پندرہویں سالگرہ برصغیر کی معدوم ہوتی اشیاء

[ظہیراحمدظہیر]

ایک ٹھلیا بھی ہوتا ہے چھوٹا مٹکا

بالکل ٹھیک یاد دلایا ۔ ٹھِلیا: چھوٹی مٹکی

 

[سید عاطف علی]

اب تو دونوں ہی سننے میں نہیں آتے لیکن خاص طور پہ ڈورے ڈالنا تو ان معنوں میں شاید بالکل ہی ختم ہو چکا ہے۔

اگر رضائی کا ذکر ہو تو ڈورے ڈالنا برملا استعمال کیا جاسکتا ہے ۔

 

[جاسمن]

کھیس۔
ان کے کناروں کو بٹا بھی جاتا ہے جسے بٹنا کہتے ہیں۔
کھیس بہت سے رنگوں اور ڈیزائنوں کے بھی ہوتے ہیں۔ بڑے اور چھوٹے کھیس دونوں سائز کے۔ نیز پہلے یہ کھیس گھروں میں کھڈیوں پہ بنے جاتے تھے۔ اب تو گاؤں دیہاتوں میں بھی یہ کام ختم ہوا اور مشینوں پہ بنتے ہیں۔

 

[ظہیراحمدظہیر]

میں نے ٹھلیا ہمارے ہاں کبھی استعمال ہوتا نہیں سنا محض پڑھا ہی پڑھا ۔
البتہ ایک چھوٹا مٹکا ہمارے ہاں "بدنا" کہلاتا تھا ۔

بَدنا یا بَدنی مٹی کے اس چھوٹے سے لوٹے نما برتن کو کہا جاتا تھا جو عام طور پر مسجد کے استنجا خانے میں طہارت کے لئے استعمال کیا جاتاتھا ۔

 

[سید عاطف علی]

یہ عمل عام سوئی سے کچھ بڑی سوئی سے کیا جاتا ہے جسے ہم ''کھندوئی" کہتے ہیں۔

بھئی ہمارے ہاں تو سوئی جب بڑی ہوتی ہے تو جنس تبدیل کر کے سؤا بن جاتی ہے۔

 

[الف نظامی]

حویجہ یا ھاویجا حقے کا وہ برتن ہوتا ہے جس میں پانی ڈالا جاتا۔ تمباکو، کوئلہ، اُپلے رکھنے والا ٹوپی کہلاتا ہے۔ لیکن شاید آپ کے علاقے میں اس کا نام ھاویجہ ہی ہو۔

چوہدری صاحب میرا خیال اے تسی صحیح کہندے او، مینوں بھلیکا ہویا۔

 

[عبدالقیوم چوہدری]

یہ تو آپ بتائیے ۔ میں تو تیس برس سے دور ہوں وطن سے ۔

اب بھی اسے ٹفن ہی بولتے ہیں۔ البتہ کچھ لوگوں کو اسے لنچ بکس بھی کہتے سنا ہے۔

 

[ظہیراحمدظہیر]

بھئی ہمارے ہاں تو سوئی جب بڑی ہوتی ہے تو جنس تبدیل کر کے سؤا بن جاتی ہے۔

موٹے سوئے سے عام طور پر پٹ سن کی بوریاں سُتلی سے سی کر بند کی جاتی تھیں ۔ سُتلی اور بوری تو یقیناً اب بھی موجود ہیں ۔

 

[سید عاطف علی]

بَدنا یا بَدنی مٹی کے اس چھوٹے سے لوٹے نما برتن کو کہا جاتا تھا جو عام طور پر مسجد کے استنجا خانے میں طہارت کے لئے استعمال کیا جاتاتھا ۔

ہم تو ایک چھوٹے قد کے مٹکے کو کہتے تھے ۔ جو گول شکل کا نہیں بلکہ ایک خاص شکل کا ہوتا تھا ۔فاتحہ خوانی اور برسیوں وغیرہ میں یہ کورے برتن لائے جاتے تھے ۔

 

[الف نظامی]

ٹُھوٹھیاں کس کو کہتے ہیں؟

 

[جاسمن]

میں نے فیصل آباد سے دہری ہونے والی (فولڈنگ) چارپائیاں منگوائی ہیں۔

یہ جگہ کم گھیرتی ہیں اور سٹور میں آرام سے رکھی جا سکتی ہیں۔
لیکن مجھے ذاتی طور پہ بان کی کھری چارپائیاں پسند ہیں۔ بارش کے بعد بان کی وہ خاص خوشبو مجھے بہت پسند ہے۔ اور بارش کے بعد گیلی چارپائی پہ سونا۔ بچپن میں ہم کیسے آرام سے سو جایا کرتے تھے۔ اب تو بچوں کے ساتھ ہم بھی آرام پسند، سہولت پسند ہوتے جا رہے ہیں۔

 

[عبدالقیوم چوہدری]

بھئی ہمارے ہاں تو سوئی جب بڑی ہوتی ہے تو جنس تبدیل کر کے سؤا بن جاتی ہے۔

سؤا بار دانے کو مرمت یا منہ بند کرنے کے لیے استعمال ہوتا ہے۔

 

[ظہیراحمدظہیر]

تصویر آنا بند ہوگئی ہے ۔ تصویر نہیں آرہی ہے

 

[سید عاطف علی]

موٹے سوئے سے عام طور پر پٹ سن کی بوریاں سُتلی سے سی کر بند کی جاتی تھیں ۔ سُتلی اور بوری تو یقیناً اب بھی موجود ہیں ۔

ستلی والا سؤ ا تو خیر بہت ہی بڑا اور موٹا ہوتا تھا تقریبا چار پانچ ایم ایم کا قطر ہوتا تھا اس کا ۔ جبکہ سوئی کو سؤا بننے کے لیے بس ذرا دگنی چوگنی جسامت درکار ہوتی تھی ۔

 

[جاسمن]

نگندنا لفظ صرف بھری ہوئی رضائی کے لیے ہی استعمال ہوتے سنا ہے۔ یہ عمل عام سوئی سے کچھ بڑی سوئی سے کیا جاتا ہے جسے ہم ''کھندوئی" کہتے ہیں۔

ہمارے سسرال میں گھندھوئی سنا ہے میں نے۔ جگہ بدلنے سے تلفظ بھی بدل جاتا ہے۔

 

[ظہیراحمدظہیر]

سؤا بار دانے کو مرمت یا منہ بند کرنے کے لیے استعمال ہوتا ہے۔

کیا اچھا لفظ یاد دلایا ۔ باردانہ پٹ سن کی بوریوں کو کہتے ہیں ۔

 

[الف نظامی]

ترکڑی کی جگہ الیکڑانک ترازو نے لے لی۔

 

[عبدالقیوم چوہدری]

ٹُھوٹھیاں کس کو کہتے ہیں؟

کتنے نمبر کا سوال ہے؟

 

[الف نظامی]

کتنے نمبر کا سوال ہے؟

سو نمبر دا

 

[سید عاطف علی]

ٹُھوٹھیاں کس کو کہتے ہیں؟

مٹی کی چھوٹی پلیٹیں جو قدرے گہری ہوتی ہیں ۔