1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $450
    $368.00
    اعلان ختم کریں
  2. اردو محفل سالگرہ سیزدہم

    اردو محفل کی یوم تاسیس کی تیرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں
  3. دو ملین پیغامات کا کاؤنٹ ڈاؤن

    اردو محفل فورم پر دو ملین پیغامات مکمل ہونے میں صرف 4000 پیغامات باقی رہ گئے ہیں۔ مزید تفصیل ملاحظہ فرمائیے۔

    اعلان ختم کریں

برائے اصلاح

عابد علی خاکسار نے 'اِصلاحِ سخن' کی ذیل میں اس موضوع کا آغاز کیا، ‏فروری 11, 2018

  1. عابد علی خاکسار

    عابد علی خاکسار محفلین

    مراسلے:
    273
    محترم استاد الف عین صاحب
    امجد علی راجا صاحب
    ریحان قریشی صاحب

    بپا دل میں قیامت آج بھی ہے
    مجھے تم سے محبت آج بھی ہے

    کہو ان سے چھپا لیں حسن اپنا
    مجھے جلنے کی عادت آج بھی ہے

    خرد والے بنے رسموں کے قیدی
    دیوانوں میں بغاوت آج بھی ہے

    نظر اپنی نہیں ہے اب وگرنہ
    گلوں میں تو لطافت آج بھی ہے


    میں کیسے مانگوں بارش کی دعائیں
    گھر اپنا خستہ حالت آج بھی ہے

    کہا سچ تو کہے گا یہ زمانہ
    ارے تجھ میں صداقت آج بھی ہے

    گلے دشمن ملے سارے مگر ہائے
    انھیں ہم سے عداوت آج بھی ہے

    مرے دل میں محبت ہے مگر ہاں
    مجھے نفرت سے نفرت آج بھی ہے
     
    • پسندیدہ پسندیدہ × 1
  2. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    بپا دل میں قیامت آج بھی ہے
    مجھے تم سے محبت آج بھی ہے
    بپی دل میں قیامت درست ہوگا۔
    دوسرے مصرعہ میں محبت کے جاری ہونے کا اعلان ہے تو پہلے مصرعہ میں محبت کے مقابل قافیہ ہونا چاہیئے مثلاً

    انہیں مجھ سے عداوت آج بھی ہے
    مجھے ان سے محبت آج بھی ہے

    یا محبت سے منسلک قافیہ ہونا چاہیئے مثلاً
    تجھے پانے کی حسرت آج بھی ہے
    مجھے تم سے محبت آج بھی ہے

    (خیال رہے کہ میں نے اپنی بات کی وضاحت میں مثال کے طور پر مصرعہ کہا ہے، اسے اصلاح نہ سمجھیئے گا کہ دونوں صورتوں میں شعر کمزور ہی ہے۔ مطلع تبدیلی کرنے کی کوشش کریں)

    کہو ان سے چھپا لیں حسن اپنا
    مجھے جلنے کی عادت آج بھی ہے
    "جلنے" سے حسد محسوس ہو رہا ہے، بہکنے کی بات ہوتی تو الگ بات تھی۔ کمزور شعر ہے دوبارہ کوشش کریں۔

    خرد والے بنے رسموں کے قیدی
    دیوانوں میں بغاوت آج بھی ہے
    "دیوانے" بحر میں نہیں آ رہا، "دوانے" کیا جا سکتا ہے کہ بہت سے شعرا نے کیا ہے لیکن مناسب نہیں۔ "بغاوت" بہت زوردار قافیہ ہے، کوئی اور خیال کیوں نہیں لے کر آتے؟

    نظر اپنی نہیں ہے اب وگرنہ
    گلوں میں تو لطافت آج بھی ہے
    "تو" کے حوالے سے استادِ محترم الف عین گزشتہ غزل کی اصلاح میں تفصیل سے بیان کر چکے ہیں۔
    خیال اچھا ہے لیکن ابلاغ کی کمی ہے۔ آپ جو بات کہنا چاہ رہے ہیں اس کے بیان کے لئے مزید کوئی بہتر شکل تلاش کریں۔
    اسرار ایوب صاحب کا ایک شعر یاد آگیا

