ایک شاعر جسے مرنے کے بعد بھی انصاف نہیں ملا

​

مکرمی ! ضلع سیالکوٹ کی سابقہ تحصیل شکرگڑھ (اب ضلع نارووال) کے ایک شاعر سید صادق حسین ایڈووکیٹ اپنی زندگی اور مرنے کے بعد بھی اس ناانصافی کا شکار رہے کہ اُن کا درج ذیل مشہور شعر ہمیشہ علامہ محمد اقبالؒ کے نام سے منسوب کر دیا جاتا ہے ....
تندی¿ بادِ مخالف سے نہ گھبرا اے عقاب
یہ تو چلتی ہے تجھے اونچا اڑانے کے لئے
سید صادق حسین کی شاعری کی ایک مختصر سی کتاب ”برگ سبز“ کے نام سے 1977ءمیں شائع ہوئی تھی۔ 80 صفحات کی اس کتاب کے صفحہ 64 پر درج بالا شعر دیکھا جا سکتا ہے۔ کتاب کا انتساب بھی سید صادق حسین نے ان اصحاب کے نام کیا ہے جنہوں نے شاہ صاحب کا یہی واحد مشہور شہر چھین کر علامہ ڈاکٹر محمد اقبالؒ کے اسم گرامی سے منسوب کر دیا ہے۔ چلتے چلتے مولانا ظفر علی خاں کے دو اشعار کا بھی ذکر ہو جائے جو انتہائی پڑھے لکھے حضرات بھی غلطی سے علامہ اقبالؒ کو سونپ دیتے ہیں ....
نور خدا ہے کفر کی حرکت پہ خندہ زن
پھونکوں سے یہ چراغ بجھایا نہ جائے گا
فضائے بدر پیدا کر فرشتے تیری نصرت کو
اتر سکتے ہیں گردوں سے قطار اندر قطار اب بھی
بشکریہ نوائے وقت محمد آصف بھلی

 

”فاران“ میگزین 2006 گورنمنٹ اسلامیہ کالج سول لائنز لاہور
میں بھی اس شعر کے شاعر

سید صادق حسین ہی کو بتایا گیا ہے۔ بلکہ مکمل بائیوگرافی بھی ہے۔ اور دیگر بحثیں بھی​

تندی¿ بادِ مخالف سے نہ گھبرا اے عقاب​

یہ تو چلتی ہے تجھے اونچا اڑانے کے لئے​

بقیہ دو کے بارے مجھے علم نہیں

 

قادری صاحب یہ تو آپ نے حیران کن خبر سُنائی ہے

 

ہمارا فیس بک فورم اس شعر کی نشاندہی بہت عرصہ پہلے کر چکا ہے۔
اور جہاں تک مجھے یاد ہے، صادق حسین صاحب کی قبر کی لوح پہ بھی یہی شعر لکھا ہوا ہے۔
میں اُس کی تصویر بھی شاملِ محفل کرتا ہوں، اگر مل گئی تو۔

اور مولانا ظفر علی خان کا یہ شعر بھی
خدا نے آج تک اُس قوم کی حالت نہیں بدلی
نہ ہو جس کو خیال، آپ اپنی حالت کے بدلنے کا

 

یہ میرے لیے معلوماتی ہے

 

مجھے یہ بات پتا تھی بھائی جان

 

بھئی اس شعر کے بارے بھی کوئی بتائے، ہم تو آج تلک حضرتِ اقبال ہی کا سمجھتے رہے:
اس کے الطاف تو ہیں عام شہیدی سب پہ
تجھ سے کیا ضد تھی اگر تو کسی قابل ہوتا

 

میرے علم کے مطابق تو یہ علامہ اقبال رحمۃ اللہ علیہ کا نہیں ہے۔

 

تو پھر کس کا ہے، یہی تو پوچھنا ہے؟؟؟

 

کرامت علی خاں شہیدی

 

الف نظامی بھائی، اگر یہ پوری غزل یا نظم سہولت سے شیئر کر سکیں تو بندہ شکر گزار ہو گا۔

 

انتہا صاحب :شعر میں موجود شاعر کے تخلص شہیدی سے اندازا شاعر کا نام اخذ کیا ہے۔ مکمل کلام کہاں سے لاوں

 

​

دھاگہ​

 

بہت سے اچھے اچھے شعر مشہور شعراء کے نام کرنے والے عوام ہی ہوتے ہیں اور وہ یوں ہی یا ملتے جلتے اُسلوب سے دھوکہ کھا جاتے ہیں۔ عوام کے لئے یہ بات بہت زیادہ اہم بھی نہیں ہوتی۔

 

قادری صاحب اگر برگ سبز مل سکتی ہے تو کیوں نا اسے اردو میں ٹائپ کر کے محفل کی زینت بنا دیا جائے۔

 

ضرور کوشش ہونی چاہیے
لیکن میری وضاحت اوپر درج تھی

بشکریہ نوائے وقت ​

محمد آصف بھلی​

یہ کالم نگار ہیں بھلی صاحب​

اس دن کے اخبار میں ان کا مراسلہ چھپا تھا۔​

وہاں ان کا فون نمبر بھی درج تھا۔​

میں کتاب ڈھونڈنے کی کوشش کروں گا ان شاءاللہ​

 

سمجھتا ہے حوادث ہیں ستانے کے لیے

یہ ہوا کرتے ہیں ظاہر آزمانے کے لیے

تندیٔ باد مخالف سے نہ گھبرا اے عقاب

یہ تو چلتی ہے تجھے اونچا اڑانے کے لیے

کامیابی کی ہوا کرتی ہے ناکامی دلیل

رنج آتے ہیں تجھے راحت دلانے کے لیے

چرخ کج‌ رفتار ہے پھر مائل جور و ستم

بجلیاں شاہد ہیں خرمن کو جلانے کے لیے

نیم جاں ہے کس لیے حال خلافت دیکھ کر

ڈھونڈ لے کوئی دوا اس کو بچانے کے لیے

چین سے رہنے نہ دے ان کو نہ خود آرام کر

مستعد ہیں جو خلافت کو مٹانے کے لیے

دست و پا رکھتے ہیں اور بیکار کیوں بیٹھے رہیں

ہم اٹھیں گے اپنی قسمت کو بنانے کے لیے

 

تو سمجھتا ہے حوادث ہیں ستانے کے لیے

یہ ہوا کرتے ہیں ظاہر آزمانے کے لیے

تندیٔ باد مخالف سے نہ گھبرا اے عقاب

یہ تو چلتی ہے تجھے اونچا اڑانے کے لیے

کامیابی کی ہوا کرتی ہے ناکامی دلیل

رنج آتے ہیں تجھے راحت دلانے کے لیے

چرخ کج‌ رفتار ہے پھر مائل جور و ستم

بجلیاں شاہد ہیں خرمن کو جلانے کے لیے

نیم جاں ہے کس لیے حال خلافت دیکھ کر

ڈھونڈ لے کوئی دوا اس کو بچانے کے لیے

چین سے رہنے نہ دے ان کو نہ خود آرام کر

مستعد ہیں جو خلافت کو مٹانے کے لیے

دست و پا رکھتے ہیں اور بیکار کیوں بیٹھے رہیں

ہم اٹھیں گے اپنی قسمت کو بنانے کے لیے