باورچی خانہ اور کھانے پینے سے متعلق کیفیت نامہ

آٹو کریکٹ کی کارستانی اور کچھ ٹائپو۔ تدوین کردی ہے۔
اُبلی ہوئی مچھلی بھی ایک بار کھائی ہے پر بیک کی ہوئی مچھلی کا کبھی اتفاق نہیں ہوا ہاں کمانڈوز کو دیکھا تھا ایک بار وہ لوگ مچھلی کو پانی میں اُبال کر چھوٹے چھوٹے پیس کرکے کھا رہے تھے۔
 
اجزاء :
آدھی شملہ مرچ، چھوٹے چھوٹے ٹکڑے کاٹنے ہیں۔
دو عدد انڈے
ایک عدد آلو (۲۵۰ سے ۳۰۰ گرام والا)، کدو کش کرنا ہے
۱۰۰ گرام گاجر کدوکش کی ہوئی
ایک عدد نوڈل کا پیکٹ
دو عدد سبز مرچ
ایک عدد چھوٹی پیاز باریک اور چھوٹی کٹی ہوئی
نمک اور مرچ حسب ذائقہ

سب سے پہلے نوڈل کی سویوں کو توڑ لیں اور اس کو ابال لیں۔
پانی نچوڑ کر اس کو آلو، گاجر، شملہ مرچ سبز مرچ پیاز میں ملا لیں۔
اب انڈے توڑ کر اس میں ملا دیں اور اچھی طرح ملا لیں، ساتھ ہی نمک اور مرچ بھی شامل کر لیں۔
اب ایک بڑے فرائی پین میں تھوڑا سا گھی ڈال کر گرم کر لیں اور اس آمیزے کو اس میں ڈال دیں۔
ایک طرف سے پکنے کے بعد اس کو بڑی احتیاط سے اَلٹ لیں اور دوسری طرف سے بھی پکائیں۔
آمیزے کی تہ تقریباً آدھ سینٹی میٹر سے پون سینٹی میٹر ہونی چاہیے۔

تجربہ کامیاب رہا تو نتائچ سے مطلع فرمائیے گا۔
اس ترکیب کو مختصر کرکے ٹرائی کیا آج
پہلے انسٹنٹ نوڈلز میں سے صرف نوڈلز کو ابال لیا

IMG-20200330-205932.jpg


ساتھ ہی ایک پیالے میں انڈا پھینٹ لیا

IMG-20200330-210137.jpg


اب پیاز اور شملہ مرچ کو چھوٹا کاٹ کر تل لیا

IMG-20200330-210312.jpg


نوڈلز ، پیاز و شملہ مرچ تلی ہوئی ، ہرچ مرچ چھوٹے چھوٹے ٹکڑے کاٹ کر نمک سرخ مرچ اور گرم مصالحہ پاؤڈر سب کو انڈے میں مکس کرلیا اور فرائی پین پر ہلکی آنچ میں تل لیا۔ ایک سائیڈ تلی گئی تو دوسری طرف الٹ کر ہلکی آنچ پر تل لیا

IMG-20200330-211237.jpg



بہترین ڈش تیار ۔ کچڑی کے ساتھ تناول کیا۔ مزہ آگیا۔

IMG-20200330-213135.jpg
 
مزیدار اسپشل دال
اجزا:
  • چنے کی دال ۳۰۰ گرام،مسور کی دال ۱۰۰گرام کسی گلاس وغیرہ میں ماپ لیں
  • دیسی گھی ۲۰۰گرام
  • دہی ۱۰۰ گرام
  • لہسن ادرک تازہ کُٹی ہوئی دو کھانے کے چمچ
  • سرخ مرچ کُٹی ہوئی ڈیڑھ کھانے کا چمچ (یا حسبِ ذائقہ)
  • سفید زیرہ دو چائے کا چمچ
  • پسا دھنیا ایک چائے کا چمچ
  • گرم مصالحہ ایک چائے کا چمچ
  • پسی ہلدی ایک چائے کا چمچ
  • کالی مرچ کُٹی ہوئی ایک چائے کا چمچ
  • سبز مرچ۱۲ عدد ( ۵ عدد باریک کاٹ لیں)
  • ہینگ ایک چٹکی (نا بھی ڈالیں تو کوئی بات نہیں)
  • نمک حسب ذائقہ
  • پیاز باریک کٹی ہوئی ۲ سے ۳ عدد درمیانی سائز
  • ٹماٹر ۲۵۰ گرام
  • قصوری میتھی ۴ کھانے کے چمچ
  • کشمش صاف ۲۵ سے ۳۰ عدد
  • ہرا دھنیا اور ہرا پودینا اور ادرک گارنیش کے لئے۔
ترکیب:
دالیں چننے کے بعد اسے سادہ پانی سے اچھی طرح دھو کر کم از کم تین گھنٹے کیلئے بھگو دیں۔ پتیلی میں دیسی گھی ہلکی آنچ پرگرم کرنے کے لئے رکھ دیں۔ اس میں باریک کٹی ہوئی پیاز ڈال کر ہلکا سنہرا کر لیں۔ادرک لہسن ڈال کرتھوڑا بھونیں۔ اب باریک کٹے ہوئے ٹماٹر ،باریک کَٹی ہوئی ہری مرچ اور تمام مصالحے ڈال کر بھونیں دہی پھینٹ کر ڈالیں اور کشمش ڈال دیں اور تھوڑامزید بھونیں۔ اب ساڑھے چار گنا پانی ڈالیں اور ابال آنے دیں ۔اس میں بھگوئی ہوئی دال ڈال دیں اور ڈھک کر پکائیں۔ جب تھوڑا پانی رہ جائے تو قصوری میتھی اور پانچ سبز مرچ بغیر کاٹے ڈالیں اور پانی خشک ہونے تک پکائیں ۔ ہرا دھنیا، ہرا پودینا، ادرک اور دو عدد ہری مرچ باریک کاٹ کر گارنیش کریں۔ گرما گرم نان یا چپاتی کے ساتھ پیش کریں۔


