ایک آوارہ حادثہ

[عثمان غازی]

ایک آوارہ حادثہ
اپنی پہچان سے محروم
شہر میں گھوم رہا ہے
پاگل حادثہ
کرب کا ڈھول گلے میں ڈالے
آہ وبکا کو پیٹ رہا ہے
بدحال حادثہ
اپنے ہونے سے محروم
شہر کے رستوں کو
کبھی پوت رہا ہے کبھی لیپ رہاہے
کون ہے اس کا مضروب
کہاں ہوگا اس کا ٹھکانا
چڑیا کا گھونسلہ؟
نہیں ۔ ۔ ۔ انڈے ٹوٹ جائیں گے!
کسی محبوب کی آنکھیں؟
نہیں ۔۔۔ سپنے ٹوٹ جائیں گے!
چیختا چنگھاڑتا المیہ
بلکتا سسکتا ضمیر
پگھلتی آنکھیں
یا بے جان ہوتا وجود
حادثہ بھول رہا ہے
سوچنا بھی ایک حادثہ ہے
خود کو نوچنے لگا
حادثہ سوچنے لگا!

از: عثمان غازی

 

[نایاب]

نوحہ دل درد مند کا ۔۔۔۔۔۔۔۔۔۔۔۔۔۔۔
بہت خوب غازی بھائی

 

[الف عین]

اچھی نثری نظم ہے

 

[عثمان غازی]

نوحہ دل درد مند کا ۔۔۔ ۔۔۔ ۔۔۔ ۔۔۔ ۔۔۔
بہت خوب غازی بھائی

یہ دل دردمند کا الزام خوب ہے ۔ ۔ ۔ ہوسکتا ہے دل دردنما ہو ۔ ۔ ۔ عین ممکن ہے کہ دل بے درد ہو

 

[عثمان غازی]

اچھی نثری نظم ہے

حوصلہ افزائی کا شکریہ ۔ ۔ ۔ ۔

 

[نایاب]

یہ دل دردمند کا الزام خوب ہے ۔ ۔ ۔ ہوسکتا ہے دل دردنما ہو ۔ ۔ ۔ عین ممکن ہے کہ دل بے درد ہو

محترم بھائی آپ کا جواب ہی اس حقیقت کی دلیل کہ " دل درد مند " الزام نہیں حقیقت ہے جبھی یہ سب سوچ تحریر ہوپائی ۔
خوش رہیں سداآمین

 

[مغزل]

اچھی نثری نظم ہے

بابا جانی ی ی ی ی ۔۔۔۔


عثمان غازی بھائی رسید حاضر ہے میں بشرطِ فرصت حاضر ہوتا ہوں فی الحال تو خوشگوار حیرت میں ہوں۔۔