ایک ملاقات کا مختصر حال

حسن محمود جماعتی نے 'ذکر محفلین' کی ذیل میں اس موضوع کا آغاز کیا، ‏اکتوبر 17, 2020

  1. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    کورونا وبا کے اثرات میں ایک امر اپنوں سے دوری بھی ہے۔ یعنی سگے رشتہ داروں کو چار و ناچار دور رہنا پڑتا ہے۔ ماں باپ سگی اولاد سے، اولاد ماں باپ سے، بھائی بہن، میاں بیوی الغرض ہر رشتے سے فاصلے پیدا ہوجاتے ہیں۔ عمومی حالات میں سماجی فاصلہ ضروری ہے۔ لیکن اسی کورونا کے سبب ہم ملے محفل کی ایک خوبصورت شخصیت سے۔
    دفتر میں دو قریبی افراد اس وبا سے متاثر ہوئے۔ ایک کو حالت وحالات کے سبب ہسپتال داخل ہونا پڑا۔ باس نے پوچھا "میو ہسپتال میں کوئی جاننے والا ہے؟ جن کے ذریعے بہتر نگہداشت اور بروقت حالات معلوم کیے جا سکیں." جھٹ سے دماغ میں ایک نام ابھرا اور فیس بک پر میسیج داغ دیا۔ چند ساعتوں میں ہی جواب آیا کہ حکم کیجیے حکم کی تعمیل ہو گی۔ اسی اثنا میں نمبروں کا تبادلہ ہوا۔ چونکہ دفتر کے قریبی ساتھی وبا سے متاثر ہوئے لہذا اصولا اپنا ٹیسٹ کروانا بنتا تھا سو عرضی بھی ڈال دی۔ بولے فلاں وقت تشریف لائیے کام ہو جائے گا۔ اگلے روز مریض کے دیکھ بھال کے لیے میو جانا ہوا اور ہم نے پاکستانی ہونے کا ثبوت دیتے وقت کی قطعی پابندی نہیں کی اور ڈاکٹر صاحب کے مذکورہ وقت پر نہیں پہنچے۔ رابطہ کیا جواب ندارد۔ سوچا ہماری کاہلی و سستی، وہ تو اپنا فرض ادا کر رہے ہوں گےاور یقینا ایسا ہی تھا وہ وارڈ ڈیوٹی پر تھے۔
    نماز عصر کے وقت کال آئی کہ بندہ پرور کہاں تشریف فرما ہیں بتایا ابھی ہسپتال ہی ہوں۔ بولے نماز کے بعد ملاقات ہوگی فلاں وارڈ میں تشریف لائیے ٹیسٹ کے لیے نمونے لیے جائیں گے۔ لیجیے جناب یہ ٹھہری پہلی ملاقات اور پہلا دیدار جو ہمیں ڈاکٹر عاطف ملک صاحب کا ہوا۔
    ڈاکٹری لباس زیب تن، ہڈی اور ماس کا ڈیل ڈول لیے، عینک میں سے جھانکتے، قدرے تیز کلام کرتے اور اپنے مخصوص انداز میں سر ہلاتے ڈاکٹر عاطف ملک صاحب۔
    متعلقہ امور سر انجام دیے اور پھر فراغت پر باقاعدہ مختصر سلام دعا ہوئی۔ بولے ملنے کا اشتیاق تو تھا لیکن یوں نہیں۔ لیکن چلو اس کورونا کے سبب کوئی تو ملا۔ یہ خالصتاً طبی نوعیت کی ملاقات تھی۔ جس میں ڈاکٹر صاحب نے ہمارے اور مریض سے متعلق حالات پر ڈاکٹری تجزیہ دیا۔
    16 اکتوبر کی صبح مریض کی دیکھ بھال کے دوبارہ جانا ہوا۔ جا کر رابطہ کیا بندہ پرور آپ کی نگری میں آپ کے زیر سایہ موجود ہیں۔ فرمایا ابھی ڈیوٹی پر ہوں آف ہوتے ہی رابطہ کرتا ہوں۔ سوا 10 بجے پیغام ملا آدھے گھنٹے تک فراغت ہو جائے گی۔ مقررہ وقت پر پیغام ملا کہ فراغت ہو گئی ہے۔ اس کے بعد ہر طرف خاموشی۔ 12 منٹ بعد پوچھا حضور آپ کے اشتیاق میں ادھر الطاف، رابن، ولسن ناجانے کس کس سے شرف ملاقات ہو گیا ہے۔ ٹھیک 12 منٹ بعد جواب ملا کینٹین پر تشریف لائیں۔
    وہی بانکا نوجوان تیز تیز قدم اٹھاتا سامنے موجود۔ کینٹین میں ناشتہ کرنے بیٹھے اور اب پہلی بار غیر طبی گفتگو کا آغاز ہوا۔ جس کا نقطۂ ارتکاز بہرحال طب ہی تھا۔ اس گفتگو سے فراغت کے بعد جنابِ من نے اپنی ادب دوری کا بے جا رونا رویا جسے کمال خوبئِ حسن سماعت سے ڈاکٹر صاحب نے سنا اور کچھ اپنا حال سنایا۔ کنٹین سے نکل کر الوداعی طور پر ملنے کے کھڑے ہوئے تو کوئی مزید آدھا گفتگو بیچ سڑک کے ہوگئی جس پر ڈاکٹر صاحب نے فرمایا بھیا دھوپ زیادہ ہے اور سڑک کے بیچ کھڑے ہیں۔ خیر سے کوئی گاڑی ہی سلام دعا کر جائے۔ خیر چھاؤں میں کھڑے حسب عادت مزید نہ بولنے کا کہہ کر بھی مزید 10, 15 گفتگو سنائی۔
    ملاقات کا اختتام آئندہ ملاقات جو کسی مناسب وقت اور مقام پر ہوگی کا دونوں طرف سے متفقہ فیصلہ سنایا گیا۔ اور پھر یہی دہرایا گیا کہ ایسے ملنے کا کوئی ارادہ نہ تھا لیکن قدرت کو ملانا مقصود تھا تو فاصلے بڑھاتی اس وبا کے طفیل ہی ملا دیا۔۔۔۔۔۔

