1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

بغرض اصلاح: شاعروں کے حوالے سے ایک کلام ( پہلا کلام)

اَرفَق پورن پوری نے 'اِصلاحِ سخن' کی ذیل میں اس موضوع کا آغاز کیا، ‏اپریل 8, 2020

  1. اَرفَق پورن پوری

    اَرفَق پورن پوری محفلین

    مراسلے:
    92
    جھنڈا:
    India
    موڈ:
    Amused
    شاعری کے مدیر ہیں ہم لوگ
    وارث درد و میر ہیں ہم لوگ

    بات کرتے ہیں ہم محبت کی
    اس لیے دل پذیر ہیں ہم لوگ

    خوب لکھتے ہیں دہر کے نوحے
    میر انیس و دبیر ہیں ہم لوگ

    بانٹتے ہیں دعائیں دنیا کو
    دیکھنے میں فقیر ہیں ہم لوگ

    مٹ نہ پائیں گے رہتی دنیا تک
    پتھروں کی لکیر ہیں ہم لوگ

    کچھ نہ کہنا بجز صداقت کے
    دیکھ! روشن ضمیر ہیں ہم لوگ

    مسترد کرتے ہیں تنفر کو
    عاشقی کے سفیر ہیں ہم لوگ

    کیسے ارفق کوئی مقابل ہو؟
    سن عدیم النظیر ہیں ہم لوگ
     
    • پسندیدہ پسندیدہ × 1
  2. الف عین

    الف عین لائبریرین

    مراسلے:
    36,447
    جھنڈا:
    India
    موڈ:
    Psychedelic
    اچھی غزل ہے ماشاء اللہ، بحر و اوزان نک سک سے درست، بس
    بس یہ دو اشعار
    کچھ نہ کہنا بجز صداقت کے
    دیکھ! روشن ضمیر ہیں ہم لوگ
    .. دیکھ... کچھ بھرتی کا نہیں؟ یوں بھی پہلے مصرع کا 'کہنا' سے صیغہ 'تم' کا لگتا ہے

    مسترد کرتے ہیں تنفر کو
    عاشقی کے سفیر ہیں ہم لوگ
    .... کرتے کی ے کا اسقاط اچھا نہیں لگ رہا
    مسترد کر دیا.... کہیں تو؟
     
  3. اَرفَق پورن پوری

    اَرفَق پورن پوری محفلین

    مراسلے:
    92
    جھنڈا:
    India
    موڈ:
    Amused
    دوبارہ سینڈ کر رہا ہوں حضور!۔۔۔۔۔۔۔نظر ثانی ،براہ مہربانی

    شاعری کے مدیر ہیں ہم لوگ
    وارث درد و میر ہیں ہم لوگ

    بات کرتے ہیں ہم محبت کی
    اس لیے دل پذیر ہیں ہم لوگ

    خوب لکھتے ہیں دہر کے نوحے
    میر انیس و دبیر ہیں ہم لوگ

    بانٹتے ہیں دعائیں دنیا کو
    دیکھنے میں فقیر ہیں ہم لوگ

    مٹ نہ پائیں گے رہتی دنیا تک
    پتھروں کی لکیر ہیں ہم لوگ

    مسترد کر دیا تنفر کو
    عاشقی کے سفیر ہیں ہم لوگ

    کیسے ارفق کوئی مقابل ہو؟
    سن عدیم النظیر ہیں ہم لوگ
     
  4. الف عین

    الف عین لائبریرین

    مراسلے:
    36,447
    جھنڈا:
    India
    موڈ:
    Psychedelic
    مقطع پر پہلے غور نہیں کیا تھا شاید، 'سن' بھی بھرتی کا ہے۔ اس کی جگہ 'کیا عدیم النظیر...' کر دیا جائے
     

اس صفحے کی تشہیر