا آنسو موتی ہے
(مولانا حسین احمد مدنی )

 

[شمشاد]

​

یوں ہوا منصور کمرہ بھر گیا کرنوں کے ساتھ​

مجھ پہ سورج رات کو الٹے قدم نازل ہوا​

(منصور آفاق)​

 

[راجہ صاحب]

اُسکا چہرہ روُبرو ہے آجکل
آنکھ ہر پل با وضو ہے آجکل

 

[شمشاد]

لمحہ بھر کی رفاقت میں ہم لمس ہونے کی کوشش نہ کر
تیرے بستر کا ماضی ہے کیا میں نہیں، میں نہیں جانتا
(منصور آفاق)

 

[راجہ صاحب]

اے موت! اے بہشت سکوں! آ خوش آمدید
ہم زندگی میں پہلے پہل مسکرائے ہیں
خمار بارہ بنکوی

 

[شمشاد]

نبھانا اگر شوق سے آپ کو ہے
جفاؤں کا یہ سلسلہ رہنے دیجیے
(مومن خان شوق)

 

[راجہ صاحب]

یہ کون بتائے عدم آباد ھے کیسا
ٹوٹی ھوئ قبروں سے صدا تک نہین آتی
شکیب جلالی

 

[شمشاد]

یک ہمہ حُسنِ طلب، یک ہمہ جانِ نغمہ
تم جو بیداد نہیں ہم بھی تو فریاد نہیں
(میرا جی)

 

[راجہ صاحب]

نہ سوالِ وصل، نہ غرضِ غم، نہ حکایتیں نہ شکایتیں
ترے عہد میں دلِ زار کے سبھی اختیار چلے گئے

فیض احمد فیض

 

[شمشاد]

یہاں درد سے ہاتھ سینے پہ رکھا
وہاں ان کو گزرے گماں کیسے کیسے
(امیر مینائی)

 

[راجہ صاحب]

یارب! اس چاند کے ٹکڑے کو کہاں سے لاؤں
روشنی جس کی ہو ان تاروں بھری راتوں میں
نامعلوم

 

[شمشاد]

نئے سفر پے روانہ ہوا ہے از سرِ نو
جب آؤں گا تو میرا نام بھی نیا رکھنا
(ظفر اقبال)

 

[زبیر مرزا]

اب میرے بس میں نہیں ترک _ تکلم کرنا ​

لب ہوں خاموش تو میرے دیدہ تر بولتے ہیں​