1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

پندرہویں سالگرہ بلاوجہ۔۔۔۔۔

نیرنگ خیال نے 'محفل کی سالگرہ' کی ذیل میں اس موضوع کا آغاز کیا، ‏جولائی 1, 2020

  1. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    اگر میں گذشتہ دہائی پر نظر کروں تو مجھے بہت کچھ بلاوجہ نظر آتا ہے۔مثال لیجیے کہ میں ٹوئٹر پر کیوں ہوں؟ یا پھر میں فیس بک پر گھنٹوں کیا کرتا رہتا ہوں؟ یہ انسٹاگرام کیا بلا ہے؟ اور چلویہ تو مان لیا کہ لوگ ٹک ٹاک ویڈیوز بناتے ہیں، لیکن یہ دیکھتا کون ہے؟ ان سب باتوں کا ایک ہی جواب ہے۔ "بلاوجہ"۔ یہ بلاوجہ ہماری ۔۔۔ اوہ اچھا معذرت ۔۔۔ میری زندگی میں کچھ یوں سرایت کر گیا ہے کہ میں اب وجہ گنوا بیٹھا ہوں۔ اسکول و کالج کے زمانے میں جب کوئی مجھ سے پوچھتا تھا کہ یہ کتاب کیوں پڑھ رہے ہو؟ یہ کام کیوں کر رہے ہو؟ تو میرے پاس وجہ ہوتی تھی ۔ اور مجال ہے جو میں کبھی جواب دینے میں چوکا ہوں ۔ اُدھر کسی نے بات کی، اِدھر میں نے ٹھک سے جواب دھرا۔ لیکن اس بلاوجہ کی دہائی نے مجھ سے ساری وجوہات چھین لی ہیں۔

    ہمارے گھر میں ایک پنگوڑا ہوتا تھا ، جیسے آجکل فینسی قسم کے پنگوڑے آتے ہیں، جن میں بیٹھ کر لڑکیاں اپنی کتاب پڑھتے کی تصویر لگاتی ہیں، یا لڑکے شیو بڑھائے ، الجھے بال لیے، ہاتھ میں سگریٹ لگا کر بارش کو دیکھتے ہوئے ایک اداس شعر کے ساتھ جلوہ افروز نظر آتے ہیں، ویسا بالکل بھی نہیں۔ بلکہ لوہے ایک مضبوط بڑا سا پنگوڑا،جس میں بھلے چار پانچ لوگ بیٹھ جائیں۔ میرا بچپن اس کو جھولتے گزرا ہے۔ خیر تو میں بتا رہا تھا کہ سردیاں ہوں یا گرمیاں، میں اس پنگوڑے میں بیٹھاجھولتا رہتا تھا۔سردیوں کی رات میں بھی باہر صحن میں رکھے پنگوڑے پر جھول رہا تھا کہ کسی نے کہا۔ اتنی سردی میں کیا کررہے ہو؟ میں نے کہا! جھولا جھول رہا ہوں۔ غور فرمائیے! میرے پاس وجہ ہے۔ جواب ہے۔ آج اگر مجھے کوئی پوچھے کہ بھائی! یہ جھولا کیوں جھول رہے ہو! تو میرا جواب کیا ہوگا؟ ہاں! بالکل یہی۔۔۔۔ بلاوجہ!

    کوئی دور تھا کہ میں بےمقصد یعنی بلاوجہ ملاقاتوں کا بہت بڑا علمبردار تھا۔ میرا یہ ماننا تھا بلکہ ابھی بھی یہی ماننا ہے کہ جو ملاقات عزیزوں اور دوستوں کے ساتھ بلاوجہ کی جائے ، وہی اصل ملاقات ہوتی ہے اور انسان کی نکاسی کا بندوبست بھی ایسی ہی ملاقاتیں ہوتی ہیں۔ لیکن " سماجی فاصلوں" کے اس دور میں ان جدید "سماجی اوزاروں" نے نامعلوم وجوہات کے لیے معلوم وجوہات کی پردہ پوشی فرما دی ہے۔