یہ میری ذاتی ریسیپی ہے۔ ٹائپ کرنے میں کوئی غلطی ہو یا سمجھ نا آئے تو پوچھ لیں۔
 
آخری تدوین:

سید عمران

محفلین
جی نہیں۔ ٹماٹر ڈال کر انڈوں کا خاگینہ بنتا ہے۔ انڈا گھوٹالا کے لیے دال میں انڈے کو ڈالا جاتا ہے جسے انڈا گھوٹالا یا دال گھوٹالا کہتے ہیں۔
سارا نیٹ چھان مارا موا دال والا انڈا گھٹالا کہیں نہ ملا...
سر اس کی ریسیپی دیں!!!
 
مزیدار اسپشل دال
اجزا:
  • چنے کی دال ۳۰۰ گرام،مسور کی دال ۱۰۰گرام کسی گلاس وغیرہ میں ماپ لیں
  • دیسی گھی ۲۰۰گرام
  • دہی ۱۰۰ گرام
  • لہسن ادرک تازہ کُٹی ہوئی دو کھانے کے چمچ
  • سرخ مرچ کُٹی ہوئی ڈیڑھ کھانے کا چمچ (یا حسبِ ذائقہ)
  • سفید زیرہ دو چائے کا چمچ
  • پسا دھنیا ایک چائے کا چمچ
  • گرم مصالحہ ایک چائے کا چمچ
  • پسی ہلدی ایک چائے کا چمچ
  • کالی مرچ کُٹی ہوئی ایک چائے کا چمچ
  • سبز مرچ۱۲ عدد ( ۵ عدد باریک کاٹ لیں)
  • ہینگ ایک چٹکی (نا بھی ڈالیں تو کوئی بات نہیں)
  • نمک حسب ذائقہ
  • پیاز باریک کٹی ہوئی ۲ سے ۳ عدد درمیانی سائز
  • ٹماٹر ۲۵۰ گرام
  • قصوری میتھی ۴ کھانے کے چمچ
  • کشمش صاف ۲۵ سے ۳۰ عدد
  • ہرا دھنیا اور ہرا پودینا اور ادرک گارنیش کے لئے۔
ترکیب:
دالیں چننے کے بعد اسے سادے پانی سے اچھی طرح دھو کر کم از کم تین گھنٹے کیلئے بھگو دیں۔ پتیلی میں دیسی گھی ہلکی آنچ پرگرم کرنے کے لئے رکھ دیں۔ اس میں باریک کٹی ہوئی پیاز ڈال کر ہلکا سنہرا کر لیں۔ادرک لہسن ڈال کرتھوڑا بھونیں۔ اب باریک کٹے ہوئے ٹماٹر ،باریک کَٹی ہوئی ہری مرچ اور تمام مصالحے ڈال کر بھونیں دہی پھینٹ کر ڈالیں اور کشمش ڈال دیں اور تھوڑامزید بھونیں۔ اب ساڑھے چار گنا پانی ڈالیں اور ابال آنے دیں ۔اس میں بھگوئی ہوئی دال ڈال دیں اور ڈھک کر پکائیں۔ جب تھوڑا پانی رہ جائے تو قصوری میتھی اور پانچ سبز مرچ بغیر کاٹے ڈالیں اور پانی خشک ہونے تک پکائیں ۔ ہرا دھنیا، ہرا پودینا، ادرک اور دو عدد ہری مرچ باریک کاٹ کر گارنیش کریں۔ گرما گرم نان یا چپاتی کے ساتھ پیش کریں۔


یہ میری ذاتی ریسیپی ہے۔ ٹائپ کرنے میں کوئی غلطی ہو یا سمجھ نا آئے تو پوچھ لیں۔
مسور کی دال میں چنے کی دال ملانے سے اچھی نہیں بنتی ۔
 
آخری تدوین:
سارا نیٹ چھان مارا موا دال والا انڈا گھٹالا کہیں نہ ملا...
سر اس کی ریسیپی دیں!!!
دوپہر میں اگر مسور یا مونگ کی دال بنی ہو اور رات تک کچھ بچ جائے تو اطمینان کے ساتھ اسے ہلکی آنچ پر چڑھائیں اور حسبِ مقدار ایک یا دو انڈے توڑ کر اس میں ڈال دیں اور چمچہ ہلاتے رہیں۔ حسبِ ذائقہ نمک لال مرچ وغیرہ ڈال لیں۔ پانچ سات منٹ میں ایک ملغوبہ تیار ہوجائے گا۔ دال گھوٹالا تیار ہے۔
 
Top