تعارف بہت مختصر سا تعارف ہے میرا

[سیما علی]

جی جی وہی بے زبان معصوم ہیں۔ آپ انھیں جو بھی کہئیے ہم تو راجو اور انارکلی ہی کہیں گے۔

بٹیا ہمیں انار کلی بہت پسند آئی ہیں

 

[گُلِ یاسمیں]

یہ بہت بڑا اعزاز ہے بٹیا

اچھا۔۔۔ لیڈی تو ٹھیک ہے مگر تھوڑی کنفیوژن ہے
لیڈی ڈیانا کو لیڈی چارلس کیوں نہیں کہا گیا تھا؟

 

[گُلِ یاسمیں]

دریں چہ شک

یہاں تو سب محاذ بنائے بیٹھے ہیں۔

 

[زیک]

غیر وہ ہے جو غ -ی-ر والا ہے۔اور دیار مغربی ہے۔

آپ کا دیار کہاں ہے پھر؟

جی جی وہی بے زبان معصوم ہیں۔ آپ انھیں جو بھی کہئیے ہم تو راجو اور انارکلی ہی کہیں گے۔

یہ امریکی بندر دیار غیر میں کیا کر رہے ہیں؟

 

[سیما علی]

شکر ہے کسی نے تو ہماری عقل کو مانا۔

آپ نے دیکھا ہم نے آپکو دل کی آنکھ سے پہنچانا ہے

 

[گُلِ یاسمیں]

بٹیا ہمیں انار کلی بہت پسند آئی ہیں

اف خدایا۔۔۔۔۔۔۔۔۔۔۔۔۔۔۔ ایسے ڈائیلاگ تو اس وقت ڈراموں میں سننے کو ملتے ہیں جب کسی کو رشتہ کے لئے پسند کرنے ان کے ہاں جایا جائے۔
بس جملہ تھوڑا ادھورا رہ گیا آپ کا۔

 

[سیما علی]

یہاں تو سب محاذ بنائے بیٹھے ہیں۔

بٹیا یہ محاذ نہیں ہمارا پیار ہے

 

[محمد عبدالرؤوف]

یہ کوئی تمغہ ملا ہمیں یا ہماری کھنچائی ہوئی ہے؟

جی بالکل تمغہ ہی ہے

 

[گُلِ یاسمیں]

آپ کا دیار کہاں ہے پھر؟

عرفان سعید محترم کے ہمسائے میں۔

یہ امریکی بندر دیار غیر میں کیا کر رہے ہیں؟

ہم نے گود لئے ہیں

 

[ماہی احمد]

خوش آمدید خوش آمدید جیتی رہیے ڈھیروں دعائیں آپ کے لیئے اور بہت سا پیار
بس جی سمجھ لیجیے محفل کا نشہ ہوگیا اور یہ آپ کو یہیں کا کر لے گا اتنے پیارے پیارے لوگ ہیں شمشاد بھیا سید عاطف علی بھیا محمد خلیل الرحمٰن بھیآ ماہی احمد بٹیا نور وجدان بٹیا سید عمران اور محمد عدنان اکبری نقیبی بھیا اور بہت سارے ایسے اچھے اچھے پیارے لوگ آپ پر انکے جوہر کھلتے جائیں گے آپ دیکھتی رہیے گا
ارے جاسمن بٹیا کو تو ہم بھول گئیے!!!!

میرے جوہر کھلے تو مجھے واٹس ایپ پر بتائیے گا، تفصیلی کال میں پوچھوں گی

 

[عرفان سعید]

عرفان سعید محترم کے ہمسائے میں۔

سویڈن

 

[عرفان سعید]

اب تو ناروے کے ساتھ ساتھ سویڈن میں بھی ہمسائے ہیں

 

[گُلِ یاسمیں]

آپ نے دیکھا ہم نے آپکو دل کی آنکھ سے پہنچانا ہے

ہاں جی۔ آپ جوہری ہیں۔پہچان لیا آپ نے کوہِ نور۔

سرگوشی

کچھ زیادہ تو نہیں ہو گیا نا

 

[گُلِ یاسمیں]

بٹیا یہ محاذ نہیں ہمارا پیار ہے

خوش رہئیے ہمیشہ

 

[گُلِ یاسمیں]

اب تو ناروے کے ساتھ ساتھ سویڈن میں بھی ہمسائے ہیں

اس طرح تو آس پاس کے 40 ممالک میں اور بھی ہمسائے مل جائیں گے۔

 

[ماہی احمد]