    اب لوٹتے ہیں میری پہلی سطور کی طرف، جہاں میں نے "سماجی رابطوں کے معاصر اوزاروں" کا ذکر خیر کیا ہے لیکن اس میں اردو محفل کو شامل نہیں کیا۔ کیوں کہ میں اردو محفل پر بلاوجہ نہیں ہوں۔ اس پلیٹ فارم سے جتنی بھی محبت ملی اور جو کچھ بھی سیکھنے کو ملا وہ الگ داستاں کا متقاضی ہے۔ سردست میں اردو محفل کی سالگرہ والے دن محفل کے بانیوں اور منتظمین کو ایک بلاوجہ کی مبارکباد پیش کرنا چاہتا ہوں۔

    اردو محفل! یوں ہی بلاوجہ سالگرہ مبارک۔۔۔۔۔

    اور آپ سب لوگوں کا بھی شکریہ جو عنوان میں بلاوجہ دیکھ کر بھی پڑھنے چلے آئے۔
     
    • پسندیدہ پسندیدہ × 12
    • زبردست زبردست × 11
    • دوستانہ دوستانہ × 2
  2. ام اویس

    ام اویس محفلین

    مراسلے:
    1,915
    جھنڈا:
    Pakistan
    موڈ:
    Relaxed
    وعلیکم السلام
    جو شخص بلا وجہ اتنا کچھ لکھ سکتا ہے وہ وجہیں بھی تلاش کر سکتا ہے اور ان پر عمل بھی کر سکتا ہے؛ بلکہ ہمیں یقین ہے کرتا ہو گا بس یہ ہمیں بلاوجہ الجھانے کی کوشش ہے اور وہ بھی “اردو محفل” کی پندرہویں سالگرہ میں ۔۔۔ زور کس پر ہے “میں “

    میں نا مانوں !
    کہ
    یہ سب بلاوجہ ہے
     
    • پسندیدہ پسندیدہ × 5
    • دوستانہ دوستانہ × 1
  3. محمد وارث

    محمد وارث لائبریرین

    مراسلے:
    26,162
    جھنڈا:
    Pakistan
    موڈ:
    Depressed
    یہ بھی خوب ہے ذوالقرنین صاحب کہ آپ کی وجہ "بلا" ہے، میرے خیال میں تو "بلی" ہونا چاہیئے تھا۔ :)
     
    • پر مزاح پر مزاح × 9
    • پسندیدہ پسندیدہ × 1
    • دوستانہ دوستانہ × 1
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,554
    جھنڈا:
    Pakistan
    موڈ:
    Cheerful
    بہت عمدہ نین بھیا۔
    بلاوجہ آپ نے اتنی عمدہ اور شاندار تحریر پیش کی ۔اب کوچہ الکساں کے بانی کو بلاوجہ اتنی عرق ریزی کرنی پڑی۔
     
    • پر مزاح پر مزاح × 3
    • دوستانہ دوستانہ × 2
  5. عبدالقیوم چوہدری

    عبدالقیوم چوہدری محفلین

    مراسلے:
    18,089
    جھنڈا:
    Pakistan
    موڈ:
    Relaxed
    گھنٹہ بھر پہلے تحریر کو پڑھتے کچھ اس سے ملتے جلتے خیالات در آئے تھے لیکن انھیں پہلا کمنٹ بنانا مناسب نہیں لگ رہا تھا۔
     
    • زبردست زبردست × 2
    • پسندیدہ پسندیدہ × 1
    • پر مزاح پر مزاح × 1
  6. عبدالقیوم چوہدری

    عبدالقیوم چوہدری محفلین

    مراسلے:
    18,089
    جھنڈا:
    Pakistan
    موڈ:
    Relaxed
    یہ آپ تعریف ہی کر رہے ہیں نا!
     
    • پر مزاح پر مزاح × 5
    • پسندیدہ پسندیدہ × 1
  7. الف نظامی

    الف نظامی لائبریرین

    مراسلے:
    15,741
    جھنڈا:
    Pakistan
    موڈ:
    Amused
    جو ملاقات عزیزوں اور دوستوں کے ساتھ بلاوجہ کی جائے ، وہی اصل ملاقات ہوتی ہے
    (نیرنگ خیال)
     