    [​IMG]
    کنگ ایڈورڈ میڈیکل یونیورسٹی کی کینٹین میں اس ملاقات کی یادگاری تصوریر
    16-10-20
    میو ہسپتال لاہور
     
    • زبردست زبردست × 4
    • دوستانہ دوستانہ × 2
    • پسندیدہ پسندیدہ × 1
  2. محمد تابش صدیقی

    محمد تابش صدیقی منتظم

    مراسلے:
    26,827
    جھنڈا:
    Pakistan
    موڈ:
    Breezy
    میں نے آخر میں کچھ یوں پڑھا۔
    اور کچھ اپنا کلام سنایا۔ :)

    اللہ تعالیٰ سب کو بیماریوں سے دور رکھے۔ آمین
    اور آپ کو طبی کی جگہ ادبی ملاقات نصیب فرمائے۔ آمین
     
    • پسندیدہ پسندیدہ × 1
    • پر مزاح پر مزاح × 1
  3. سیما علی

    سیما علی لائبریرین

    مراسلے:
    21,873
    جھنڈا:
    Pakistan
    موڈ:
    Cool
    عاطف ملک
    حسن محمود جماعتی صاحب
    ماشاء اللّہ بہت خوب رودادِ ملاقات ۔
    اتنی دیر بھی اگر ان حالات میں غیر طبی گفتگو ہوجائے ۔۔
    سلامت رہیں یہ لوگ جو مسیحائی بخیر و خوبی کررہے ہیں اور سب سے زیادہ خود کو حوکھم میں ڈالتے ہیں انسانیت کی بقا کے واسطے۔۔
     