    روز سورج تو ضیا بانٹنے آتا ہے مگر
    جن کی بینائی نہ ہو ان کی سحر کیسے ہو


    میں کیسے مانگوں بارش کی دعائیں
    گھر اپنا خستہ حالت آج بھی ہے
    دعا مانگوں میں بارش کی تو کیسے

    کہا سچ تو کہے گا یہ زمانہ
    ارے تجھ میں صداقت آج بھی ہے
    زمانے کو شاعر کی صداقت پر یقین نہیں تھا جو اتنی حیرت کا اظہار ہو رہا ہے؟

    گلے دشمن ملے سارے مگر ہائے
    انھیں ہم سے عداوت آج بھی ہے
    دشمن کا گلے ملنا منافقت بھی تو ہو سکتی ہے۔ کوئی اور خیال لے کر آئیں پلیز۔

    مرے دل میں محبت ہے مگر ہاں
    مجھے نفرت سے نفرت آج بھی ہے

    دوسرا مصرعہ خوب ہے، پہلا مصرعہ تبدیلی کا متقاضی ہے۔
     
    • پسندیدہ پسندیدہ × 1
    • متفق متفق × 1
  3. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    عابد بھیا، بہت اچھی غزل بنے گی انشاءاللہ، دل چھوٹا کرنے کی ضرورت نہیں، مزید کوشش کریں۔ غزل پر جتنی محنت کی جائے اتنا ہی نکھار آتا ہے۔
     
    • پسندیدہ پسندیدہ × 2
    • متفق متفق × 1
  4. ظہیراحمدظہیر

    ظہیراحمدظہیر محفلین

    مراسلے:
    2,061
    جھنڈا:
    Pakistan
    موڈ:
    Busy
    امجد علی راجا بھائی یہ بات سمجھ میں نہیں آئی ۔ بپی تو کوئی لفظ نہیں ہے ۔ خواہ مذکر ہو یا مؤنث دونوں کے لئے بپا کا لفظ استعمال ہوتا ہے ۔
    مجھےلگتا ہے کہ سنجیدہ گفتگو کے لبادے میں آپ نے یہ کوئی پھلجڑی مخفی رکھ دی ہے ۔ :):):)
     
    • پسندیدہ پسندیدہ × 3
  5. عابد علی خاکسار

    عابد علی خاکسار محفلین

    مراسلے:
    273
    بہت شکریہ توجہ کا ۔۔ عرض ہے اگر ہر شارٹ کھلاڑی کی مرضی کی لگے تو ہر بال پہ چوکا یا چھکا ہو۔۔ اسی طرح شاعر بھی کوشش کرتا ہے کہ پوری طرح دل کی سامنے رکھے مگر بعض جگہ کامیاب ہوتا بعض جگہ نہیں ۔۔
     
    • متفق متفق × 1
  6. الف عین

    الف عین لائبریرین

    مراسلے:
    31,128
    جھنڈا:
    India
    موڈ:
    Psychedelic
    بپی تو واقعی امجد میاں نے غلط اصلاح کی ہے، بپا تو درست ہے لیکن مطلع دو لخت محسوس ہوتا ہے۔
    آخری تینوں اشعار میں تو قبول کر لیتا ہوں۔ ہاں ’ارے‘ کا استعمال نہ ہو تو بہتر ہے۔ کچھ اور لفظ استعمال کریں۔ یہ بڑا عامیانہ لفظ ہے۔
     
    • پسندیدہ پسندیدہ × 1
  7. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    پھلجڑی نہیں ظہیر بھیا، کم علمی کہیں تو درست ہوگا۔ چونکہ مطلع کے متعلق میری رائے کچھ اور ہی تھی جس کی وضاحت بھی کر دی تھی، ساری توجہ اسی طرف تھی اس لئے بپی کے درست ہونے یا ہونے کی طرف توجہ ہی نہیں گئی۔ چلیں اس بہانے میرے علم میں اضافہ ہو گیا۔
    ظالم سماج، کوئی نیا لفظ بھی نہ ایجاد کرنے دینا
     