    • متفق متفق × 2
    • زبردست زبردست × 1
    • دوستانہ دوستانہ × 1
  8. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,554
    جھنڈا:
    Pakistan
    موڈ:
    Cheerful
    نا کریں چوہدری جی۔
    کیوں سالگرہ کے موقع پر ہماری عزت افزائی کروانا چاہ رہے ہیں۔
     
    • پر مزاح پر مزاح × 4
  9. عبدالقیوم چوہدری

    عبدالقیوم چوہدری محفلین

    مراسلے:
    18,089
    جھنڈا:
    Pakistan
    موڈ:
    Relaxed
    آپ نا ڈریں جی، سالگرہ نام ہی ہلے گلے شور شرابے کا ہوتا ہے۔ گھنگنیاں ڈال کر بیٹھے اور پڑھتے رہنے سے کیا خاک پتا لگے گا کہ سالگرہ چل رہی ہے۔
     
    • پر مزاح پر مزاح × 5
  10. محمد عدنان اکبری نقیبی

    محمد عدنان اکبری نقیبی محفلین

    مراسلے:
    18,554
    جھنڈا:
    Pakistan
    موڈ:
    Cheerful
    اچھا پھر ٹھیک ہے۔
     
    • دوستانہ دوستانہ × 2
  11. محمد تابش صدیقی

    محمد تابش صدیقی منتظم

    مراسلے:
    25,209
    جھنڈا:
    Pakistan
    موڈ:
    Breezy
    انسان کا کوئی کام بلاوجہ نہیں ہوتا۔ وجہ درست یا غلط ضرور ہو سکتی ہے۔ میری وجہ یہ ہے۔
    [​IMG]

    آپ کو بھی مبارک ہو۔
    با وجہ یا بلا وجہ آتے رہا کریں۔
     
    • پسندیدہ پسندیدہ × 4
    • دوستانہ دوستانہ × 2
  12. عباس اعوان

    عباس اعوان محفلین

    مراسلے:
    2,381
    جھنڈا:
    Germany
    موڈ:
    Cool
    وجہ کو ، بلا میں کس قدر خوبصورتی سے ڈھال دیا آپ نے مرشد۔
    شاندار تحریر۔
     
    • پسندیدہ پسندیدہ × 1
    • زبردست زبردست × 1
    • دوستانہ دوستانہ × 1
  13. لاريب اخلاص

    لاريب اخلاص محفلین

    مراسلے:
    15,435
    بلاوجہ ہی سہی تحریر اچھی ہے۔
     
    • دوستانہ دوستانہ × 2
    • پسندیدہ پسندیدہ × 1
  14. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    ارے یہ کیسے الزامات لگ گئے ہم پر۔۔۔ کم از کم عمل والی سطر تو حذف کریں۔ کسی نے سن لیا تو بنی بنائی کاہلی دھری رہ جائے گی۔
     
    • پسندیدہ پسندیدہ × 1
    • متفق متفق × 1
  15. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    وہ انگریز کہتے ہیں نا۔۔۔ "Hi Guys" تو یہ "بلا" بھی صنفی تخصیص سے بالاتر ہیں۔ ایسے ذرا سہولت رہتی ہے۔ ;)
     
    • پر مزاح پر مزاح × 4
  16. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    عدنان بھائی ! بس عدنان بھائی! بہت مشکل تھا لیکن لیٹے لیٹے ہی لکھ ہوگیا۔
    شکریہ :bighug:
     
    • دوستانہ دوستانہ × 1
  17. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    اب اگر خیالات نہیں بدلے تو وقت ماپنے کی اصطلاح ہی بدل لیتے۔۔۔
     
    • دوستانہ دوستانہ × 1
  18. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    شکریہ نظامی بھائی۔۔۔
     
    • دوستانہ دوستانہ × 1
  19. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    ارے آپ کاہے کو ڈر رہے ہیں۔ چوہدری صاحب اکسائیں بھی تو آپ نے نہیں "اکسنا"
     
    • پر مزاح پر مزاح × 4
  20. نیرنگ خیال

    نیرنگ خیال لائبریرین

    مراسلے:
    17,999
    جھنڈا:
    Pakistan
    موڈ:
    Dunce
    ہمسائے فورم کی طرف سے شکایت نہ آجائے کہ آواز کم کرو۔۔۔ ;)
     
    • پر مزاح پر مزاح × 5

اس صفحے کی تشہیر