    آخری تدوین: ‏اکتوبر 17, 2020
    • دوستانہ دوستانہ × 1
  4. عاطف ملک

    عاطف ملک محفلین

    مراسلے:
    1,354
    جھنڈا:
    Pakistan
    موڈ:
    Innocent
    ماشااللہ۔۔۔۔۔۔۔اس قدر خوبصورت احوال لکھیں گے تو مشتاقینِ ملاقات زیادہ ہو جائیں گے:battingeyelashes:
    ہاہاہاہا۔۔۔۔۔اپنا کلام ہم ایسے ہی نہیں سنا دیا کرتے۔
    پہلے سامع سے تحریری ضمانت لیتے ہیں کہ وہ دانستہ یا نادانستہ اپنے بال نوچنے کی کوشش نہیں کرے گا:p
    اور یہ بات آپ سے بہتر شاید ہی کوئی جانتا ہو
    آمین۔
    کورونا کی دوسری لہر آرہی ہے اور ہمارے کچھ احباب Re-Infect بھی ہوئے ہیں۔سو اس حوالے سے سب احباب سے خصوصی دعا کی درخواست ہے۔
     
    • پسندیدہ پسندیدہ × 2
  5. سیما علی

    سیما علی لائبریرین

    مراسلے:
    21,873
    جھنڈا:
    Pakistan
    موڈ:
    Cool
    آمین الہی آمین
    اب تو اس قدر قریبی لوگوں کو ہوگیا کوڈ 19،کہ ہر وقت دعا رہتی ہے اللّہُ سب کو اپنی و حفظ و امان میں رکھے۔
     
    آخری تدوین: ‏اکتوبر 17, 2020
    • پسندیدہ پسندیدہ × 1
  6. شمشاد

    شمشاد لائبریرین

    مراسلے:
    212,256
    جھنڈا:
    Pakistan
    موڈ:
    Relaxed
    ماشاء اللہ، گو کہ مختصر ملاقاتیں اور مختصر روداد، پھر بھی پڑھ کر مزہ آیا۔
    اردو محفل کہ یہ بھی تو ایک خوبصورتی ہے کہ اراکین محفل کہیں نہ کہیں کبھی نہ کبھی مل ہی بیٹھتے ہیں۔
     
    • پسندیدہ پسندیدہ × 2
  7. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    ماحول، حالات، طبیعت اور ذوق کچھ بھی ایسا نہیں تھا کہ ایسا کچھ ہو سکتا۔۔۔۔
    آمین ان شاء اللہ۔
     
    • پسندیدہ پسندیدہ × 1
  8. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    شکریہ آپکا۔
    بہت غنیمت ہے۔
    کوئی شک نہیں۔ اللہ رب العزت ان کی کاوشوں کو قبول کرے۔
     
    • دوستانہ دوستانہ × 1
  9. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    پکی بات ہے؟؟؟
    جی اس کے لیے ۔۔۔۔۔۔۔۔۔۔۔وصول کرتے ہیں۔۔۔۔
    سامع کا وہی جواب ہے جو اس تحریر کو پڑھ کر قاری کا ہے۔
     
    • پسندیدہ پسندیدہ × 1
  10. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    شکریہ آپکا۔
    بجا فرمایا۔
     
    • پسندیدہ پسندیدہ × 2
  11. محمداحمد

    محمداحمد لائبریرین

    مراسلے:
    23,492
    جھنڈا:
    Pakistan
    موڈ:
    Amazed
    ماشاء اللہ! :in-love:
     
  12. نیرنگ خیال

    نیرنگ خیال لائبریرین

    مراسلے:
    18,874
    جھنڈا:
    Pakistan
    موڈ:
    Dunce
    واہ۔۔۔ کمال ہے حسن۔۔۔ میں نے یہ روداد ابھی پڑھی۔ آپ کے مراسلے سے لنک ملا۔۔۔ زبردست یار۔۔۔
     
    • دوستانہ دوستانہ × 1
  13. حسن محمود جماعتی

    حسن محمود جماعتی محفلین

    مراسلے:
    2,524
    جھنڈا:
    Pakistan
    موڈ:
    Breezy
    قبلہ بہت کرم نوازی آپ کی۔ نظر شفقت فرمائی۔ ہے تو آپ کے قدموں کا فیض
     

اس صفحے کی تشہیر