    • پسندیدہ پسندیدہ × 2
  8. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    اور کبھی کبھی چوکا چھکا لگانے کے چکر میں آئوٹ بھی ہو جاتا ہے۔
    میری طرح o_O
     
    • پر مزاح پر مزاح × 2
  9. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    معذرت استادِ محترم۔ اپنے طور پر کوشش تو کی تھی کہ اصلاح میں کوئی کمی نہ رہ جائے لیکن۔۔۔ :(
    جس کھلے دل سے میں نے اپنی غلطی تسلیم کی ہے اسی کھلے دل سے مجھے اصلاح کی ذمہ داری سے اب دستبردار ہو جانا چاہیئے۔ یہ ذمہ داری خلوص سے زیادہ علم کی متقاضی ہے۔
    مجھے افسوس ہے کہ میں اس ذمہ داری کے تقاضوں پر پورا نہ اتر سکا، آپ سب سے شرمندہ ہوں، باالخصوص عابد علی خاکسار بھیا سے۔
     
  10. الف عین

    الف عین لائبریرین

    مراسلے:
    31,128
    جھنڈا:
    India
    موڈ:
    Psychedelic
    یہ بات نہیں ہے۔ الفاظ کے حوالے سے تم نے کسی بات پر غور نہیں کیا اور در گزر کر دیا، لیکن معنی و مفہوم کے لحاظ سے میں تمہاری نظر کا قائل ہوں کہ اچھے نکتے پیش کرتے ہو۔ اسی طرح کرتے رہو۔ یہ میری درخواست، گذارش بلکہ حکم کہوں تو شاید نہ ماننے سے باز آ جاؤ!
     
    • پسندیدہ پسندیدہ × 3
    • متفق متفق × 1
  11. عابد علی خاکسار

    عابد علی خاکسار محفلین

    مراسلے:
    273
    آپ کے خلوص کا تہہ دل سے شکر گزار ہوں مجھے تو بہت خوشی ہوتی ہے کبھی بھی برا محسوس نہیں کرتا آپ کے پرمزاح فقرے تو فرحت دیتے ہیں آپ نے مجھے فرمایا تھا چھوٹا نہ کرنا تو یہی میری آپ سے گزارش ہے استاد محترم کا حکم بھی ہے تو سر آپ کو اصلاح کا بیڑہ اٹھانا ہی ہو گا
     
    • دوستانہ دوستانہ × 1
  12. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    حوصلہ افزائی کے لئے شکریہ استادِ محترم۔
    بہرحال میرا بیان "یہ ذمہ داری خلوص سے زیادہ علم کی متقاضی ہے" اپنی جگہ قائم ہے، جس پر غور کرنے کی درخواست ہے۔
    جب اصلاح کرنے والا ہی اس طرح کی غلطیاں کرے گا تو ۔ ۔ ۔ ۔
     
  13. امجد علی راجا

    امجد علی راجا محفلین

    مراسلے:
    1,914
    جھنڈا:
    Pakistan
    موڈ:
    Breezy
    حکم تو میں نے کبھی اپنی بیوی کا بھی نہیں ٹالا، آپ تو پھر میرے روحانی والد ہیں۔
     
    • پسندیدہ پسندیدہ × 2
    • زبردست زبردست × 1
  14. ظہیراحمدظہیر

    ظہیراحمدظہیر محفلین

    مراسلے:
    2,061
    جھنڈا:
    Pakistan
    موڈ:
    Busy
    امجد بھائی ! آپ شہسوار ہیں کوئی گھٹنوں کے بل تو نہیں چل رہے ۔ سو ایسی باتیں نہ کریں اور یہ خدمت جاری رکھیں ۔ اللہ تعالیٰ آپ کو اپنے حفظ و امان میں رکھے ، شاد و آباد رکھے ! جس طرح آپ اپنےاستادِ محترم کی بات کا مان رکھ رہے ہیں اللہ تعالیٰ اسی طرح آپ کا مان قائم رکھے ! آمین ۔
    :):):)
     

اس صفحے کی تشہیر