بہت مختصر سا تعارف ہے میرا
نہ جوش جنوں ہوں نہ راز نہاں ہوں

کتابوں میں مجھ کو کہاں ڈھونڈتے ہو
میں چہرے پر لکھی ہوئی داستاں ہوں
​

نام تو بس شناخت کے لئے ہوتا ہے نا۔۔۔ اور ہماری شناخت گُلِ یاسمین ہے۔ صرف نام ہی پھولوں جیسا نہیں، قلم و زبان سے بھی پھول جھڑتے ہیں بقول ہمارے دادا جان۔ دادا جان کا تذکرہ اس لئے کر دیا کہ کہیں آپ ہمیں میاں مٹھو نہ سمجھ لیں۔
ہر طرح کے پھول سے لگاؤ ہے۔ اب چاہے وہ گلاب کے ہوں یا چنبیلی کے۔ میتھی کے ہوں یا مولی کے پودوں پر لگے جو بعد میں مونگروں کی صورت کھانے کو ملیں۔ کیا ہے نا کہ ہمیں قدرت کی صناعی دیکھنے کو ملتی ہے اس کی ہر تخلیق میں۔ اور بے اختیار واہ سبحان اللہ زبان پر رہتا ہے۔ چونکہ طبیعت میں یکسانی بیزاری کا باعث بنتی ہے تو ہم نے اس طرح کے حالات سے بچنے کے لئے تھوڑے تھوڑے عرصہ کے وقفہ سے نئے نئے شوق پالنے کی ٹھانی ہوئی ہے۔ ہر گز مت سمجھئے گا کہ نئے کام میں لگے تو پُرانا چھوڑ دیا۔ سارا قافلہ ساتھ لے کر چل رہے ہیں ۔ ذرا فرصت ملی تو اندازہ لگائیے گا کہ اب تک ہمارے قافلے میں کیا کچھ شامل ہے۔ پھول پودے ہیں تو جاندار مگر متحرک نہیں ہیں نا۔۔۔ تو اب ہم نے اپنے شوق کا تھوڑا رُخ بدلا اور دو بندر گود لے لئے۔ یقین کیجئے کہ بہت سی انسانی حرکات دریافت کر چُکے ہیں ہم ان میں۔ جیسا کہ جو بندر ہے وہ تھوڑا غصیلا ہے اور موقع پاتے ہی بندریا کو تھپڑ لگا دیتا ہے۔ بندریا جب اپنا کھانا کھا چکتی ہے تو بندر کا کھانا چھین کر کھانے لگتی ہے۔ایسا بہت کچھ مشاہدے میں آ رہا ہے کہ دل بہل سا گیا ہے۔
معذرت کہ ہم نے اپنا تعارف کروانا تھا مگر بندروں کا کروانے میں لگ گئے۔ دراصل وہ ہماری زندگی اور گفتگو کا ایک اٹوٹ حصہ بن چکے ہیں۔ بالکل ایسے ہی جیسے کوئی ماں بات بات میں اپنے بچوں کا ذکر لے آتی ہے۔
دیارِ غیر میں رہائش پذیر ہونے کی وجہ سے ہماری اردو میں روانی نہیں ہے۔ اوپر سے شعر و شاعری سے بھی دلچسپی ہے۔ تو یہ ایک پلیٹ فارم نظر آیا جہاں یہ سب خزانے وافر مقدار میں موجود ہیں۔ سوچا کیوں نہ استفادہ حاصل کیا جائے اور علم کے موتی جھولی بھر بھر حاصل کئے جائیں۔ بس جھٹ سے نام اندراج کروایا اور یہیں کے ہو گئے۔ بہت اچھے اچھے لوگ پائے جاتے ہیں یہاں جن سے تعارف تو نہیں ہے لیکن دل میں گھنٹی سی بجتی ہے کہ گُلِ یاسمین۔۔۔ یہ سب تمہارے جیسے ہیں ۔ یہیں بس جاؤ۔
چونکہ کافی حد تک خاموش طبع واقع ہوئے ہیں اس لئے زیادہ نہیں بولیں گے۔ بس اس مختصر تعارف کو ہی تفصیلی سمجھ لیجئے گا۔

​

جی آیاں نوں
آپ آئیں اور واقعی بہار آئی (اسلام آباد میں بہار کا موسم ہے نا)
آپ نے اپنے تعارف میں چائے اور چائے کے مگ کا ذکر نہیں کیا۔۔۔چلیں کوئی بات نہیں ہم بتائے دیتے ہیں سب کو
آپ اور سیما آنی ہماری چائے buddies ہیں آج سے بولیے منظور؟؟؟

 

[زیک]

اب تو ناروے کے ساتھ ساتھ سویڈن میں بھی ہمسائے ہیں

ایسٹونیا اور روس کا بھی کچھ کریں

 

[عرفان سعید]

اس طرح تو آس پاس کے 40 ممالک میں اور بھی ہمسائے مل جائیں گے۔

میری مراد ان ممالک سے ہے جن کی سرحدیں فن لینڈ سے مل رہی ہیں۔

 

[عرفان سعید]

ایسٹونیا اور روس کا بھی کچھ کریں

ویسے تو میرے ساتھ والے گھر کی خاتون ایسٹونیا سے ہے اور دفتر میں دو روس کے رفیقِ کار ہیں۔

 

[گُلِ یاسمیں]

میری مراد ان ممالک سے ہے جن کی سرحدیں فن لینڈ سے مل رہی ہیں۔

ٹھیک ہے۔ سمجھ گئے۔